If you have would like a copy of this version please contact info@davarpartners.org

The Taita Old Testament

<div class="version vid2138 iso6393dav" data-vid="2138" data-iso6393="dav">
    <div class="book bkGEN">
        <div class="chapter ch3" data-usfm="GEN.3">
            <div class="label">3</div><div class="s"><span class="heading">Kughwa kwa mdamu</span></div><div class="p"><span class="content">  </span><span class="verse v1" data-usfm="GEN.3.1"><span class="label">1</span><span class="content">Idana choka erekoghe na mikalo kuchumba nyamandu rose ra isakenyi oreribonyereghe BWANA Mlungu. Nayo ikamzera muka, &#8220;Kedi Mlungu waghambie wei msakeja matunda gha midi yose iko mbuwenyi?&#8221;</span><span class="note x"><span class="label">#</span><span class=" body">Wuf. 12.9; 20.2</span></span><span class="content">  </span></span><span class="verse v2" data-usfm="GEN.3.2"><span class="label">2</span><span class="content">Muka ukaizera choka, &#8220;Dadima kuja matunda gha midi yose iko mbuwenyi; </span></span><span class="verse v3" data-usfm="GEN.3.3"><span class="label">3</span><span class="content">ela matunda gha mudi ghuko ghadi na ghadi ya mbuwa, Mlungu wadizerie, &#8216;Msakeja matunda gharo hata msakeghiadada mchefwa.&#8217;&#8221; </span></span><span class="verse v4" data-usfm="GEN.3.4"><span class="label">4</span><span class="content">Ela choka ikamzera muka, &#8220;Ndemchaafwa kungi, </span></span><span class="verse v5" data-usfm="GEN.3.5"><span class="label">5</span><span class="content">ela ni angu Mlungu uichi mkaja matunda gharo, meso ghenyu ghichafunukuka, nenyo muchakaia sa Mlungu wemanya mecha na mawiwi.&#8221;</span></span></div><div class="p"><span class="verse v5" data-usfm="GEN.3.5"><span class="content">  </span></span><span class="verse v6" data-usfm="GEN.3.6"><span class="label">6</span><span class="content">Niko muka iji wawona angu mudi ugho ghwaboie kwa vindo, ghwaghokie mesonyi, na sena ghwakundikie kwa kumredia mundu kumanya, ukawaya matunda gharo ukaja, ukamneka na mumi wake wori, nao ukaja. </span></span><span class="verse v7" data-usfm="GEN.3.7"><span class="label">7</span><span class="content">Nao meso ghawo ghikafunukuka, wikatambua angu weeka duu, wikakudungia malemba gha mtini, na kukuboisira weni shuke.</span></span></div><div class="p"><span class="verse v7" data-usfm="GEN.3.7"><span class="content">  </span></span><span class="verse v8" data-usfm="GEN.3.8"><span class="label">8</span><span class="content">Nao luma lwa kenyi wikasikira Mlungu ukisela andenyi mbuwenyi, uo mundu na mkake wikakuvisa andenyi midinyi, wisakewonwa ni Mlungu. </span></span><span class="verse v9" data-usfm="GEN.3.9"><span class="label">9</span><span class="content">BWANA Mlungu ukammbanga uo mundu ukighamba, &#8220;Koko hao?&#8221; </span></span><span class="verse v10" data-usfm="GEN.3.10"><span class="label">10</span><span class="content">Nao ukatumbulia, &#8220;Naasikira kukicha andenyi mbuwenyi, niko naobua ngakuvisa, angu neeka duu.&#8221; </span></span><span class="verse v11" data-usfm="GEN.3.11"><span class="label">11</span><span class="content">Nao BWANA Mlungu ukamzera, &#8220;Nani wakughoria wei kooka duu? Welee, kwaaja ghuja mudi nerekukanieghe kusakeghuja?&#8221; </span></span><span class="verse v12" data-usfm="GEN.3.12"><span class="label">12</span><span class="content">Uja mundu ukaghamba, &#8220;Uhu muka koreninekieghe ukaieghe andwamweri nani, nuo wanineka matunda gha ugho mudi, nani ngaja.