Bible translation: Sidama © Bible Society of Ethiopia, 2017 Recording of the New Testament ℗ 2020 Hosanna

Sidama - 2017 BSE (NT) Non Drama

Sidama - 2017 BSE (NT) Drama

<div class="version vid3204 iso6393sid" data-vid="3204" data-iso6393="sid">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">ALIAAZAARI REYO</div><div class="p"> 1Biitaaniyaho hee'rannohu mittu Aliaazaari yinanni manchi dhiwami. Biitaaniyu Maariyaaminna rodoose Maarta heedhanno qachaati. 2Hatti Maariyaami Mootichaho shitto buurte, lekkasi dananchisenni fiitute. Dhiwaminohu Aliaazaari rodooseeti. 3Lamenti roduuwi, &#171;Mooticha, ati baxattohu dhiwamino&#187; yee Yesuusiwa soqqi.</div><div class="p"> 4Yesuusino konne coye macciishshe, &#171;Kuni dhibbi reyote iillishannoha di"ikkino. Ikkollana Maganu ayirrinyira ikkanno. Maganu Beettino kunninni ayirranno gedeeti&#187; yii.</div><div class="p"> 5Yesuusi Maartanna rodoose Maariyaamino, rodoonsa Aliaazaarino baxanno. 6Ikkollana Aliaazaari dhiwaminota macciishshe hee'renni hakkiicho noowa lame barra keeshshi. 7Hakkunni gedensaanni rosaanosi, &#171;Amme galagalle Yihuda ha'nona!&#187; yiinsa.</div><div class="p"> 8Rosaanosino, &#171;Rosiisaancho, tenne mule Ayihudootu ate kinnatenni gantahera hasidhino. Xaa galagalte hakkiira ha'ratto?&#187; yitu.</div><div class="p"> 9Yesuusi qole, &#171;Mittu barri giddo ditonaa lame saate no? Barra ha'rannohu tenne gobba xawaabba la"anno daafira digufi'ranno. 10Hashsha ha'rannohu kayinni xawaabbu nookki daafira gufi'ranno&#187; yiinsa.</div><div class="p"> 11Yesuusi hatto yiihu gedensaanni, &#171;Jaalinke Aliaazaari goxinona, ani goxichunni kayisammosira ha'reemmo&#187; yii.</div><div class="p"> 12Rosaanosi, &#171;Mooticha, goxe nooha ikkiro higannosi&#187; yitu. 13Yesuusi coyi'ranni noohu Aliaazaari reyoreeti. Insara kayinni goxichunnire coyi'rinoha lawinonsa. 14Kunnira Yesuusi xawise kulanni, &#171;Aliaazaari reyino. 15Kunnira, ki'ne ammantinanni gede ani hakko hooga'yara hagiidhoommo. Xa kayinni isiwa ha'nona ka'e!&#187; yiinsa.</div><div class="p"> 16Hatte yannara, Lakkichaho#11:16 Lakkicha Ibiraawootu afiinni Teoma yinanni. Giriikete afiinni qolle Didimoosi yinanni. yinannihu Toomaasi wole rosaanora, &#171;Isi ledo reyineemmo gede, amme ninkeno rosiisaanchu ledo ha'nona!&#187; yii.</div><div class="s">YESUUSI KAOTENNA HEESHSHOTE</div><div class="p"> 17Yesuusi hakkiira mare iillanno woyite, Aliaazaari madaarrinkunni shoole barra ikke no. 18Biitaaniyu Yerusaalametenni 3,000 qaafo geeshsha xeerti'ranno. 19Lowohu Ayihudete manni rodiinsa reyora sheshifachishansara Maartanna Maariyaamiwa daye no. 20Maarta Yesuusi dayinota macciishshite, haadhasira gobbara fultu. Maariyaami kayinni mine gattino.</div><div class="p"> 21Maarta Yesuusa, &#171;Mooticha'ya, ati kawiicho hee'roottoha ikkoommero rodii'ya direyanno. 22Xaano ikkiro, huucci'rattore baala Maganu aannoheta afoomma&#187; yitu.</div><div class="p"> 23Yesuusino, &#171;Rodiikki reyotenni ka"anno&#187; yiise.</div><div class="p"> 24Maartano, &#171;Goofimarchoho reyotenni ka'nanni barra ka"annota afoomma&#187; yitu. 25Yesuusino, &#171;Kaonna heeshsho aneeti; ane ammanannohu reyiro nafa lubbotenni hee'ranno. 26Hee'rannohunna ane ammanannohu baalu hegerera direyanno. Konne coye ammanatta?&#187; yiise.</div><div class="p"> 27Iseno, &#171;Ee Mooticha'ya ammaneemma; ati tenne gobba daanno yiniha Kiristoosa Maganu Beetto ikkoottota ammanoomma&#187; yitusi.</div><div class="p"> 28Maarta hatto yituhu gedensaanni handuruffi yite ka'e rodoosewa Maariyaamiwa marte, &#171;Rosiisaanchu dayino; ateno xa'manni noohe&#187; yite sununni kultuse. 29Maariyaami konne coye macciishshitanni heedhenni, rakke Yesuusiwa martu. 