Mixtec, Northern Tlaxiaco: Tutu ii - Kaꞌan ia Dios nuu ndiꞌi ñayiu New Testament+

Tutu ii - Kaꞌan ia Dios nuu ndiꞌi ñayiu

<div class="version vid1561 iso6393xtn" data-vid="1561" data-iso6393="xtn">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Ni ka ndatno&#42892;o Jes&#250;s jin Zaqueo</div><div class="p"> 1Yun te ni kiuu Jes&#250;s &#241;uu Jeric&#243; ja ya&#42892;a ya &#241;uu yun ki&#42892;in ya. 2Te &#241;uu yun ni oo in tee kuika ni onani Zaqueo, in tee kuu nija&#42892;nu nuu tee ka xtutu xu&#42892;un impuestu. 3Te ni kuini de ja kondia&#42892;a de na in kuu Jes&#250;s, su tu ni kuu kondia&#42892;a de ya, chi ka oo kua&#42892;a ndeva&#42892;a &#241;ayiu, te in tee ndi&#42892;i ni okuu de. 4Yun te ni jino de ni kakoxno&#42892;o de, te ni kaa de nuu in yutnu sukun nani sic&#243;moro nukuiin yatni yu&#42892;u ichi nuu ya&#42892;a ya ja ki&#42892;in ya, nagua ja kuni de ya. 5Te nuu ni ya&#42892;a Jes&#250;s yun, te ni jini ya ja yoxnee de, te ji&#241;a&#42892;a ya:</div><div class="p">&#8213;Zaqueo, manuu &#241;ama ni na ki&#42892;on, chi kanuu ja ndoo san ve&#42892;e ni vitna &#8213;ji&#241;a&#42892;a ya.</div><div class="p"> 6Yun te &#241;ama kuiti ni nuu Zaqueo, te ni kusii ndeva&#42892;a ini de, te ni jaka de ya, kua&#42892;ankuei de jin ya. 7Su nuu ni ka jini &#241;ayiu, te ndi&#42892;i ni ka ka&#42892;an ndee &#241;a ja ve&#42892;e in tee sa&#42892;a yika kuechi ni jino ya ja ndoo ya. 8Yun te ni ndakoo Zaqueo, te ji&#241;a&#42892;a de nuu Jes&#250;s:</div><div class="p">&#8213;Jito&#42892;o san, ka&#42892;nde sagua san ndi&#42892;i ja neva&#42892;a san, te ku&#241;a&#42892;a san nuu &#241;ayiu ka kunda&#42892;u. Te nuu ja na in &#241;ayiu ni su&#42892;u san ja ni jikan java&#42892;a ka san xu&#42892;un, te na ndajione&#42892;e san kuun ka jichi saa nagua ni su&#42892;u san &#8213;ji&#241;a&#42892;a de.</div><div class="p"> 9Te ji&#241;a&#42892;a Jes&#250;s:</div><div class="p">&#8213;Vitna guaa ni kee san ja skaku ni&#42892;nu san &#241;ayiu ve&#42892;e ya&#42892;a, chi in ndikin tata Abraham kuu de. 10Chi vaji sein, ja kuu san Se&#42892;e Teyii, ja ndanduku san vi ja skaku ni&#42892;nu san &#241;ayiu ni ka ndo&#241;u&#42892;u &#8213;ji&#241;a&#42892;a ya.</div><div class="s">Ni ka&#42892;an jioni&#42892;ni Jes&#250;s ja ja&#42892;a tee ni ka satniuu jin xu&#42892;un</div><div class="p"> 11Te ndi&#42892;i &#241;ayiu ka nini ja siun ka&#42892;an Jes&#250;s. Yun te ni ka&#42892;an jioni&#42892;ni ya, chi ja ni kuyatni ja ndenta ya Jerusal&#233;n. Te &#241;ayiu yun, chi ka ndakani ini ja ni kuyatni ja kotatnuni ya &#241;uyiu ya&#42892;a. 12Te ji&#241;a&#42892;a ya:</div><div class="p">&#8213;Ni oo in tee kuu nija&#42892;nu ja ni kee jika de kua&#42892;an de inka &#241;uu ja ni&#42892;i tniuu de ja kotatnuni de, saa te ndajiokuiin de. 13Su ama ka ja kee de ki&#42892;in de inka &#241;uu, te ni kana