Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkLUK">
 <div class="chapter ch12" data-usfm="LUK.12">
 <div class="label">12</div><div class="s">&#7768;e&#7769;o ko Wakulembeche&#7775;i</div><div class="r">(Mat 10:26-27)</div><div class="p"> 1Kyiyeri-kyo, wuingyi wo wandu wulesanza shiku kui shiku, m&#7775;asa wakachumana, kawooka iwia wanalosho wakye kuwooka, &#8220;Kuringyenyi na chachu ya Mafarisayo, ya wukulembeche&#7775;i. 2Kyaindi kuwo&#7769;e kyindo kyiku&#7775;iikyie kyilechilo&#7775;o na pata, maa kyikyi&#7775;ikye kyilechimanyika-pfo. 3Kyasia orio kyindo mule&#7769;e&#7769;a meemenyi kyemanyika saenyi; na kyindo mulewewe&#7769;ia mndu shi&#7775;inyi sha numba shegambo iwuka kai.&#8221;</div><div class="s">Awa&#7775;i Lumwowuoe</div><div class="r">(Mat 10:28-31)</div><div class="p"> 4&#8220;Na inyi ngyimmbia nyoe mbuya tsako, maa mulaowuoe iwo wekyewaaga mmbiu, na numa ya iho wawo&#7769;e kyindo kya ngose&#7775;a wei&#7769;ima iwuta-pfo. 5Kyaindi ngyemmbia mochimwowuo. Owuonyi ulya akyeri kye kammbaaga mndu nechii&#7769;ima immbiyitsa Ngyehenenyi. Yee ngyimmbia, owuonyi icho. 6Ngyesa shilepuru shitaanu shekyekumbo helo tsiwi-pfoe? Maa kuwo&#7769;e maa kyimwi kyekyewa&#7769;imika mbele ya Ruwa-pfo. 7Kyaindi maa njui tsa m&#7769;oe yanyu tsingyitale tsoose. Kyasia mulaowuoe; nanga nyoe kuta shilepuru shifoi.&#8221;</div><div class="s">I&#7775;ingyishia na Ikana Kristo</div><div class="r">(Mat 10:32-33; 12:32; 10:19-20)</div><div class="p"> 8&#8220;Na inyi ngyimmbia, orio mndu echingyi&#7775;ingyishia mbele ya wandu, Mana o Adamu nem&#7775;ingyishia mbele ya malaika wa Ruwa. 9Na echingyikana mbele ya wandu, icho nekano mbele ya malaika wa Ruwa. 10Na orio mndu echi&#7769;e&#7769;a kyindo kyiwicho kya Mana o Adamu nechihoo&#7775;io, indi mndu alahia Mumuyo Mweele echihoo&#7775;io-pfo. 11Na ilyi wemu&#7769;uo mbele ya Masinagogi na wachilyi na wawo&#7769;e pfinya ya ichilyia, maa mulai&#7775;ewe mochikusa&#7775;a ma&#7769;e&#7769;o ganyu chandu mogaluo ang'u i&#7769;e&#7769;a. 12Cha kyipfa Mumuyo Mweele nemulosha saa iya iya kyilya muwa&#7775;i i&#7769;e&#7769;a.&#8221;</div><div class="s">Mfano o Mnjama Mtondo</div><div class="p"> 13Mndu umwi halya kyisanzionyi kammbia, &#8220;Mlosha, wia mono-wama oko nangyigawie kyio&#7775;a kya&#7769;u.&#8221; 14Kammbia, &#8220;Iyoe mndu, nyi wui alengyiwika inyi ngyiwe mo&#7769;umbuo moondu yanyu ang'u mogawa shindo shanyu?&#8221; 15Kawawia, &#8220;Kushowenyi na wuneesi, kyipfa moo o mndu ukyeri shindonyi shakye awo&#7769;e-pfo.&#8221; 16Kawawia mfano, echigamba, &#8220;&#7768;ema lya mndu umwi mnjama lyiwewo&#7769;e shilyimu shifoi mnu. 17Kawooka ikusa&#7775;a mrimenyi kokye, echigamba, &#8216;Ngyiwikye ku&#7769;a, kyipfa ngyiwo&#7769;e handu ngyekooma shilyimu shako-pfo?&#8217; 18Kagamba, &#8216;Ngyewika ku&#7769;i, ngyeunduo shikumbi shako ngyiwikye shingyi shing'anyi kuta ishi, na ipfo ngyechikooma kyilyimu kyako kyoose na shindo shako. 19Numa ya iho ngyegamba, iyoe mrima oko, nuwo&#7769;e shindo shicha shifoi ukoomie ko maka ifoi. Onyonya-ng'u, ulye, unyo, uchihiyo.