30Yesuusi kayinni Maartanni xaadi dargalla noota ikkinnina xaara qacha dieino. 31Maariyaami sheshifachishshara dagge mine noo Ayihudooti, ise rakke fultu gara la'e, wi'litara waammanniwa hadhanni nooha laweennansa faanase fultu. 32Maariyaami marte Yesuusa affuti lekkasi hunda ubbe, &#171;Mooticha'ya, ati kawiicho hee'roottoha ikkoommero, rodii'ya direyanno&#187; yitu.</div><div class="p"> 33Yesuusi Maariyaaminna ledose noo Ayihudooti wi'litanna lae lowo geeshsha marare cinca hooge, 34&#171;Hiikko madaartinoonni?&#187; yee xa'mi.</div><div class="p">Insano, &#171;Mooticha, amo dagge lai!&#187; yitu.</div><div class="p"> 35Yesuusino wi'li. 36Kunnira Ayihudootu, &#171;Hiitto baxannosiro la'e!&#187; yitu.</div><div class="p"> 37Gamu kayinni, &#171;Ballicha ille faninohu, wona konne mancho reyannokki gede asse diafanno?&#187; yitu.</div><div class="s">YESUUSI ALIAAZAARI REYOTENNI KAYISI</div><div class="p"> 38Yesuusi lowo geeshsha marare cinca hooge waammanniwa mari; waammano afoo kinchunni cunfoonni godaati. 39Yesuusi, &#171;Kincho hoolle!&#187; yii.</div><div class="p">Reyi manchi rodoo Maarta, &#171;Reyinkunni shoole barra keeshshino daafira, xa bowanno!&#187; yitu.</div><div class="p"> 40Yesuusino, &#171;Ammanittaha ikkiro Maganu ayirrinye la"atta diyoommohe?&#187; yiise.</div><div class="p"> 41Mannuno kincho hooli. Hakkunni gedensaanni Yesuusi iima hige lae, &#171;Anna'ya, macciishshoottoehura galaxxeemmohe. 42Wo'manka woyite macciishshattoeta afoommo. Tenne yoommohu kayinni kawiicho uurre noo manni ane ati soottoeta ammanara yeeti&#187; yii.</div><div class="p"> 43Yesuusi hatto yiihu gedensaanni, &#171;Aliaazaari, amo fuli!&#187; yee qoonqosi naggi asse coyi'ri. 44Aliaazaarino waammate giddonni angano lekkano usurre kafannoonni gedeenni hee're fuli. Albano uddanotenni xaanxoonni gedeenni no. Yesuusino, &#171;Tirtine agurre, ha'rona!&#187; yiinsa.</div><div class="s">YESUUSIRA GANNOONNI GANO</div><div class="r">(Mat 26:1-5; Maq 14:1-2; Luq 22:1-2)</div><div class="p"> 45Maariyaami sheshifachishshara dagginoti lowo Ayihude Yesuusi assinore la'e ammantusi. 46Gamu kayinni marte, Yesuusi assinore Farisootaho kultu. 47Kunnira qeesootu roorrootinna Farisootu Songo woshshite gamba assite, &#171;Kuni manchi lowo maalale loosanni noona, ma assino? 48Sammi yine agurrummoro mannu baalu iso ammananno. Roomu roorrootino dagge Qullaawa Minenna mannanke guddanno&#187; yitu.</div><div class="p"> 49Hakko diro qeesootu roorricha ikke noohu mittu Qeyaafa yinannihu, &#171;Ki'ne horonta mittoreno diegentinoonni! 50Mannu baalu ba"antenni mannu daafira mittu manchi reyiro woyyannota diaffinoonni?&#187; yii.</div><div class="p"> 51Isi konne coye umisinni dicoyi'rino; ikkollana, hakko diro isi qeesootu roorricha ikkinohura Yesuusi mannu daafira reyannota kulanni himana coyi'rino. 52Reyannohu insa calluwaho ikkikkinni, billaallite noota Maganu ooso mittowa gamba assateeti.</div><div class="p"> 53Kunnira, hakko barrinni kayisse Yesuusa shitara ma'litu.</div><div class="p"> 54Hakko barrinni kayise Yesuusi Ayihudootu mereero xawoho ha'rama aguri. Hakkiinni kae Efireeme yinanni katamira mule noo halalla ha'ri. Hakkiichono rosaanosi ledo keeshshi.</div><div class="p"> 55Hatte yannara Ayihudennihu Agure Sa"ate Ayyaani iille no. Lowo manni Agure Sa"ate Ayyaani barri eikkinni seeru garinni keeraa'mate yee, dargu dargunkunni kae Yerusaalame dayi. 56Insano Qullaawa Mine gamba yite Yesuusi daannota agartanni, &#171;Mayi leellanno'ne? Ayyaana ayirrisate didaanno ikka?&#187; yitanni insa insanaawa xa'mantu. 57Qeesootu roorrootinna Farisootu Yesuusa amaddara hasidhe, noowa afinohu hee'riro kulannonsa gede manna hajajju.</div>
 </div>
 </div>
</div>

