Chisena - 2002 MWI (NT) Drama

<div class="version vid2973 iso6393swk" data-vid="2973" data-iso6393="swk">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Kulamuka kwa Yesu kuimfa</div><div class="r">(Mt. 28.1-10; Mk. 16.1-8; Yoh. 20.1-10)</div><div class="p"> 1Bzobzo pa Dimingu, akazi ale adenda kumasiye. Iwo adathukula pyakununkhira pikhadasasanya iwo pile. 2Iwo adagumana mwala wagulung'undiswapo pamsuwo wa masiye ale. 3Tenepo adapita m'bwalo, kwache mtembo wa Mbuya Yesu hadaugumanemo tayu. 4Iwo adamalwa napyo nzeru mbaimira penepo. Kabodzi kene padaonekera amuna awiri akuvala nguwo zakuyetima pyakwanga mbaimira chifupi nawo. 5Akazi ale adaphatwa na mantha mbalamba. Tenepo amuna ale adaavunza mbati, &#8220;Mwatani munasaka munthu wamoyo pakati pa anthu akufa? 6Yesu hali muno tayu; alamuka! Kumbukani pidakupangani iye mbali ku Galilea kuti:#Mt. 16.21; 17.22, 23; 20.18, 19; Mk. 8.31; 9.31; 10.33, 34; Lk. 9.22; 18.31-33. 7&#8216;Mwana Munthu anati aperekwe m'manja mwa anthu akudawika, akhomerwe pamtanda mbalamuka kuimfa pansiku yachitatu.&#8217; &#8221;</div><div class="p"> 8Penepo akazi ale adakumbukadi mafalache ale. 9Iwo adabuluka kumasiye kule mbakalonga pyonsene kuna anyakutumwa khumi na mbodzi ale pabodzi na kuna anyakutewera anango onsene a Yesu. 10Akazi enewa akhali Maria wa ku Magadala, Yohana, na Maria mache Yakobo. Akazi enewa pabodzi na akazi anango adalonga penepi kuna anyakutumwa. 11Mbwenye anyakutumwa ale adayesa mafala enewa ninga akupupwa, tenepo hadaakhulupire tayu. 12Mbwenye Peturo adalamuka mbathamangira kumasiye kule. Adakotama mbaona nguwo zidapyangirirwa mtembo wa Yesu zene basi. Peturo adabwerera kumusa mbali kudodoma na pikhadachitikapyo.#24.12 Mbwenye&#8230;na pikhadachitikapyo: Pyakulembwa pinango pyakale nkhabe vesi 12.</div><div class="s">Panjira ya ku Emau</div><div class="r">(Mk. 16.12-13)</div><div class="p"> 13Pansiku yonthoyo anyakutewera a Yesu awiri akhaenda kumudzi wa Emau. Nsinzo wakubulukira ku Emau kwenda ku Yerusalemu ukhali mathanyo pikwi khumi na chibodzi. 14Pikhaenda iwo, akhalonga pya pinthu pyonsene pikhadachitika pile. 15Mbali kulonga na kuvunzana, Yesu adafika chifupi mbatsagana nawo. 16Mbwenye iwo hadamdzindikire tayu, thangwi maso awo adakhala ninga afungika. 17Yesu adaavunza mbati, &#8220;Pinalonga imwe ninji?&#8221;</div><div class="p">Penepo amuna ale adaimira na nkhope zakutsukwala. 18Mbodzi wa iwo dzinache, Kileopa, adamvunza mbati, &#8220;Ayi mlendo wache ndiwe ene basi mu Yerusalemu anakhonda dziwa pile pyachitika mwenemu nsiku zapitazi?&#8221;</div><div class="p"> 19Yesu adaavunza mbati, &#8220;Pyakuti tani?&#8221; Amuna ale adalonga mbati, &#8220;Pya Yesu wa ku Nazareti. Weneyu akhali mprofeti, ule mabasa na mafalache pikhali pyamphamvu pamaso pa Mulungu na anthu ene. 20Anyansembe akulu na akadamu athu adampereka kuna atongi kumtonga kuti aphiwe, tenepo iye adakhomerwa pamtanda. 21Tikhadikhira kuti iye mbadakhala mbodzi wakufuna dzaombola Israele. Ande, lero ndi nsiku yache yachitatu kubulukira mudachitika ipyo. 22Si pyokhapyo tayu, akazi anango a m'gulu mwathu atidodomesa; machibese iwo adenda kumasiye, 23mbwenye mtembo wache hadaugumaneko tayu. Adatipanga kuti adaona angelo kumasomphenya, ale adaapanga kuti Yesu ana moyo. 24Anango a m'gulu mwathu adenda kumasiye kule mbakagumanadi sasawa ninga mudalongera akazi ale, kwache hadamuone tayu.