&#8217; 20Kyaindi Ruwa kammbia, &#8216;Iyoe tondo, kyio-kyi kya inu wakundi mrima opfo. Na shindo-sho ukoomie shewa sha wui?&#8217; 21Nyi wu&#7769;o akyeri mndu ekyekoomia mrima okye kyiseyesoe alakusurie Ruwa.&#8221; </div><div class="s">Ikusuria Ruwa</div><div class="r">(Mat 6:25-34)</div><div class="p"> 22Kawia wanalosho wakye, &#8220;Kyipfa kya ikyo ngyimmbia, maa mulawinie moo yanyu, mochilya kyi; maa mmbiu yanyu mochi&#7775;aa kyi. 23Cha kyipfa iwa&#7769;a moo nyi kyindo kying'anyi kuta kyelya, na mmbiu nyi ngose&#7775;a kuta nguwo. 24Kusa&#7775;enyi mbonyi tsa makuru, kye gekyewaaya maa isambuo-pfo; gawo&#7769;e shikumbi maa handu hekooma shindo-pfo, indi Ruwa nekyegaenenga kyelya. Nanga nyoe kafoi kuta shileye! 25Nyi wui konyu kakuwinisha echii&#7769;ima iengye&#7775;a moo okye maa mfiri umwi? 26Kyasia, kokooya mulechii&#7769;ima iwuta maa kyindo kyitutu, ny'kyilyi mukuwinisha kya shilya shingyi? 27Kusa&#7775;enyi mbonyi tsa shiwa&#7775;o chandu shekye&#7769;o. Shekye&#7775;unda kyindo kyoose-pfo; indi inyi ngyimmbia kye maa Solomon mng'anonyi okye oose ale&#7775;iko necha cha kyiwa&#7775;o kyimwi kya isho-pfo. 28Kyasia kokooya Ruwa nekye&#7775;ika ku&#7769;o ma&#7775;a ga ipfo &#7769;emenyi, gakyeri ho inu na ngama gakawiyitso mo&#7769;onyi ngyesa emmbutia ngose&#7775;a, nyoe wa ii&#7769;ikyia lyaangu? 29Nyoe mulapfule mulye kyi ang'u munyo kyi-pfo. Maa mulai&#7775;ewe mrimenyi, 30kyipfa isho shoose nyisho masanga ga wuyana gekyepfula, kyaindi Awu onyu naichi kye mukundi isho. 31Indi pfulenyi Wumangyi wo Ruwa, na isho mochiengye&#7775;io.&#8221;</div><div class="s">Wunjama Ruwewu</div><div class="r">(Mat 6:19-21)</div><div class="p"> 32&#8220;Maa mulaowuoe nyoe poo lyitutu, cha kyipfa Awu onyu nawona nyi kyicha imuenenga Wumangyi wulya. 33Kumbenyi isho muwo&#7769;e, muwute kyiano. Achikyienyi shikuchu shilekyekuo, koomenyi kyiseyesoe kyanyu ruwewu handu kyechiengye&#7775;ika, handu halekyeshika mbafu, maa shinu lyilekyenyama&#7775;a. 34Cha kyipfa handu kyiseyesoe kyanyu kyikyeri nyi ho-ndu na mrima yanyu yechikaa.&#8221;</div><div class="s">Wa&#7775;undi Walee Kyi&#7769;ombo</div><div class="p"> 35&#8220;Muku&#7775;eye&#7775;e, mukuinewie kyitsinyi, na taa tsanyu tsikae tseaka; 36muwe cha wandu waiwe&#7769;elyia mndumii owo, ilyi ewuya iwuka wolyinyi, kundu kyiyeri echicha na ikapa-kapa moongo, wampfunguye moongo cha ilyi. 37Wagusu wa&#7775;undi walya, kyiyeri mndumii owo echicha nawakooye walee kyi&#7769;ombo. Loi ngyimmbia, nekuinewa na iwaenenga kyelya, na iwa&#7775;undia. 38Na oe kacha lya kawi, ang'u kacha lya ka&#7775;aa&#7775;u, na iwakooya ku&#7769;i, wagusu wa&#7775;undi-wo. 39Kyaindi manyenyi kyindo-kyi kye monyi kanyi awemanya kyiyeri mbafu yechicha, nawelaa kyi&#7769;ombo, maa awe&#7769;a numba yakye ifunjo-pfo. 40Na nyoe ku&#7775;eye&#7775;enyi, cha kyipfa kyiyeri mulaichi nyi lyo-ndu Mana o Adamu echicha.&#8221;</div><div class="s">M&#7775;undi Msimiri ang'u Alakyeri Msimiri</div><div class="r">(Mat 24:45-51)</div><div class="p"> 41Petiro kammbia, &#8220;Mndumii, mfano-cho noluwia soe tikyi, ang'u wandu woose taa?