de uxi tee ka jinokuechi nuu de, te ni ji&#241;a&#42892;a de xu&#42892;un kua&#42892;a ndeva&#42892;a nda&#42892;a in in tee yun. Te ji&#241;a&#42892;a de: &#8220;Ya&#42892;a oo xu&#42892;un ya&#42892;a, te vi satniuu jin ni ndee na ndajiokuiin san&#8221;, ji&#241;a&#42892;a de. 14Su &#241;ayiu &#241;uu de, chi ni ka ka&#42892;an u&#42892;u &#241;a jin de. Te yata kua&#42892;an de, ni ka tetniui &#241;ayiu ja vi ka&#42892;an: &#8220;Tu ka kuini san ja tee ya&#42892;a konetniuu ja kotatnuni &#241;uu san&#8221;, ka ji&#241;a&#42892;i.</div><div class="p"> 15Te visi saa ni ka ji&#241;a&#42892;a &#241;ayiu yun, su ni ni&#42892;i tniuu de ja kotatnuni de, te ni ndajiokuiin de &#241;uu de. Te nuu ni ndajino de, te ni ndakana de ndi&#42892;i tee xiin nuu ni ji&#241;a&#42892;a de xu&#42892;un de, nagua ja kutnuni ini de nasaa ni ndakundee ni ka sa&#42892;a in in tee yun. 16Yun te ni jino tee xtna&#241;u&#42892;u, te ji&#241;a&#42892;a de: &#8220;Jito&#42892;o san, ya&#42892;a mandisia&#42892;a san xu&#42892;un ni taa ni jin uxi ka jichi ja ni ndakundee nagua ni taa ni&#8221;, ji&#241;a&#42892;a de. 17Te ji&#241;a&#42892;a tee tatnuni yun: &#8220;Vatuka ni sa&#42892;a ni. Tee jinokuechi gua&#42892;a kuu ni. Te vi ja gua&#42892;a ni satniuu ni jin joo tniuu ja ni taa san nuu ni, vitna te chitniuu &#241;a san ja kotatnuni ni nuu uxi &#241;uu&#8221;, ji&#241;a&#42892;a de. 18Yun te ni jino inka de, te ji&#241;a&#42892;a de: &#8220;Jito&#42892;o san, ya&#42892;a mandisia&#42892;a san xu&#42892;un ni taa ni jin u&#42892;un ka jichi ja ni ndakundee nagua ni taa ni&#8221;, ji&#241;a&#42892;a de. 19Te suni ji&#241;a&#42892;a tee tatnuni yun: &#8220;Vitna te suni chitniuu &#241;a san ja kotatnuni ni nuu u&#42892;un &#241;uu&#8221;, ji&#241;a&#42892;a de. 20Su ni jino inka de, te ji&#241;a&#42892;a de: &#8220;Jito&#42892;o san, ya&#42892;a mandisia&#42892;a san xu&#42892;un ni taa ni ja ni ju&#42892;ni va&#42892;a san nuu in pa&#241;itu. 21Chi ni yu&#42892;u &#241;a san jin ni, chi jini san ja tee xeen kuu ni, chi kuini ni ja kua&#42892;a ka ndani&#42892;i ni saa ja ni taa ni, te ndaxtutu ni, nuu tu ni satniuu ni&#8221;, ji&#241;a&#42892;a de. 22Yun te ji&#241;a&#42892;a tee tatnuni yun: &#8220;Masu tee jinokuechi gua&#42892;a kuu ni. Nuu saa te jin tno&#42892;o ka&#42892;an ni jian, sa&#42892;a ndaa san ja&#42892;a ni. Nuu jini ni ja tee xeen kuu san, te kua&#42892;a ka ndani&#42892;i san saa ja taa san, te ndaxtutu san nuu tu ni satniuu san, 23te &#191;nau ja tu ni chi&#42892;i ni xu&#42892;un san banku nagua ja nuu ndajaa san, te ndataa ni joo se&#42892;e xu&#42892;un san?