&#8221;</div><div class="p"> 25Yesu adaapanga mbati, &#8220;Ndimwe anthu akupupwa, thangwi imwe mumbapiona ninga pyakunensa kukhulupira pyonsene pidalonga maprofeti. 26Ayi pikhali pyakuthema tayu kuti Khristu aone nyatwa zonsenezi mbadzati kupita mudemelero yache?&#8221; 27Tenepo adaapangiza pile pidalembwa m'Malemba monsene pya iye, kutomera m'mabukhu a Mose kufikirana na a maprofeti onsene.</div><div class="p"> 28Pidafika iwo chifupi na mudzi ukhaenda iwo, Yesu adachita ninga akugwanda. 29Mbwenye iwo adamkhakhamiza mbati, &#8220;Mukhale nafe, thangwi dzuwa yadoka, pontho kunjaku kwatoma kuswipa.&#8221; Natenepo adapita mbakhala nawo. 30Pikhakhala nawo iye pakudyera, iye adakwata mkate mbapereka takhuta kuna Mulungu; tenepo adaumenya mbaagawiza. 31Penepo maso awo adafunguka, mbamdzindikira, mbwenye iye adabisika pamaso pawo. 32Amuna ale adalonga kuna unango na mwanzache mbati, &#8220;Ayi hapikhakhala ninga moto wakugaka muna ife tayu, pikhalonga iye nafe mbatitchululira Malemba m'njira mule?&#8221;</div><div class="p"> 33Kabodzi kene iwo adalamuka mbabwerera ku Yerusalemu. Kweneko iwo adagumana anyakutumwa khumi na mbodzi agumanyikana pabodzi na anthu anango, 34pontho akulonga mbati, &#8220;Mbuya alamukadi! Aoneka kuna Simoni!&#8221;</div><div class="p"> 35Tenepo amuna awiri ale adalongambo pidaachitikira panjira pale, na mule mudadzindikira iwo Mbuya pidamenya iye mkate.</div><div class="s">Yesu aonekera kuna anyakutumwa na ale akhali na iwo</div><div class="r">(Mt. 28.16-20; Mk. 16.14-18; Yoh. 20.19-23; Mab. 1.6-8)</div><div class="p"> 36Amuna awiri ale mbali kulonga, Mbuya adaonekera mwakututumusa pakati pawo mbalonga kuna iwo mbati, &#8220;Mtendere mbukhale namwe.&#8221;#24.36 mbalonga&#8230;mbukhale namwe: Pyakulembwa pinango pyakale nkhabe mafala enewa.</div><div class="p"> 37Anthu ale adagoswerwa pyakwanga mbanyerezera kuti akhaona mzukwa, 38mbwenye Yesu adalonga mbati, &#8220;Mwatani munagopa? Mwatani munapenuka mumtima mwanu? 39Ngayang'anani manja na manyalo angawa, muone kuti ndine ene pano. Ndiphateni muone; thangwi mzukwa nkhabe mnofu na magogodo ninga munandionera imwe muno.&#8221;</div><div class="p"> 40Pidalonga iye penepi, adaaonesa manja na manyalo ache.#24.40 Pidalonga&#8230;manyalo ache: Pyakulembwa pinango pyakale nkhabe vesi 40. 41Iwo hadakhulupire tayu basi, thangwi ya kukomerwa pikulu pontho na kudodoma. Tenepo adaavunza mbati, &#8220;Muli nacho chakuti mudye?&#8221; 42Anthu ale adampasa kansomba kakuphika, 43iyembo adakakwata mbakadya pamaso pawo.</div><div class="p"> 44Tenepo adalonga kuna iwo mbati, &#8220;Penepi ndiye pinthu pikhakupangani ine pandzidzi ukhali ine namwe. Pyonsene pidalembwa pya ine m'mabukhu a mwambo wa Mose, a maprofeti, na m'Masalimo pile pidathema kuti pikwane-kwane.&#8221;</div><div class="p"> 45Tenepo iye adaaphedza kuvesa mwadidi Malemba. 46Adaapanga mbati, &#8220;Pinthu pyalembwa m'Malemba mphyakuti: Khristu aone nyatwa, pontho alamuke kuimfa pansiku yachitatu, 47pontho kuti kutomera ku Yerusalemu, mphangwa zilalikwe na dzinache kuna madzinza onsene, kuti aleke pyakudawa pyawo, tenepo Mulungu analekerera pyakudawa pyawo. 48Imwe ndimwe mboni za pinthu penepi. 49Ine ndinakutumizirani chidadumbira Baba kuti anakupasani chile. Mbwenye imwe khalani mumzinda muno kufikirana mutambire mphamvu zakubulukira kudzulu.