<div class="version vid3247 iso6393acr" data-vid="3247" data-iso6393="acr">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s1">I utz taj chi kki'an i winaq</div><div class="p"> 1Are xkijeq k'iyarik i winaq chwach i jyub' ta'aj, xaq xealax kak'al chi je altom, 2i je rak'al i Dios xkilo chi je chomiq taq altom i kak'al i to' winaq le, rumali xe'ok chu'ulik chkixol konojel i altom le, pachin taq kumaj kiwach chke, xaq xek'uli ku'. 3Xwiri i Ajwal xub'ij: &#8220;Kinya ti chik chke i winaq chi naj kek'asi'ik, man saq laj tzij ike xa je b'aq xaq xa ti' kich'akul, rumali xa waqwinaq junab' (120) chik kek'asi'ik.&#8221; Xcha.</div><div class="p"> 4I winaq chi lik naj kij xaq lik o kicho'ab' xewinaqirik. Are xek'uli i rak'al i Dios ku' kimi'al i to' winaq le, are uri xealax kak'al chi xe'eloq lik je utz ti laj taq winaq, xaq lik x-etamax kiwach chi lik o kicho'ab' re i ch'oj, man lik xwi i utz taj kki'ano.</div><div class="p"> 5I Ajwal are xril i mak atzalal ke i winaq chi lik k'i chik chwach i jyub' ta'aj, lik xwi kkich'ob' u'anik i utz taj ronojel taq ij, 6are uri i Ajwal xb'a'krij uk'ux chke i winaq chi je u'anom chwach i jyub' ta'aj, xaq lik k'ax xuna uk'ux. 7Rumali xub'ij: &#8220;Kinchup ni kiwach konojel i winaq chwach i jyub' ta'aj chi je in-anom; xaq keje konojel i chikop je manxo, konojel i kejukmayik, konojel i tz'ikin chi kerupup chikaj, man lik xb'a'krij ink'ux chke chi xein-ano.&#8221; Xcha i Dios.</div><div class="p"> 8Xwiri ma No&#233;, x-iltaj tob'al uwach rumal i Ajwal.</div><div class="s1">I nim laj kanuw re ma No&#233;</div><div class="p"> 9Iri are u'anoj ma No&#233;: I ma No&#233; le lik utz laj achi, lik arewi xkojon che i Dios, xaq lik o u'ij chkixol i winaq, che taq i ij le xwi ire xb'in pub'e i Dios. 10I ma No&#233; le xeuk'uwalij oxib' rak'al: A Sem, a Cam, xaq i a Jafet.</div><div class="p"> 11Che taq i ij le, uwach i jyub' ta'aj lik utz ti chik chwach i Dios, lik nojnaq chik uwach che i ch'oj. 12Are xril i Dios ile chi lik utz ti chik uwach i jyub' ta'aj, xaq konojel i winaq lik utz ti chik kki'ano, 13are uri xub'ij che ma No&#233;: &#8220;Yin lik inch'ob'om chik chi kinchup ni kiwach konojel i winaq, man kumal ike nojnaq chik uwach i jyub' ta'aj che i utz taj; rumali lik kinchup ni kiwach junam ru' i jyub' ta'aj. 14Are uri i Dios xub'ij che ma No&#233;: Chatzukuj i che' chi o ol che, cha'ana jun nim laj kanuw, xaq cha'ana k'iyal tasaj che upam, chatz'aqa lap chupam xaq i chrij man keje ile kok ti ya chupam. 15Keje unimal iri ka'an che: Jo'ob' oxwinaq (65) xik'ab' raqan, kab'lajuj xik'ab' uwach, xaq wuqub' xik'ab' ru' nik'aj unajtil rij. 16Xaq cha'ana oxle che i kanuw le chi pacha ja; kakanaj ni jun wantana che, keb' ripaj ab'aj chuxe' li uwi, xaq kakanaj jun uchija putzal. 17Man Yin kintaq b'i jun nim laj jab' chwach i jyub' ta'aj, chupsab'al kiwach konojel ni'pa o kik'aslemal, che ronojel uwach i jyub' ta'aj; keje ile, lik konojel kekam na. 18Xwiri Yin kin-an ni jun intrat awu' yet; chupam i nim laj kanuw le chi pacha ja katok nu b'i yet, ak'ojol, awixoqil xaq i awalib', junam kixok b'ik. 19Xaq cheakojo b'i kakab' chke i jalajuj taq chikop chi je o chwach i jyub' ta'aj, chupam i nim laj kanuw le chi pacha ja, jun ma xaq jun atit chrij taq kichikopil, man ketotaj ni awu'. 20Pa kakab'il chrij kichikopil. Tz'ikin, chikop chi je aj ru' taq ja, xaq i chikop chi kejukmay chwach ulew man keje ile lik kek'asi na. 21Xaq chatzukuj b'i jalajuj wach taq ktijawik, chak'olo man kuriq uchak chiwe yix re kitijo xaq re kkitij i chikop.&#8221; Keje ile xub'ij i Ajwal che ma No&#233;.</div><div class="p"> 22I ma No&#233; le, xu'an ronojel chrij pacha xtaq che rumal i Dios.</div>
 </div>
 </div>
</div>

