छाप्‍लाखाओ अ़सिन्‍खा
ओ मत्‍तिआ छाप्‍तुओ नुय़ङ्‌खान ओ। ओसाआ बुयादाङ्‌का हिप्‍माय़ङ्‌ओ कालेन्‍पा येसुङा ओ निकिना खाङ्‌मुसु। बुया निनाम्‍हाङ्‌आ अ़चुम़ना यहुदिचिएदा अ़क्‍छा कालेन्‍पा य़सुङ निकिना म़हिप्‍तुचि। बुयाओ य़ङ्‌छ़ङ्‌दा खोक्‍कोसाआ अ़मुवाओ मो हिप्‍माय़ङ निनाम्‍हाङ्‌आ येसु हेन्‍खामादा अ़य़साकि अ़तासाला। ओ ऩङानुमाओ य़ङ्‌खान यहुदि रावाचिओ निकिना ओन्‍ङा माआङ, मेन झारा हेन्‍खामादाओ म़नाचिओ निम्‍पाङ्‌छाङ ओ।
मत्‍तिआ छाप्‍तुओ नुय़ङ्‌खान नुलोक तोङ्‌याङ्‌सा युङ्‌माय़ङ्‌ओ छाप्‍लाखा ओ। ओसाआ येसु म़लिसाओदाङ्‌का खोक्‍को म़सुवा खोन्‍कि खोक्‍को म़लासाखोन्‍तालोन्‍ताओ अ़तुक्‌वादा खालुसु। ओदा खोक्‍कोसोओ अ़चुलिमा, बप्‍तिस्‍मा, चिन्‍माखाङ्‌मा खोन्‍कि खोक्‍कोसाआ गालिल्‌दात्‍नि नुय़ङ्‌खान खाअ़लुसाओ, म़चिन्‍तुचिओ खोन्‍कि सारिमाचिदाङ्‌का म़नाचि म़नुसुचिओ काचिचिओ अ़तुक्‌वादा खाम़एत। खोक्‍को यरुसलेम म़खाराओ, मोदा खोक्‍कोसाआ आदेङ्‌ओ साता अ़क़प्‍ताओ, क्रुस्‌दा म़सुवाओ खोन्‍कि म़लासाखोन्‍तालोन्‍ताओ य़ङ्‌चि ओ छाप्‍लाखाआ खाम़एत।
ओ य़ङ्‌खान्‌आ येसु तोक्‍पो य़ङ्‌हुप काचिन्‍पा खोन्‍कि निनाम्‍हाङ्‌होन्‌ओ अ़कोङ्‌दुम काफोङ पाङ्‌कातोक निकिना खाङ्‌मुसुयुङ्‌सु। मो कोङ्‌दुम निनाम्‍हाङ्‌आ अ़चुम़नाचि सेङ्‌लावा खोचिएदाङा हाङ्‌मुमा म़प़चि। मत्‍तिओ अ़छाप्‍लाखादा ब़द्‍धेवा येसुओ अ़चुचिन्‍मा य़ङ्‌चि पाच्‌कादु धिरुम्‍च़म:
क) भ़ऱदुओ चिन्‍माय़ङ्‌आ देत्‍नि ओ हेन्‍खामादा निनाम्‍हाङ्‌ओ अ़चुम़नाचि ह़ङ्‌मादोत निकिना खाम़एत (अ़धाङ ५-७)
ख) बारकापाङ छाम्‍माय़ङ्‌चि नुय़ङ्‌खान खालुमानि लोमाय़ङ (अ़धाङ १०)
ग) निनाम्‍हाङ्‌ओ अ़चुहाङ्‌होनओ वाहिराङ्‌मित्‌चि (अ़धाङ १३)
घ) काखेङ्‌आ तुप्‍मादोत्‌ओ य़ङ्‌चि (अ़धाङ १८)
ङ) आइमित्‌ओ जुगाओ अ़लुक्‍मा खोन्‍कि ख्रिस्‍तओ अ़चुलामाय़माओ अ़तुक्‌वादा चिन्‍माय़ङ (अ़धाङ २४-२५)
थुत्‍मेत्‍लो अ़तुक्‌वा ऩङ
येसु ख्रिस्‍तओ अ़चुभुङ खोन्‍कि अ़चुपुक्‍मान्‍चिन १:१–२:२३
बप्‍तिस्‍मा काप़ युहन्‍नाओ अ़काचि ३:१-१२
येसुओ अ़चुबप्‍तिस्‍मा खोन्‍कि अ़चुचिन्‍माखाङ्‌मा ३:१३–४:११
येसुआ गालिल्‌दा अ़मुवाओ काचि ४:१२–१८:३५
गालिल्‌दाङ्‌का यरुसलेम्‌तारि १९:१–२०:३४
यरुसलेम्‌दा खोक्‍कोसोओ आदेङ्‌ओ साता २१:१–२७:६६
येसु म़सुवादाओदाङ्‌का म़लासाखोन्‍तालोन्‍ताओ खोन्‍कि अ़चुकाखेङ्‌पाचिएदा खाङ्‌मुमान्‍चिन्‌ओ २८:१-२०

Lalela मत्‍ति छाप्‍लाखाओ अ़सिन्‍खा