&#8221; 42Mndumii kagamba, &#8220;Kyasia, nyi wui-ng'u akyeri m&#7775;undi msimiri, am&#7775;ango, ulya mndumii okye echimmbika nasongoye ma&#7775;unda gakye goose, naenengye wandu shelya kui kyiyeri kyiwa&#7775;i? 43Agusu m&#7775;undi ulya mndumii okye echicha namkooye echiwuta ku&#7769;o. 44Loi ngyimmbia, nemmbika nachilyie shindo shakye shoose. 45Kyaindi, m&#7775;undi ulya kagamba mrimenyi kokye, &#8216;Mndumii oko naikyelyio icha&#8217;, kawooka ikapa walya wekye&#7775;unda na oe, waso&#7775;o na waka, echilya na inyo na inango; 46Mndumii o m&#7775;undi-cho nechicha mfiri alaukusa&#7775;ie na kyiyeri alaichi, nem&#7769;umbuo mateng'eta gawi na immbikyia hamwi na walai&#7769;ikyie. 47Na m&#7775;undi ulya alemanya kyindo mndumii okye akundi, alaku&#7775;eye&#7775;e, maa alawute kyilya mndumii okye akundi, nechikapo mnu. 48Na ulya alaichi na oe nawuta kyiwa&#7775;i ikapo, nekapo kyitutu. Na orio mndu aleenengo shifoi, icho neweso shifoi, na ulya alekoomio shindo shifoi, kokye werika na ngose&#7775;a.&#8221;</div><div class="s">Yesu nyi oe Echiletsana Wandu</div><div class="r">(Mat 10:34-36)</div><div class="p"> 49&#8220;Ngyilecha iwiyitsa mo&#7769;o wuyanenyi; na mo&#7769;o-cho wukomwaka ny'kyikyi ngyikundi ngose&#7775;a? 50Kyaindi ngyiwo&#7769;e wupatiso ngyiwa&#7775;i ipatiso, na inyi ngyiwo&#7769;o fowa ing'anyi m&#7775;asa wupatiso-wo wuafutsio! 51Ngyesa mokusa&#7775;a kye ngyilecha iende ufo&#7775;o wuyanenyi? Ngyimmbia, ote, chi wu&#7769;o-pfo, indi maletsano. 52Cha kyipfa wookyia wulalu numbenyi imwi kowa&#7769;a wandu wataanu walekanyi, wa&#7775;aa&#7775;u wewingana na wandu wawi, wawi wewingana na wandu wa&#7775;aa&#7775;u. 53Awu na mono-kye wechilekana, na mana na awuye; mama o mndu na mono-kye o kyika, na mana o kyika na wamae; mndu na watoe okye na watoe na watoe o mndu.&#8221;</div><div class="s">Imanya Kyiyeri</div><div class="r">(Mat 16:2-3)</div><div class="p"> 54Yesu kawia-se wuingyi wulya wo wandu, &#8220;Orio kyiyeri mokyewona ipuchi ura lo kyukonyi cha ilyi mokyegamba, &#8216;Mvuo iicha&#8217;; kyikawa ku&#7769;o. 55Na ilyi kokyecha mkuma owuka ura lo kyawuye, mokyegamba, &#8216;Kowa&#7769;a mrikye&#8217;; na nyi wu&#7769;o kyikyeri. 56Nyoe wakulembeche&#7775;i mokyei&#7769;ima imanya chandu kochiwa urukyenyi na ngyinenyi; kyasia, kyawa ku&#7769;a-ng'u kye moi&#7769;ima imanya kyiyeri-kyi-pfo?&#8221;</div><div class="s">Lekyiana na Mokyituwa Opfo</div><div class="r">(Mat 5:25-26)</div><div class="p"> 57&#8220;Ny'kyilyi nyoe muwenyi kui mrima yanyu mulekye&#7769;umbuo iwuta shikyeri sha sungusinyi? 58Kokooya ooshana na ulya uwo&#7769;e na oe moondu iyenda ko mo&#7769;umbuo moondu, ipfo njienyi pfu&#7775;ukana isanza na oe, alachekukuruo m&#7775;asa ko mchilyi, mchilyi ulya kaku&#7769;ambika mawokonyi ga ulya ekye&#7769;umbuo moondu, kakuwiyitsa kyipfungonyi. 59Ngyikuwia, owuka pfo m&#7775;asa umarise itaa helo ya mafurumionyi-pfo.&#8221;</div>
 </div>
 </div>
</div>