&#8221;, ji&#241;a&#42892;a de. 24Yun te ji&#241;a&#42892;a de nuu tee ka oo jin de yun: &#8220;Vi ndakindee ni xu&#42892;un nuu tee jian, te vi ndaku&#241;a&#42892;a ni nuu tee neva&#42892;a uxi jian&#8221;, ji&#241;a&#42892;a de. 25Te ka ji&#241;a&#42892;a tee yun: &#8220;Jito&#42892;o san, su tee ya&#42892;a, chi ja neva&#42892;a de uxi ka jichi&#8221;, ka ji&#241;a&#42892;a de. 26Yun te ji&#241;a&#42892;a tee tatnuni yun: &#8220;Saa chi ka&#42892;an san ja ndi&#42892;i &#241;ayiu neva&#42892;a, te vi ni&#42892;i kai. Su &#241;ayiu tu nagua neva&#42892;a, chi vi ndee joo luluu ja neva&#42892;i yun, te ndondee. 27Vitna te kua&#42892;ankuei ni mavijinkuaka ni &#241;ayiu ni ka ka&#42892;an u&#42892;u &#241;a jin san, ja tu ni ka kuini ja kotatnuni san, te vi jin nuu san, te vi ka&#42892;ni ni jin&#8221;, kachi de &#8213;ji&#241;a&#42892;a Jes&#250;s.</div><div class="s">Ni ndiuu Jes&#250;s na kuinio in rey ja ni kundee maa Jerusal&#233;n</div><div class="p"> 28Nuu ni ndi&#42892;i ni ka&#42892;an Jes&#250;s tno&#42892;o ya&#42892;a, te mandaa ya kua&#42892;an ya maa &#241;uu Jerusal&#233;n. 29Te nuu ni kuyatni ya ja kiuu ya &#241;uu Betfag&#233; jin &#241;uu Betania yatni nuu yuku nani Olivos, te ni tetniuu ya uu tee ka skua&#42892;a jin ya, te ji&#241;a&#42892;a ya:</div><div class="p"> 30&#8213;Kua&#42892;ankuei ni &#241;uu kaa ichi nuu ni sua&#42892;a. Te nuu kiukuei ni &#241;uu yun, te yun vi jinku&#42892;un ni in mentu luluu, nu&#42892;ni ti, ja chia&#42892;an ka sa&#42892;un na in tee koso ti. Te vi ndajin ni ti, te kikuei ni jin ti. 31Te nuu na in &#241;ayiu jikan tno&#42892;o: &#8220;&#191;Nau ja ka ndajin ni ti?&#8221;, te vi ku&#241;a&#42892;a ni ja maa Jito&#42892;o jiniu&#42892;u ti &#8213;ji&#241;a&#42892;a ya.</div><div class="p"> 32Te kua&#42892;ankuei tee ni tetniuu ya, te vi nagua ni ka&#42892;an ya, saa ni kuu. 33Chi nuu ni ka jinkondee de ka ndajin de mentu yun, te ni kentakuei jito&#42892;o ti ka jikan tno&#42892;o:</div><div class="p">&#8213;&#191;Nau ja ka ndajin ni mentu luluu jian? &#8213;ka ji&#241;a&#42892;a.</div><div class="p"> 34Te ka ji&#241;a&#42892;a de:</div><div class="p">&#8213;Saa, chi maa Jito&#42892;o jiniu&#42892;u ti, guaa ka ndajin san ti &#8213;ka ji&#241;a&#42892;a de.</div><div class="p"> 35Yun te kua&#42892;ankuei de jin ti. Te nuu ni ndajinokuei de nuu oo Jes&#250;s, te ni ka sonee de sa&#42892;un de yata ti, te ni ka skaa de ya yata ti, te kua&#42892;ankuei de jin ya. 36Te vi na kua&#42892;an ya, te vi saa ka tanduei &#241;ayiu sa&#42892;uin ini ichi yun. 37Te nuu ni ka kuyatni ya ja makekuei ya yuku Olivos, te ni ka jinkondee ndi&#42892;i &#241;ayiu kua&#42892;a ja ka ndikin &#241;a jin ya ka kanai ja ka kusii ini vi ka ndakuanta&#42892;ui nuu ia Dios ja kua&#42892;a javii java&#42892;a ni ka jini ja ni sa&#42892;a Jes&#250;s. 38Te ka ji&#241;a&#42892;i:</div><div class="p">&#8213;Na ta&#42892;u na ndetu rey, ia vaji jin sivi maa Jito&#42892;o Dios, te na koo jamani jion ichi andivi. Ka&#42892;nu kuu maa Dios, ia oo ndee sukun &#8213;ka kachi.