<div class="version vid2184 iso6393myx" data-vid="2184" data-iso6393="myx">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">Khukhwaantsula</span></div><div class="im"><span class="content">Lisiina lye shiitabo shino limanyisa </span><span class="bk"><span class="content">Khuurakikha</span></span><span class="content"> namwe Khuusimama. Shiitabo shino shikanikha khu khubuumbibwa khwe shibala, khuurakikha khwe babaandu, khuurakikha khwe shishoonako ni khuutaambisibwa mu shibala, naluundi shikanikha khu saambo isi Wele araambakanamwo ni shibala. Shiitabo she Khuurakikha shino shinyala khuukabananisibwamo bisiintsa bibili: (1) Khuubuumbibwa khwe shibala, ni bibyaamayo biikiboole by'omuundu. Abweene ano nio isi khubonela bibyaamayo bya Adamu ni Eva, Kayini ni Abeli, Nowa ni kameetsi, ni kukwoombekhe kwe tsi nuungo tsingali kwe Babulooni (Tsisuula 1&#8212;11). (2) Bibyaamayo bye bakuuka babaanyoowa be ba Isiraeli. Umukiboole khu bano niye Iburayimu, uwerurukhilila khulwe khuufukiilila ni buwolu bweesi aaba ni nabwo isi Wele. Uweelakho niye umusooleli weewe Isaaka, n'umwitsukhulu weewe Yakobo (alala isi balaanga bari Isiraeli). Mu basooleli ba Yakobo, mutweela yenyene niye uwirurukhilila luukali, nga niye Yozefu, ni bibiindu bibyakila Yakobo ni basooleli beewe babaaramile khuutsya khuumenya mu Misiri (Tsisuula 12&#8212;50).</span></div><div class="ip"><span class="content">Abe yakhaba nga shiitabo shino shikanikha khu lukano lwe babaandu, ne khuunyoowela ilala, shikhuboolela khu biindu byeesi Wele aakhola. Shirakikha ni khuukhuboolela mu bukakafu bwoosi shiri, Wele niye uwabuumba shibala, ate shaamaliilisayo ni khuusuubisa shiri, Wele kane eloosele khukhwookesanisa khuukana isi babaandu beewe. Nga waasomele shiitabo shino shoosi, shikhwookesa Wele nga n'afwaana, nga niye ukhala kumusaango, luundi waaha shitaambiso isi abo babaakhola bye bubwoonaki, naluundi shiri, niye umweene uraangilila babaandu beewe luundi waabayeeta. Shiitabo shino shili shiikiboole luundi shili shikhale naabi shishikhuruungikhila luukano lwe khuufukiilila khwe babaandu ba Wele, naluundi shaakhuyeeta isaambo isi khunyala khwaaliindamwo khuufukiilila ukhwo, khwaarama nga khuli khuulamu.</span></div><div class="iot"><span class="content">Inoondekhana iye bibiilimwo</span></div><div class="io1"><span class="content">Khuubuumbibwa khwe shibala ni khwe babaandu 1.1&#8212;2.25</span></div><div class="io1"><span class="content">Khuurakikha khwe shishoonako ni khuutaambisibwa 3.1-24</span></div><div class="io1"><span class="content">Khukhwaama khu Adamu khukhwoola khu Nowa 4.1&#8212;5.32</span></div><div class="io1"><span class="content">Nowa ni khuusalasala khwe kameetsi 6.1&#8212;10.32</span></div><div class="io1"><span class="content">Kukwoombekhe kwe tsinuungo tsingali kwe Babeli 11.1-9</span></div><div class="io1"><span class="content">Khukhwaama khu Shemu khukhwoola khu Iburayimu 11.10-32</span></div><div class="io1"><span class="content">Bakuuka babaanyoowa: Iburayimu, Isaaka, Yakobo 12.1&#8212;35.29</span></div><div class="io1"><span class="content">Babetsukhulu ba Esawu 36.1-43</span></div><div class="io1"><span class="content">Yozefu ni babandaaye 37.1&#8212;45.28</span></div><div class="io1"><span class="content">Ba Isiraeli nga bali mu Misiri 46.1&#8212;50.26</span></div>
        </div>
    </div>
</div>

Lumasaaba Catholic Bible © The Bible Society of Uganda, 2017.

Khukhwaantsula
Lisiina lye shiitabo shino limanyisa Khuurakikha namwe Khuusimama. Shiitabo shino shikanikha khu khubuumbibwa khwe shibala, khuurakikha khwe babaandu, khuurakikha khwe shishoonako ni khuutaambisibwa mu shibala, naluundi shikanikha khu saambo isi Wele araambakanamwo ni shibala. Shiitabo she Khuurakikha shino shinyala khuukabananisibwamo bisiintsa bibili: (1) Khuubuumbibwa khwe shibala, ni bibyaamayo biikiboole by'omuundu. Abweene ano nio isi khubonela bibyaamayo bya Adamu ni Eva, Kayini ni Abeli, Nowa ni kameetsi, ni kukwoombekhe kwe tsi nuungo tsingali kwe Babulooni (Tsisuula 1—11). (2) Bibyaamayo bye bakuuka babaanyoowa be ba Isiraeli. Umukiboole khu bano niye Iburayimu, uwerurukhilila khulwe khuufukiilila ni buwolu bweesi aaba ni nabwo isi Wele. Uweelakho niye umusooleli weewe Isaaka, n'umwitsukhulu weewe Yakobo (alala isi balaanga bari Isiraeli). Mu basooleli ba Yakobo, mutweela yenyene niye uwirurukhilila luukali, nga niye Yozefu, ni bibiindu bibyakila Yakobo ni basooleli beewe babaaramile khuutsya khuumenya mu Misiri (Tsisuula 12—50).
Abe yakhaba nga shiitabo shino shikanikha khu lukano lwe babaandu, ne khuunyoowela ilala, shikhuboolela khu biindu byeesi Wele aakhola. Shirakikha ni khuukhuboolela mu bukakafu bwoosi shiri, Wele niye uwabuumba shibala, ate shaamaliilisayo ni khuusuubisa shiri, Wele kane eloosele khukhwookesanisa khuukana isi babaandu beewe. Nga waasomele shiitabo shino shoosi, shikhwookesa Wele nga n'afwaana, nga niye ukhala kumusaango, luundi waaha shitaambiso isi abo babaakhola bye bubwoonaki, naluundi shiri, niye umweene uraangilila babaandu beewe luundi waabayeeta. Shiitabo shino shili shiikiboole luundi shili shikhale naabi shishikhuruungikhila luukano lwe khuufukiilila khwe babaandu ba Wele, naluundi shaakhuyeeta isaambo isi khunyala khwaaliindamwo khuufukiilila ukhwo, khwaarama nga khuli khuulamu.
Inoondekhana iye bibiilimwo
Khuubuumbibwa khwe shibala ni khwe babaandu 1.1—2.25
Khuurakikha khwe shishoonako ni khuutaambisibwa 3.1-24
Khukhwaama khu Adamu khukhwoola khu Nowa 4.1—5.32
Nowa ni khuusalasala khwe kameetsi 6.1—10.32
Kukwoombekhe kwe tsinuungo tsingali kwe Babeli 11.1-9
Khukhwaama khu Shemu khukhwoola khu Iburayimu 11.10-32
Bakuuka babaanyoowa: Iburayimu, Isaaka, Yakobo 12.1—35.29
Babetsukhulu ba Esawu 36.1-43
Yozefu ni babandaaye 37.1—45.28
Ba Isiraeli nga bali mu Misiri 46.1—50.26

Lalela Khuurakikha Khukhwaantsula