&#8221; </span></span><span class="verse v13" data-usfm="GEN.3.13"><span class="label">13</span><span class="content">BWANA Mlungu ukamzera muka, &#8220;Kwaki kwabonya huwu?&#8221; Muka ukatumbulia, &#8220;Ni choka yanikalia nani ngaja.&#8221;</span><span class="note x"><span class="label">#</span><span class=" body">2 Wakor. 11.3; 1 Tim. 2.14</span></span></span></div><div class="s"><span class="heading">Mlungu kureda kutanya</span></div><div class="p"><span class="verse v13" data-usfm="GEN.3.13"><span class="content">  </span></span><span class="verse v14" data-usfm="GEN.3.14"><span class="label">14</span><span class="content">BWANA Mlungu ukaizera choka,</span></span></div><div class="q"><span class="verse v14" data-usfm="GEN.3.14"><span class="content">&#8220;Kwa kukaia kwabonya ilagho iji,</span></span></div><div class="q"><span class="verse v14" data-usfm="GEN.3.14"><span class="content">kwawasirwa njowe oho kuchumba mfugho rose,</span></span></div><div class="q"><span class="verse v14" data-usfm="GEN.3.14"><span class="content">na nyamandu ra isakenyi rose.</span></span></div><div class="q"><span class="verse v14" data-usfm="GEN.3.14"><span class="content">Kwa kifu chako kuchaghenda,</span></span></div><div class="q"><span class="verse v14" data-usfm="GEN.3.14"><span class="content">na teri kuchaija matuku ghose gha irangi jako.</span></span></div><div class="q"><span class="verse v14" data-usfm="GEN.3.14"><span class="content">  </span></span><span class="verse v15" data-usfm="GEN.3.15"><span class="label">15</span><span class="content">Nichawika wumaiza aghadi yako na uo muka,</span></span></div><div class="q"><span class="verse v15" data-usfm="GEN.3.15"><span class="content">na aghadi ya kivalwa chako na kivalwa chake.</span></span></div><div class="q"><span class="verse v15" data-usfm="GEN.3.15"><span class="content">Uo uchachibara chongo chako,</span></span></div><div class="q"><span class="verse v15" data-usfm="GEN.3.15"><span class="content">na oho kuchamluma ghimbe yake.&#8221;</span><span class="note x"><span class="label">#</span><span class=" body">Wuf. 12.17</span></span></span></div><div class="q"><span class="verse v15" data-usfm="GEN.3.15"><span class="content">  </span></span><span class="verse v16" data-usfm="GEN.3.16"><span class="label">16</span><span class="content">Nao ukamzera muka,</span></span></div><div class="q"><span class="verse v16" data-usfm="GEN.3.16"><span class="content">&#8220;Nichaghuchuria wasi ghwako ngelo ya kuva wana,</span></span></div><div class="q"><span class="verse v16" data-usfm="GEN.3.16"><span class="content">na oho kuchava wana kwa kuwawa elaima sena,</span></span></div><div class="q"><span class="verse v16" data-usfm="GEN.3.16"><span class="content">bea yako ichakaia kwa mumi wako,</span></span></div><div class="q"><span class="verse v16" data-usfm="GEN.3.16"><span class="content">nao uchakubonyera nguma.&#8221;</span></span></div><div class="q"><span class="verse v16" data-usfm="GEN.3.16"><span class="content">  </span></span><span class="verse v17" data-usfm="GEN.3.17"><span class="label">17</span><span class="content">Nao ukamzera Adamu,</span></span></div><div class="q"><span class="verse v17" data-usfm="GEN.3.17"><span class="content">&#8220;Kwa kukaia kwasikira malagho gha mkako,</span></span></div><div class="q"><span class="verse v17" data-usfm="GEN.3.17"><span class="content">kukaja matunda gha ghuja mudi nerekukanieghe kusakeja,</span></span></div><div class="q"><span class="verse v17" data-usfm="GEN.3.17"><span class="content">ndoe yawasirwa njowe kwa wundu ghwako,</span></span></div><div class="q"><span class="verse v17" data-usfm="GEN.3.17"><span class="content">kwa wasi kuchaja mavalo ghake,</span></span></div><div class="q"><span class="verse v17" data-usfm="GEN.3.17"><span class="content">matuku ghose gha irangi jako.