New Testament in Kivunjo © Bible Society of Tanzania, 1999.

Kyiyeri-kyo, wuingyi wo wandu wulesanza shiku kui shiku, mṟasa wakachumana, kawooka iwia wanalosho wakye kuwooka, “Kuringyenyi na chachu ya Mafarisayo, ya wukulembecheṟi. Kyaindi kuwoṙe kyindo kyikuṟiikyie kyilechiloṟo na pata, maa kyikyiṟikye kyilechimanyika-pfo. Kyasia orio kyindo muleṙeṙa meemenyi kyemanyika saenyi; na kyindo muleweweṙia mndu shiṟinyi sha numba shegambo iwuka kai.”


“Na inyi ngyimmbia nyoe mbuya tsako, maa mulaowuoe iwo wekyewaaga mmbiu, na numa ya iho wawoṙe kyindo kya ngoseṟa weiṙima iwuta-pfo. Kyaindi ngyemmbia mochimwowuo. Owuonyi ulya akyeri kye kammbaaga mndu nechiiṙima immbiyitsa Ngyehenenyi. Yee ngyimmbia, owuonyi icho. Ngyesa shilepuru shitaanu shekyekumbo helo tsiwi-pfoe? Maa kuwoṙe maa kyimwi kyekyewaṙimika mbele ya Ruwa-pfo. Kyaindi maa njui tsa mṙoe yanyu tsingyitale tsoose. Kyasia mulaowuoe; nanga nyoe kuta shilepuru shifoi.”


“Na inyi ngyimmbia, orio mndu echingyiṟingyishia mbele ya wandu, Mana o Adamu nemṟingyishia mbele ya malaika wa Ruwa. Na echingyikana mbele ya wandu, icho nekano mbele ya malaika wa Ruwa. Na orio mndu echiṙeṙa kyindo kyiwicho kya Mana o Adamu nechihooṟio, indi mndu alahia Mumuyo Mweele echihooṟio-pfo. Na ilyi wemuṙuo mbele ya Masinagogi na wachilyi na wawoṙe pfinya ya ichilyia, maa mulaiṟewe mochikusaṟa maṙeṙo ganyu chandu mogaluo ang'u iṙeṙa. Cha kyipfa Mumuyo Mweele nemulosha saa iya iya kyilya muwaṟi iṙeṙa.”