Biitaaniyaho hee'rannohu mittu Aliaazaari yinanni manchi dhiwami. Biitaaniyu Maariyaaminna rodoose Maarta heedhanno qachaati. Hatti Maariyaami Mootichaho shitto buurte, lekkasi dananchisenni fiitute. Dhiwaminohu Aliaazaari rodooseeti. Lamenti roduuwi, «Mooticha, ati baxattohu dhiwamino» yee Yesuusiwa soqqi.
Yesuusino konne coye macciishshe, «Kuni dhibbi reyote iillishannoha di"ikkino. Ikkollana Maganu ayirrinyira ikkanno. Maganu Beettino kunninni ayirranno gedeeti» yii.
Yesuusi Maartanna rodoose Maariyaamino, rodoonsa Aliaazaarino baxanno. Ikkollana Aliaazaari dhiwaminota macciishshe hee'renni hakkiicho noowa lame barra keeshshi. Hakkunni gedensaanni rosaanosi, «Amme galagalle Yihuda ha'nona!» yiinsa.
Rosaanosino, «Rosiisaancho, tenne mule Ayihudootu ate kinnatenni gantahera hasidhino. Xaa galagalte hakkiira ha'ratto?» yitu.
Yesuusi qole, «Mittu barri giddo ditonaa lame saate no? Barra ha'rannohu tenne gobba xawaabba la"anno daafira digufi'ranno. Hashsha ha'rannohu kayinni xawaabbu nookki daafira gufi'ranno» yiinsa.
Yesuusi hatto yiihu gedensaanni, «Jaalinke Aliaazaari goxinona, ani goxichunni kayisammosira ha'reemmo» yii.
Rosaanosi, «Mooticha, goxe nooha ikkiro higannosi» yitu. Yesuusi coyi'ranni noohu Aliaazaari reyoreeti. Insara kayinni goxichunnire coyi'rinoha lawinonsa. Kunnira Yesuusi xawise kulanni, «Aliaazaari reyino. Kunnira, ki'ne ammantinanni gede ani hakko hooga'yara hagiidhoommo. Xa kayinni isiwa ha'nona ka'e!» yiinsa.
Hatte yannara, Lakkichaho yinannihu Toomaasi wole rosaanora, «Isi ledo reyineemmo gede, amme ninkeno rosiisaanchu ledo ha'nona!» yii.