</span><span class="note x"><span class="label">#</span><span class=" body">Waeb. 6.8</span></span></span></div><div class="q"><span class="verse v17" data-usfm="GEN.3.17"><span class="content">  </span></span><span class="verse v18" data-usfm="GEN.3.18"><span class="label">18</span><span class="content">Ndoe ichabusa masaka na minjwa,</span></span></div><div class="q"><span class="verse v18" data-usfm="GEN.3.18"><span class="content">na oho kuchaja mavalo gha mbuwa.</span></span></div><div class="q"><span class="verse v18" data-usfm="GEN.3.18"><span class="content">  </span></span><span class="verse v19" data-usfm="GEN.3.19"><span class="label">19</span><span class="content">Kwa marughudia gha wushu ghwako kuchaja vindo,</span></span></div><div class="q"><span class="verse v19" data-usfm="GEN.3.19"><span class="content">hata kwawuya ndoenyi andu korefunyiroghe.</span></span></div><div class="q"><span class="verse v19" data-usfm="GEN.3.19"><span class="content">Angu ko teri oho, na terinyi kuchawuya.&#8221;</span></span></div><div class="p"><span class="verse v19" data-usfm="GEN.3.19"><span class="content">  </span></span><span class="verse v20" data-usfm="GEN.3.20"><span class="label">20</span><span class="content">Nao Adamu ukamneka muka wake irina ukammbanga Hawa, kwa kukaia uo nuo mae wa wadamu wose. </span></span><span class="verse v21" data-usfm="GEN.3.21"><span class="label">21</span><span class="content">BWANA Mlungu ukawiboisira Adamu na mkake marwao gha mrongo, ukawirusha.</span></span></div><div class="s"><span class="heading">Adamu na Hawa kufunywa mbuwenyi</span></div><div class="p"><span class="verse v21" data-usfm="GEN.3.21"><span class="content">  </span></span><span class="verse v22" data-usfm="GEN.3.22"><span class="label">22</span><span class="content">Nao BWANA Mlungu ukaghamba, &#8220;Ola uhu mundu wakaia sa umu odu kwa kumanya mecha na mawiwi. Lindienyi usecheghorua mkonu ghwake na kuwaya matunda gha mudi ghwa irangi wori na kuja, uchedua moyo kwa kala na kala.&#8221;</span><span class="note x"><span class="label">#</span><span class=" body">Wuf. 22.14</span></span><span class="content">  </span></span><span class="verse v23" data-usfm="GEN.3.23"><span class="label">23</span><span class="content">Kwa huwo Mlungu ukamfunya mbuwenyi ya Edeni, uilime ndoe kwa iyo orebonyereghe. </span></span><span class="verse v24" data-usfm="GEN.3.24"><span class="label">24</span><span class="content">Nao ukammbinga uo mundu, ukawika makerubi chia ra mashariki ra iyo mbuwa ya Edeni, na lufu luakagha modo lukakaia lukimara ii chia na ii chia kuilindia chia evikia ugho mudi ghwa irangi.</span></span></div>
        </div>
    </div>
</div>

Idana choka erekoghe na mikalo kuchumba nyamandu rose ra isakenyi oreribonyereghe BWANA Mlungu. Nayo ikamzera muka, “Kedi Mlungu waghambie wei msakeja matunda gha midi yose iko mbuwenyi?” Muka ukaizera choka, “Dadima kuja matunda gha midi yose iko mbuwenyi; ela matunda gha mudi ghuko ghadi na ghadi ya mbuwa, Mlungu wadizerie, ‘Msakeja matunda gharo hata msakeghiadada mchefwa.’” Ela choka ikamzera muka, “Ndemchaafwa kungi, ela ni angu Mlungu uichi mkaja matunda gharo, meso ghenyu ghichafunukuka, nenyo muchakaia sa Mlungu wemanya mecha na mawiwi.”