Mndu umwi halya kyisanzionyi kammbia, “Mlosha, wia mono-wama oko nangyigawie kyioṟa kyaṙu.” Kammbia, “Iyoe mndu, nyi wui alengyiwika inyi ngyiwe moṙumbuo moondu yanyu ang'u mogawa shindo shanyu?” Kawawia, “Kushowenyi na wuneesi, kyipfa moo o mndu ukyeri shindonyi shakye awoṙe-pfo.” Kawawia mfano, echigamba, “Ṙema lya mndu umwi mnjama lyiwewoṙe shilyimu shifoi mnu. Kawooka ikusaṟa mrimenyi kokye, echigamba, ‘Ngyiwikye kuṙa, kyipfa ngyiwoṙe handu ngyekooma shilyimu shako-pfo?’ Kagamba, ‘Ngyewika kuṙi, ngyeunduo shikumbi shako ngyiwikye shingyi shing'anyi kuta ishi, na ipfo ngyechikooma kyilyimu kyako kyoose na shindo shako. Numa ya iho ngyegamba, iyoe mrima oko, nuwoṙe shindo shicha shifoi ukoomie ko maka ifoi. Onyonya-ng'u, ulye, unyo, uchihiyo.’ Kyaindi Ruwa kammbia, ‘Iyoe tondo, kyio-kyi kya inu wakundi mrima opfo. Na shindo-sho ukoomie shewa sha wui?’ Nyi wuṙo akyeri mndu ekyekoomia mrima okye kyiseyesoe alakusurie Ruwa.”


Kawia wanalosho wakye, “Kyipfa kya ikyo ngyimmbia, maa mulawinie moo yanyu, mochilya kyi; maa mmbiu yanyu mochiṟaa kyi. Cha kyipfa iwaṙa moo nyi kyindo kying'anyi kuta kyelya, na mmbiu nyi ngoseṟa kuta nguwo. Kusaṟenyi mbonyi tsa makuru, kye gekyewaaya maa isambuo-pfo; gawoṙe shikumbi maa handu hekooma shindo-pfo, indi Ruwa nekyegaenenga kyelya. Nanga nyoe kafoi kuta shileye! Nyi wui konyu kakuwinisha echiiṙima iengyeṟa moo okye maa mfiri umwi? Kyasia, kokooya mulechiiṙima iwuta maa kyindo kyitutu, ny'kyilyi mukuwinisha kya shilya shingyi? Kusaṟenyi mbonyi tsa shiwaṟo chandu shekyeṙo. Shekyeṟunda kyindo kyoose-pfo; indi inyi ngyimmbia kye maa Solomon mng'anonyi okye oose aleṟiko necha cha kyiwaṟo kyimwi kya isho-pfo. Kyasia kokooya Ruwa nekyeṟika kuṙo maṟa ga ipfo ṙemenyi, gakyeri ho inu na ngama gakawiyitso moṙonyi ngyesa emmbutia ngoseṟa, nyoe wa iiṙikyia lyaangu? Nyoe mulapfule mulye kyi ang'u munyo kyi-pfo. Maa mulaiṟewe mrimenyi, kyipfa isho shoose nyisho masanga ga wuyana gekyepfula, kyaindi Awu onyu naichi kye mukundi isho. Indi pfulenyi Wumangyi wo Ruwa, na isho mochiengyeṟio.”


“Maa mulaowuoe nyoe poo lyitutu, cha kyipfa Awu onyu nawona nyi kyicha imuenenga Wumangyi wulya. Kumbenyi isho muwoṙe, muwute kyiano. Achikyienyi shikuchu shilekyekuo, koomenyi kyiseyesoe kyanyu ruwewu handu kyechiengyeṟika, handu halekyeshika mbafu, maa shinu lyilekyenyamaṟa. Cha kyipfa handu kyiseyesoe kyanyu kyikyeri nyi ho-ndu na mrima yanyu yechikaa.”