Are xkijeq k'iyarik i winaq chwach i jyub' ta'aj, xaq xealax kak'al chi je altom, i je rak'al i Dios xkilo chi je chomiq taq altom i kak'al i to' winaq le, rumali xe'ok chu'ulik chkixol konojel i altom le, pachin taq kumaj kiwach chke, xaq xek'uli ku'. Xwiri i Ajwal xub'ij: “Kinya ti chik chke i winaq chi naj kek'asi'ik, man saq laj tzij ike xa je b'aq xaq xa ti' kich'akul, rumali xa waqwinaq junab' (120) chik kek'asi'ik.” Xcha.
I winaq chi lik naj kij xaq lik o kicho'ab' xewinaqirik. Are xek'uli i rak'al i Dios ku' kimi'al i to' winaq le, are uri xealax kak'al chi xe'eloq lik je utz ti laj taq winaq, xaq lik x-etamax kiwach chi lik o kicho'ab' re i ch'oj, man lik xwi i utz taj kki'ano.
I Ajwal are xril i mak atzalal ke i winaq chi lik k'i chik chwach i jyub' ta'aj, lik xwi kkich'ob' u'anik i utz taj ronojel taq ij, are uri i Ajwal xb'a'krij uk'ux chke i winaq chi je u'anom chwach i jyub' ta'aj, xaq lik k'ax xuna uk'ux. Rumali xub'ij: “Kinchup ni kiwach konojel i winaq chwach i jyub' ta'aj chi je in-anom; xaq keje konojel i chikop je manxo, konojel i kejukmayik, konojel i tz'ikin chi kerupup chikaj, man lik xb'a'krij ink'ux chke chi xein-ano.” Xcha i Dios.
Xwiri ma Noé, x-iltaj tob'al uwach rumal i Ajwal.

Iri are u'anoj ma Noé: I ma Noé le lik utz laj achi, lik arewi xkojon che i Dios, xaq lik o u'ij chkixol i winaq, che taq i ij le xwi ire xb'in pub'e i Dios. I ma Noé le xeuk'uwalij oxib' rak'al: A Sem, a Cam, xaq i a Jafet.
Che taq i ij le, uwach i jyub' ta'aj lik utz ti chik chwach i Dios, lik nojnaq chik uwach che i ch'oj. Are xril i Dios ile chi lik utz ti chik uwach i jyub' ta'aj, xaq konojel i winaq lik utz ti chik kki'ano, are uri xub'ij che ma Noé: “Yin lik inch'ob'om chik chi kinchup ni kiwach konojel i winaq, man kumal ike nojnaq chik uwach i jyub' ta'aj che i utz taj; rumali lik kinchup ni kiwach junam ru' i jyub' ta'aj. Are uri i Dios xub'ij che ma Noé: Chatzukuj i che' chi o ol che, cha'ana jun nim laj kanuw, xaq cha'ana k'iyal tasaj che upam, chatz'aqa lap chupam xaq i chrij man keje ile kok ti ya chupam. Keje unimal iri ka'an che: Jo'ob' oxwinaq (65) xik'ab' raqan, kab'lajuj xik'ab' uwach, xaq wuqub' xik'ab' ru' nik'aj unajtil rij. Xaq cha'ana oxle che i kanuw le chi pacha ja; kakanaj ni jun wantana che, keb' ripaj ab'aj chuxe' li uwi, xaq kakanaj jun uchija putzal. Man Yin kintaq b'i jun nim laj jab' chwach i jyub' ta'aj, chupsab'al kiwach konojel ni'pa o kik'aslemal, che ronojel uwach i jyub' ta'aj; keje ile, lik konojel kekam na. Xwiri Yin kin-an ni jun intrat awu' yet; chupam i nim laj kanuw le chi pacha ja katok nu b'i yet, ak'ojol, awixoqil xaq i awalib', junam kixok b'ik. Xaq cheakojo b'i kakab' chke i jalajuj taq chikop chi je o chwach i jyub' ta'aj, chupam i nim laj kanuw le chi pacha ja, jun ma xaq jun atit chrij taq kichikopil, man ketotaj ni awu'. Pa kakab'il chrij kichikopil. Tz'ikin, chikop chi je aj ru' taq ja, xaq i chikop chi kejukmay chwach ulew man keje ile lik kek'asi na. Xaq chatzukuj b'i jalajuj wach taq ktijawik, chak'olo man kuriq uchak chiwe yix re kitijo xaq re kkitij i chikop.” Keje ile xub'ij i Ajwal che ma Noé.
I ma Noé le, xu'an ronojel chrij pacha xtaq che rumal i Dios.

Lalela G%E9nesis 6