Yesuusi hakkiira mare iillanno woyite, Aliaazaari madaarrinkunni shoole barra ikke no. Biitaaniyu Yerusaalametenni 3,000 qaafo geeshsha xeerti'ranno. Lowohu Ayihudete manni rodiinsa reyora sheshifachishansara Maartanna Maariyaamiwa daye no. Maarta Yesuusi dayinota macciishshite, haadhasira gobbara fultu. Maariyaami kayinni mine gattino.
Maarta Yesuusa, «Mooticha'ya, ati kawiicho hee'roottoha ikkoommero rodii'ya direyanno. Xaano ikkiro, huucci'rattore baala Maganu aannoheta afoomma» yitu.
Yesuusino, «Rodiikki reyotenni ka"anno» yiise.
Maartano, «Goofimarchoho reyotenni ka'nanni barra ka"annota afoomma» yitu. Yesuusino, «Kaonna heeshsho aneeti; ane ammanannohu reyiro nafa lubbotenni hee'ranno. Hee'rannohunna ane ammanannohu baalu hegerera direyanno. Konne coye ammanatta?» yiise.
Iseno, «Ee Mooticha'ya ammaneemma; ati tenne gobba daanno yiniha Kiristoosa Maganu Beetto ikkoottota ammanoomma» yitusi.
Maarta hatto yituhu gedensaanni handuruffi yite ka'e rodoosewa Maariyaamiwa marte, «Rosiisaanchu dayino; ateno xa'manni noohe» yite sununni kultuse. Maariyaami konne coye macciishshitanni heedhenni, rakke Yesuusiwa martu. Yesuusi kayinni Maartanni xaadi dargalla noota ikkinnina xaara qacha dieino. Maariyaami sheshifachishshara dagge mine noo Ayihudooti, ise rakke fultu gara la'e, wi'litara waammanniwa hadhanni nooha laweennansa faanase fultu. Maariyaami marte Yesuusa affuti lekkasi hunda ubbe, «Mooticha'ya, ati kawiicho hee'roottoha ikkoommero, rodii'ya direyanno» yitu.
Yesuusi Maariyaaminna ledose noo Ayihudooti wi'litanna lae lowo geeshsha marare cinca hooge, «Hiikko madaartinoonni?» yee xa'mi.
Insano, «Mooticha, amo dagge lai!» yitu.
Yesuusino wi'li. Kunnira Ayihudootu, «Hiitto baxannosiro la'e!» yitu.
Gamu kayinni, «Ballicha ille faninohu, wona konne mancho reyannokki gede asse diafanno?» yitu.

Yesuusi lowo geeshsha marare cinca hooge waammanniwa mari; waammano afoo kinchunni cunfoonni godaati. Yesuusi, «Kincho hoolle!» yii.
Reyi manchi rodoo Maarta, «Reyinkunni shoole barra keeshshino daafira, xa bowanno!» yitu.
Yesuusino, «Ammanittaha ikkiro Maganu ayirrinye la"atta diyoommohe?» yiise.
Mannuno kincho hooli. Hakkunni gedensaanni Yesuusi iima hige lae, «Anna'ya, macciishshoottoehura galaxxeemmohe. Wo'manka woyite macciishshattoeta afoommo. Tenne yoommohu kayinni kawiicho uurre noo manni ane ati soottoeta ammanara yeeti» yii.
Yesuusi hatto yiihu gedensaanni, «Aliaazaari, amo fuli!» yee qoonqosi naggi asse coyi'ri. Aliaazaarino waammate giddonni angano lekkano usurre kafannoonni gedeenni hee're fuli. Albano uddanotenni xaanxoonni gedeenni no. Yesuusino, «Tirtine agurre, ha'rona!» yiinsa.


Maariyaami sheshifachishshara dagginoti lowo Ayihude Yesuusi assinore la'e ammantusi. Gamu kayinni marte, Yesuusi assinore Farisootaho kultu. Kunnira qeesootu roorrootinna Farisootu Songo woshshite gamba assite, «Kuni manchi lowo maalale loosanni noona, ma assino? Sammi yine agurrummoro mannu baalu iso ammananno. Roomu roorrootino dagge Qullaawa Minenna mannanke guddanno» yitu.
Hakko diro qeesootu roorricha ikke noohu mittu Qeyaafa yinannihu, «Ki'ne horonta mittoreno diegentinoonni! Mannu baalu ba"antenni mannu daafira mittu manchi reyiro woyyannota diaffinoonni?» yii.
Isi konne coye umisinni dicoyi'rino; ikkollana, hakko diro isi qeesootu roorricha ikkinohura Yesuusi mannu daafira reyannota kulanni himana coyi'rino. Reyannohu insa calluwaho ikkikkinni, billaallite noota Maganu ooso mittowa gamba assateeti.
Kunnira, hakko barrinni kayisse Yesuusa shitara ma'litu.
Hakko barrinni kayise Yesuusi Ayihudootu mereero xawoho ha'rama aguri. Hakkiinni kae Efireeme yinanni katamira mule noo halalla ha'ri. Hakkiichono rosaanosi ledo keeshshi.
Hatte yannara Ayihudennihu Agure Sa"ate Ayyaani iille no. Lowo manni Agure Sa"ate Ayyaani barri eikkinni seeru garinni keeraa'mate yee, dargu dargunkunni kae Yerusaalame dayi. Insano Qullaawa Mine gamba yite Yesuusi daannota agartanni, «Mayi leellanno'ne? Ayyaana ayirrisate didaanno ikka?» yitanni insa insanaawa xa'mantu. Qeesootu roorrootinna Farisootu Yesuusa amaddara hasidhe, noowa afinohu hee'riro kulannonsa gede manna hajajju.

Lalela YOHAANNISI 11