“Mukuṟeyeṟe, mukuinewie kyitsinyi, na taa tsanyu tsikae tseaka; muwe cha wandu waiweṙelyia mndumii owo, ilyi ewuya iwuka wolyinyi, kundu kyiyeri echicha na ikapa-kapa moongo, wampfunguye moongo cha ilyi. Wagusu waṟundi walya, kyiyeri mndumii owo echicha nawakooye walee kyiṙombo. Loi ngyimmbia, nekuinewa na iwaenenga kyelya, na iwaṟundia. Na oe kacha lya kawi, ang'u kacha lya kaṟaaṟu, na iwakooya kuṙi, wagusu waṟundi-wo. Kyaindi manyenyi kyindo-kyi kye monyi kanyi awemanya kyiyeri mbafu yechicha, nawelaa kyiṙombo, maa aweṙa numba yakye ifunjo-pfo. Na nyoe kuṟeyeṟenyi, cha kyipfa kyiyeri mulaichi nyi lyo-ndu Mana o Adamu echicha.”


Petiro kammbia, “Mndumii, mfano-cho noluwia soe tikyi, ang'u wandu woose taa?” Mndumii kagamba, “Kyasia, nyi wui-ng'u akyeri mṟundi msimiri, amṟango, ulya mndumii okye echimmbika nasongoye maṟunda gakye goose, naenengye wandu shelya kui kyiyeri kyiwaṟi? Agusu mṟundi ulya mndumii okye echicha namkooye echiwuta kuṙo. Loi ngyimmbia, nemmbika nachilyie shindo shakye shoose. Kyaindi, mṟundi ulya kagamba mrimenyi kokye, ‘Mndumii oko naikyelyio icha’, kawooka ikapa walya wekyeṟunda na oe, wasoṟo na waka, echilya na inyo na inango; Mndumii o mṟundi-cho nechicha mfiri alaukusaṟie na kyiyeri alaichi, nemṙumbuo mateng'eta gawi na immbikyia hamwi na walaiṙikyie. Na mṟundi ulya alemanya kyindo mndumii okye akundi, alakuṟeyeṟe, maa alawute kyilya mndumii okye akundi, nechikapo mnu. Na ulya alaichi na oe nawuta kyiwaṟi ikapo, nekapo kyitutu. Na orio mndu aleenengo shifoi, icho neweso shifoi, na ulya alekoomio shindo shifoi, kokye werika na ngoseṟa.”


“Ngyilecha iwiyitsa moṙo wuyanenyi; na moṙo-cho wukomwaka ny'kyikyi ngyikundi ngoseṟa? Kyaindi ngyiwoṙe wupatiso ngyiwaṟi ipatiso, na inyi ngyiwoṙo fowa ing'anyi mṟasa wupatiso-wo wuafutsio! Ngyesa mokusaṟa kye ngyilecha iende ufoṟo wuyanenyi? Ngyimmbia, ote, chi wuṙo-pfo, indi maletsano. Cha kyipfa wookyia wulalu numbenyi imwi kowaṙa wandu wataanu walekanyi, waṟaaṟu wewingana na wandu wawi, wawi wewingana na wandu waṟaaṟu. Awu na mono-kye wechilekana, na mana na awuye; mama o mndu na mono-kye o kyika, na mana o kyika na wamae; mndu na watoe okye na watoe na watoe o mndu.”


Yesu kawia-se wuingyi wulya wo wandu, “Orio kyiyeri mokyewona ipuchi ura lo kyukonyi cha ilyi mokyegamba, ‘Mvuo iicha’; kyikawa kuṙo. Na ilyi kokyecha mkuma owuka ura lo kyawuye, mokyegamba, ‘Kowaṙa mrikye’; na nyi wuṙo kyikyeri. Nyoe wakulembecheṟi mokyeiṙima imanya chandu kochiwa urukyenyi na ngyinenyi; kyasia, kyawa kuṙa-ng'u kye moiṙima imanya kyiyeri-kyi-pfo?”


“Ny'kyilyi nyoe muwenyi kui mrima yanyu mulekyeṙumbuo iwuta shikyeri sha sungusinyi? Kokooya ooshana na ulya uwoṙe na oe moondu iyenda ko moṙumbuo moondu, ipfo njienyi pfuṟukana isanza na oe, alachekukuruo mṟasa ko mchilyi, mchilyi ulya kakuṙambika mawokonyi ga ulya ekyeṙumbuo moondu, kakuwiyitsa kyipfungonyi. Ngyikuwia, owuka pfo mṟasa umarise itaa helo ya mafurumionyi-pfo.”

Lalela Luka 12