&#8221;#Mab. 1.4.</div><div class="s">Yesu akwatwa kwenda kudzulu</div><div class="r">(Mk. 16.19-20; Mab. 1.9-11)</div><div class="p"> 50Tenepo Yesu adaatsogolera kubuluka mumzinda mule mpakana ku Betania. Kweneko adakwiza manjache mbaatsanzayisa.#Mab. 1.9-11. 51Mbali kuatsanzayisa, adalekana nawo, mbakwatwa kwenda kudzulu.#24.51 mbakwatwa kwenda kudzulu: Pyakulembwa pinango pyakale nkhabemo mafala enewa. 52Iwo adampembedza mbabwerera ku Yerusalemu na kukomerwa kukulu. 53Ndzidzi onsene iwo akhakhala m'Nyumba ya Mulungu mbakuza Mulungu.</div>
 </div>
 </div>
</div>

Bzobzo pa Dimingu, akazi ale adenda kumasiye. Iwo adathukula pyakununkhira pikhadasasanya iwo pile. Iwo adagumana mwala wagulung'undiswapo pamsuwo wa masiye ale. Tenepo adapita m'bwalo, kwache mtembo wa Mbuya Yesu hadaugumanemo tayu. Iwo adamalwa napyo nzeru mbaimira penepo. Kabodzi kene padaonekera amuna awiri akuvala nguwo zakuyetima pyakwanga mbaimira chifupi nawo. Akazi ale adaphatwa na mantha mbalamba. Tenepo amuna ale adaavunza mbati, “Mwatani munasaka munthu wamoyo pakati pa anthu akufa? Yesu hali muno tayu; alamuka! Kumbukani pidakupangani iye mbali ku Galilea kuti: ‘Mwana Munthu anati aperekwe m'manja mwa anthu akudawika, akhomerwe pamtanda mbalamuka kuimfa pansiku yachitatu.’ ”
Penepo akazi ale adakumbukadi mafalache ale. Iwo adabuluka kumasiye kule mbakalonga pyonsene kuna anyakutumwa khumi na mbodzi ale pabodzi na kuna anyakutewera anango onsene a Yesu. Akazi enewa akhali Maria wa ku Magadala, Yohana, na Maria mache Yakobo. Akazi enewa pabodzi na akazi anango adalonga penepi kuna anyakutumwa. Mbwenye anyakutumwa ale adayesa mafala enewa ninga akupupwa, tenepo hadaakhulupire tayu. Mbwenye Peturo adalamuka mbathamangira kumasiye kule. Adakotama mbaona nguwo zidapyangirirwa mtembo wa Yesu zene basi. Peturo adabwerera kumusa mbali kudodoma na pikhadachitikapyo.


Pansiku yonthoyo anyakutewera a Yesu awiri akhaenda kumudzi wa Emau. Nsinzo wakubulukira ku Emau kwenda ku Yerusalemu ukhali mathanyo pikwi khumi na chibodzi. Pikhaenda iwo, akhalonga pya pinthu pyonsene pikhadachitika pile. Mbali kulonga na kuvunzana, Yesu adafika chifupi mbatsagana nawo. Mbwenye iwo hadamdzindikire tayu, thangwi maso awo adakhala ninga afungika. Yesu adaavunza mbati, “Pinalonga imwe ninji?”
Penepo amuna ale adaimira na nkhope zakutsukwala. Mbodzi wa iwo dzinache, Kileopa, adamvunza mbati, “Ayi mlendo wache ndiwe ene basi mu Yerusalemu anakhonda dziwa pile pyachitika mwenemu nsiku zapitazi?”
Yesu adaavunza mbati, “Pyakuti tani?” Amuna ale adalonga mbati, “Pya Yesu wa ku Nazareti. Weneyu akhali mprofeti, ule mabasa na mafalache pikhali pyamphamvu pamaso pa Mulungu na anthu ene. Anyansembe akulu na akadamu athu adampereka kuna atongi kumtonga kuti aphiwe, tenepo iye adakhomerwa pamtanda. Tikhadikhira kuti iye mbadakhala mbodzi wakufuna dzaombola Israele. Ande, lero ndi nsiku yache yachitatu kubulukira mudachitika ipyo. Si pyokhapyo tayu, akazi anango a m'gulu mwathu atidodomesa; machibese iwo adenda kumasiye, mbwenye mtembo wache hadaugumaneko tayu. Adatipanga kuti adaona angelo kumasomphenya, ale adaapanga kuti Yesu ana moyo. Anango a m'gulu mwathu adenda kumasiye kule mbakagumanadi sasawa ninga mudalongera akazi ale, kwache hadamuone tayu.”
