<div class="version vid2686 iso6393umb" data-vid="2686" data-iso6393="umb">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="p"> 1Suku yu wa sum&#361;lu&#297;sa Noha lom&#227;la vaye, wa popia lavo hati, Liciti, siati, yukisi oluali. 2Ovinyama viosi viokilu lieve lolonjila viosi viovusenge viu yokokeli, viu lulumili, vi kundikiwa povaka ene kumue lovipuka viosi vi likoka posi, lol&#245;si viosi viovokalunga. 3Cosi ci kasi lomuenyo ci &#241;uala &#241;uala ci linga okulia kuene; ndeci ndo wihili ale ovik&#361;la vi talala haico cilo ndo wihi cosi. 4Pu&#227;i ositu yi kuete omuenyo wayo okuti osonde ka ci tava oku yi lia. Kuenda vali wosi o pesela osonde yaye mu&#7869;le ndu yi sil&#297;ha. 5Sil&#297;ha mu&#7869;le osonde nda&#241;o kocinyama nda&#241;o komunu; kuenje kokuange omunu lomunu o kuete ocikele comuenyo womunu ukuavo. 6Wosi o pesela osonde yomunu osonde yaye yi peseliwavo lomunu, momo Suku wa lulika omunu ukuesetah&#227;lo liaye. 7Lenevo liciti, siati, liluisi ca lua kilu lieve, liluisi mu&#7869;le.</div><div class="p"> 8Suku wa popia La Noha lom&#227;la vaye hati, 9Ame ocili &#241;olisila ocisila cange kokuene lokombuto yene yu kuami, 10lokovinyama viosi vi kasi lene, lolonjila, lovinyama viovimbo lovinyama viosi viovusenge; cosi ci tunda vocimbaluku. 11Ame ndi lisila lene ocisila ci kola, siti, Lalimue vali eteke omanu va ny&#245;leha letande; lalimue vali eteke etande li ny&#245;la oluali. 12Suku wa linga hati, Ondimbukiso yocisila nda lisila lene loviendalomuenyo viosi vi kasi lene toke kovitumbulukila vi enda &#241;o h&#361;, yeyi: 13&#209;apa olukongolo luange kalende h&#227; ha lu lingi ondimbukiso yocisila pokati kange loluali. 14Noke, eci mitisa alende kilu kuenda olukongolo lu m&#245;lehela kalende, 15oco njivaluka ocisila cange cina ci kasi pokati kange lene loviendalomuenyo viosi vi kasi lomuenyo, kuenje ovava ka a lingi vali etande oku ny&#245;la cosi ci kasi lomuenyo. 16Eci olukongolo lu m&#245;lehela kalende oco ndi lu vanja kuenje njivaluka ocisila ka ci pui ci kasi pokati kange ndi Suku lomanu vosi loviendalomuenyo viosi vi kasi kilu lieve. 17Suku yu wa popia la Noha hati, Eyi oyo ondimbukiso yocisila nda lisila lene loviendalomuenyo viosi vi kasi kilu lieve.</div><div class="p"> 18Omala va Noha, ava va tunda vocimbaluku, vava: Semi, Hama la Yafete. Hama eye isia ya Kanana. 19Ovo om&#227;la vatatu va Noha kuenje kokuavo kua tunda vakuilu lieve vosi.</div><div class="p"> 20Noha wa linga ongunja yatete yoku lima osi, wa k&#361;la ocumbo cayuva; 21wa nyua kovinyu kuenje wa kolua; wa pekela &#241;o ep&#245;l&#245;la vombalaka yaye. 22Hama, isia ya Kanana, yu o lete &#241;o ep&#245;l&#245;la lia isiaye kuenje wa ci sapuila ku vahuvaye vavali va kala posamua. 23Semi la Yafete va yelula onyime, va yimba kovitai viavo kavali kavo, va enda ocinyimaime ha va sik&#297;lila ep&#245;l&#245;la lia isiavo, kuenje ovipala viavo via pukukako okuti ka va mu&#297;le ep&#245;l&#245;la lia isiavo. 24Noha yu wa koluluka kuholua wovinyu viaye, kuenje wa limbuka eci co linga om&#245;laye um&#227;l&#7869;he.</div><div class="p"> 25Yu wa popia hati,</div><div class="q">Kanana a si&#241;aliwe.</div><div class="q">A linge ukuenje wakuenje vavahuvaye.</div><div class="q"> 26Wa popiavo hati,</div><div class="q">Semi a sumuluisue la Yehova, Suku yange.</div><div class="q">Kanana a linge ukuenje waye.</div><div class="q"> 27Suku a salalise Yafete.</div><div class="q">Yafete a sikile volumbalaka via Semi;</div><div class="q">Kanana a linge ukuenje waye.</div><div class="p"> 28Oco kovaso yetande Noha wa kala lomuenyo ovita vitatu kakui at&#227;lo kanyamo. 29Oloneke viosi via Noha ovita ecea kanyamo kanyamo akui at&#227;lo yu wa fa.</div>
 </div>
 </div>
</div>

Umbundu Bible © United Bible Societies, 1963.