Niko muka iji wawona angu mudi ugho ghwaboie kwa vindo, ghwaghokie mesonyi, na sena ghwakundikie kwa kumredia mundu kumanya, ukawaya matunda gharo ukaja, ukamneka na mumi wake wori, nao ukaja. Nao meso ghawo ghikafunukuka, wikatambua angu weeka duu, wikakudungia malemba gha mtini, na kukuboisira weni shuke.
Nao luma lwa kenyi wikasikira Mlungu ukisela andenyi mbuwenyi, uo mundu na mkake wikakuvisa andenyi midinyi, wisakewonwa ni Mlungu. BWANA Mlungu ukammbanga uo mundu ukighamba, “Koko hao?” Nao ukatumbulia, “Naasikira kukicha andenyi mbuwenyi, niko naobua ngakuvisa, angu neeka duu.” Nao BWANA Mlungu ukamzera, “Nani wakughoria wei kooka duu? Welee, kwaaja ghuja mudi nerekukanieghe kusakeghuja?” Uja mundu ukaghamba, “Uhu muka koreninekieghe ukaieghe andwamweri nani, nuo wanineka matunda gha ugho mudi, nani ngaja.” BWANA Mlungu ukamzera muka, “Kwaki kwabonya huwu?” Muka ukatumbulia, “Ni choka yanikalia nani ngaja.”

BWANA Mlungu ukaizera choka,
“Kwa kukaia kwabonya ilagho iji,
kwawasirwa njowe oho kuchumba mfugho rose,
na nyamandu ra isakenyi rose.
Kwa kifu chako kuchaghenda,
na teri kuchaija matuku ghose gha irangi jako.
Nichawika wumaiza aghadi yako na uo muka,
na aghadi ya kivalwa chako na kivalwa chake.
Uo uchachibara chongo chako,
na oho kuchamluma ghimbe yake.”
Nao ukamzera muka,
“Nichaghuchuria wasi ghwako ngelo ya kuva wana,
na oho kuchava wana kwa kuwawa elaima sena,
bea yako ichakaia kwa mumi wako,
nao uchakubonyera nguma.”
Nao ukamzera Adamu,
“Kwa kukaia kwasikira malagho gha mkako,
kukaja matunda gha ghuja mudi nerekukanieghe kusakeja,
ndoe yawasirwa njowe kwa wundu ghwako,
kwa wasi kuchaja mavalo ghake,
matuku ghose gha irangi jako.
Ndoe ichabusa masaka na minjwa,
na oho kuchaja mavalo gha mbuwa.
Kwa marughudia gha wushu ghwako kuchaja vindo,
hata kwawuya ndoenyi andu korefunyiroghe.
Angu ko teri oho, na terinyi kuchawuya.”
Nao Adamu ukamneka muka wake irina ukammbanga Hawa, kwa kukaia uo nuo mae wa wadamu wose. BWANA Mlungu ukawiboisira Adamu na mkake marwao gha mrongo, ukawirusha.

Nao BWANA Mlungu ukaghamba, “Ola uhu mundu wakaia sa umu odu kwa kumanya mecha na mawiwi. Lindienyi usecheghorua mkonu ghwake na kuwaya matunda gha mudi ghwa irangi wori na kuja, uchedua moyo kwa kala na kala.” Kwa huwo Mlungu ukamfunya mbuwenyi ya Edeni, uilime ndoe kwa iyo orebonyereghe. Nao ukammbinga uo mundu, ukawika makerubi chia ra mashariki ra iyo mbuwa ya Edeni, na lufu luakagha modo lukakaia lukimara ii chia na ii chia kuilindia chia evikia ugho mudi ghwa irangi.

Lalela KUZOYA 3