Yesu adaapanga mbati, “Ndimwe anthu akupupwa, thangwi imwe mumbapiona ninga pyakunensa kukhulupira pyonsene pidalonga maprofeti. Ayi pikhali pyakuthema tayu kuti Khristu aone nyatwa zonsenezi mbadzati kupita mudemelero yache?” Tenepo adaapangiza pile pidalembwa m'Malemba monsene pya iye, kutomera m'mabukhu a Mose kufikirana na a maprofeti onsene.
Pidafika iwo chifupi na mudzi ukhaenda iwo, Yesu adachita ninga akugwanda. Mbwenye iwo adamkhakhamiza mbati, “Mukhale nafe, thangwi dzuwa yadoka, pontho kunjaku kwatoma kuswipa.” Natenepo adapita mbakhala nawo. Pikhakhala nawo iye pakudyera, iye adakwata mkate mbapereka takhuta kuna Mulungu; tenepo adaumenya mbaagawiza. Penepo maso awo adafunguka, mbamdzindikira, mbwenye iye adabisika pamaso pawo. Amuna ale adalonga kuna unango na mwanzache mbati, “Ayi hapikhakhala ninga moto wakugaka muna ife tayu, pikhalonga iye nafe mbatitchululira Malemba m'njira mule?”
Kabodzi kene iwo adalamuka mbabwerera ku Yerusalemu. Kweneko iwo adagumana anyakutumwa khumi na mbodzi agumanyikana pabodzi na anthu anango, pontho akulonga mbati, “Mbuya alamukadi! Aoneka kuna Simoni!”
Tenepo amuna awiri ale adalongambo pidaachitikira panjira pale, na mule mudadzindikira iwo Mbuya pidamenya iye mkate.


Amuna awiri ale mbali kulonga, Mbuya adaonekera mwakututumusa pakati pawo mbalonga kuna iwo mbati, “Mtendere mbukhale namwe.”
Anthu ale adagoswerwa pyakwanga mbanyerezera kuti akhaona mzukwa, mbwenye Yesu adalonga mbati, “Mwatani munagopa? Mwatani munapenuka mumtima mwanu? Ngayang'anani manja na manyalo angawa, muone kuti ndine ene pano. Ndiphateni muone; thangwi mzukwa nkhabe mnofu na magogodo ninga munandionera imwe muno.”
Pidalonga iye penepi, adaaonesa manja na manyalo ache. Iwo hadakhulupire tayu basi, thangwi ya kukomerwa pikulu pontho na kudodoma. Tenepo adaavunza mbati, “Muli nacho chakuti mudye?” Anthu ale adampasa kansomba kakuphika, iyembo adakakwata mbakadya pamaso pawo.
Tenepo adalonga kuna iwo mbati, “Penepi ndiye pinthu pikhakupangani ine pandzidzi ukhali ine namwe. Pyonsene pidalembwa pya ine m'mabukhu a mwambo wa Mose, a maprofeti, na m'Masalimo pile pidathema kuti pikwane-kwane.”
Tenepo iye adaaphedza kuvesa mwadidi Malemba. Adaapanga mbati, “Pinthu pyalembwa m'Malemba mphyakuti: Khristu aone nyatwa, pontho alamuke kuimfa pansiku yachitatu, pontho kuti kutomera ku Yerusalemu, mphangwa zilalikwe na dzinache kuna madzinza onsene, kuti aleke pyakudawa pyawo, tenepo Mulungu analekerera pyakudawa pyawo. Imwe ndimwe mboni za pinthu penepi. Ine ndinakutumizirani chidadumbira Baba kuti anakupasani chile. Mbwenye imwe khalani mumzinda muno kufikirana mutambire mphamvu zakubulukira kudzulu.”


Tenepo Yesu adaatsogolera kubuluka mumzinda mule mpakana ku Betania. Kweneko adakwiza manjache mbaatsanzayisa. Mbali kuatsanzayisa, adalekana nawo, mbakwatwa kwenda kudzulu. Iwo adampembedza mbabwerera ku Yerusalemu na kukomerwa kukulu. Ndzidzi onsene iwo akhakhala m'Nyumba ya Mulungu mbakuza Mulungu.

Lalela LUKA 24