Suku yu wa sumũluĩsa Noha lomãla vaye, wa popia lavo hati, Liciti, siati, yukisi oluali. Ovinyama viosi viokilu lieve lolonjila viosi viovusenge viu yokokeli, viu lulumili, vi kundikiwa povaka ene kumue lovipuka viosi vi likoka posi, lolõsi viosi viovokalunga. Cosi ci kasi lomuenyo ci ñuala ñuala ci linga okulia kuene; ndeci ndo wihili ale ovikũla vi talala haico cilo ndo wihi cosi. Puãi ositu yi kuete omuenyo wayo okuti osonde ka ci tava oku yi lia. Kuenda vali wosi o pesela osonde yaye muẽle ndu yi silĩha. Silĩha muẽle osonde ndaño kocinyama ndaño komunu; kuenje kokuange omunu lomunu o kuete ocikele comuenyo womunu ukuavo. Wosi o pesela osonde yomunu osonde yaye yi peseliwavo lomunu, momo Suku wa lulika omunu ukuesetahãlo liaye. Lenevo liciti, siati, liluisi ca lua kilu lieve, liluisi muẽle.
Suku wa popia La Noha lomãla vaye hati, Ame ocili ñolisila ocisila cange kokuene lokombuto yene yu kuami, lokovinyama viosi vi kasi lene, lolonjila, lovinyama viovimbo lovinyama viosi viovusenge; cosi ci tunda vocimbaluku. Ame ndi lisila lene ocisila ci kola, siti, Lalimue vali eteke omanu va nyõleha letande; lalimue vali eteke etande li nyõla oluali. Suku wa linga hati, Ondimbukiso yocisila nda lisila lene loviendalomuenyo viosi vi kasi lene toke kovitumbulukila vi enda ño hũ, yeyi: Ñapa olukongolo luange kalende hã ha lu lingi ondimbukiso yocisila pokati kange loluali. Noke, eci mitisa alende kilu kuenda olukongolo lu mõlehela kalende, oco njivaluka ocisila cange cina ci kasi pokati kange lene loviendalomuenyo viosi vi kasi lomuenyo, kuenje ovava ka a lingi vali etande oku nyõla cosi ci kasi lomuenyo. Eci olukongolo lu mõlehela kalende oco ndi lu vanja kuenje njivaluka ocisila ka ci pui ci kasi pokati kange ndi Suku lomanu vosi loviendalomuenyo viosi vi kasi kilu lieve. Suku yu wa popia la Noha hati, Eyi oyo ondimbukiso yocisila nda lisila lene loviendalomuenyo viosi vi kasi kilu lieve.
Omala va Noha, ava va tunda vocimbaluku, vava: Semi, Hama la Yafete. Hama eye isia ya Kanana. Ovo omãla vatatu va Noha kuenje kokuavo kua tunda vakuilu lieve vosi.
Noha wa linga ongunja yatete yoku lima osi, wa kũla ocumbo cayuva; wa nyua kovinyu kuenje wa kolua; wa pekela ño epõlõla vombalaka yaye. Hama, isia ya Kanana, yu o lete ño epõlõla lia isiaye kuenje wa ci sapuila ku vahuvaye vavali va kala posamua. Semi la Yafete va yelula onyime, va yimba kovitai viavo kavali kavo, va enda ocinyimaime ha va sikĩlila epõlõla lia isiavo, kuenje ovipala viavo via pukukako okuti ka va muĩle epõlõla lia isiavo. Noha yu wa koluluka kuholua wovinyu viaye, kuenje wa limbuka eci co linga omõlaye umãlẽhe.
Yu wa popia hati,
Kanana a siñaliwe.
A linge ukuenje wakuenje vavahuvaye.
Wa popiavo hati,
Semi a sumuluisue la Yehova, Suku yange.
Kanana a linge ukuenje waye.
Suku a salalise Yafete.
Yafete a sikile volumbalaka via Semi;
Kanana a linge ukuenje waye.
Oco kovaso yetande Noha wa kala lomuenyo ovita vitatu kakui atãlo kanyamo. Oloneke viosi via Noha ovita ecea kanyamo kanyamo akui atãlo yu wa fa.

Lalela EFETIKILO 9