</div><div class="p"> 39Yun te ka ji&#241;a&#42892;a sava tee ka kuu fariseo ka ndikin ne&#42892;u &#241;ayiu kua&#42892;a yun:</div><div class="p">&#8213;Mastru, kuxeen ni nuu &#241;ayiu ka ndikin &#241;a jin ni na vi kasi yu&#42892;i &#8213;ka ji&#241;a&#42892;a de.</div><div class="p"> 40Su ji&#241;a&#42892;a Jes&#250;s:</div><div class="p">&#8213;Ka&#42892;an san ja visi na vi kasi yu&#42892;u &#241;ayiu ya&#42892;a, su vi ndee yuu, chi vi kana jai &#8213;ji&#241;a&#42892;a ya.</div><div class="p"> 41Yun te nuu ni nduyatni ya Jerusal&#233;n, te ni jaku ya ja ja&#42892;a &#241;ayiu &#241;uu yun. 42Te ji&#241;a&#42892;a ya:</div><div class="p">&#8213;Nuu siun te na vi jinkui&#42892;nu ini maa ni ja kiuu vitna sa&#42892;a san ja vi ndumani tna&#42892;a ni jin ia Dios, su oo yu&#42892;u, te tu ka jinkui&#42892;nu ini ni. 43Te koo in kiuu, te vi kuni ni tnundo&#42892;o, chi vi ndakoo &#241;ayiu ka ka&#42892;an u&#42892;u &#241;a jin ni, te vi kionduu &#241;ai ja ma vi kaku ni. 44Te vi xnaa ndi&#42892;i &#241;uu ni, chi ni in yuu ma vi xndoo ka siki inka. Te vi ka&#42892;ni &#241;ai jin ndi&#42892;i ni, chi tu ni ka jinkui&#42892;nu ini ni kiuu ni kikoto &#241;a ia Dios ja skaku ni&#42892;nu &#241;a ya &#8213;ji&#241;a&#42892;a Jes&#250;s.</div><div class="s">Ni ndasavii Jes&#250;s maa ve&#241;u&#42892;u ka&#42892;nu</div><div class="p"> 45Yun te ni kiuu Jes&#250;s ye&#42892;e ve&#241;u&#42892;u, te ni jinkondee ya kene&#42892;e ndi&#42892;i ya &#241;ayiu ka xiko vi &#241;ayiu ka ki&#42892;in ye&#42892;e ve&#241;u&#42892;u yun. 46Te ji&#241;a&#42892;a ya:</div><div class="p">&#8213;Yoso nuu tutu ii: &#8220;Ve&#42892;e rin chi ve&#42892;e nuu ka ndakuatu &#241;ayiu kuu&#8221;, kachi tutu ii. Su maa ni, chi ka sa&#42892;a ni na kuinio yau kava kui&#42892;na &#8213;ji&#241;a&#42892;a ya.</div><div class="p"> 47Te ndi&#42892;i kiuu ni okaxtno&#42892;o Jes&#250;s nuu &#241;ayiu ka oo ve&#241;u&#42892;u yun. Su tee ka kuu nija&#42892;nu nuu sutu, vi tee ka kuu nija&#42892;nu nuu tee ka kaxtno&#42892;o Ley Mois&#233;s, vi tee ka kuu nija&#42892;nu nuu &#241;ayiu &#241;uu yun, ka nduku de naxa vi sa&#42892;a de ja vi ka&#42892;ni de Jes&#250;s. 48Su tu ni ka ni&#42892;i de nagua kuu ja vi sa&#42892;a de, chi ndi&#42892;i &#241;ayiu ka tanui ka nini tno&#42892;o kaxtno&#42892;o ya.</div>
 </div>
 </div>
</div>

Yun te ni kiuu Jesús ñuu Jericó ja yaꞌa ya ñuu yun kiꞌin ya. Te ñuu yun ni oo in tee kuika ni onani Zaqueo, in tee kuu nijaꞌnu nuu tee ka xtutu xuꞌun impuestu. Te ni kuini de ja kondiaꞌa de na in kuu Jesús, su tu ni kuu kondiaꞌa de ya, chi ka oo kuaꞌa ndevaꞌa ñayiu, te in tee ndiꞌi ni okuu de. Yun te ni jino de ni kakoxnoꞌo de, te ni kaa de nuu in yutnu sukun nani sicómoro nukuiin yatni yuꞌu ichi nuu yaꞌa ya ja kiꞌin ya, nagua ja kuni de ya. Te nuu ni yaꞌa Jesús yun, te ni jini ya ja yoxnee de, te jiñaꞌa ya:
―Zaqueo, manuu ñama ni na kiꞌon, chi kanuu ja ndoo san veꞌe ni vitna ―jiñaꞌa ya.
Yun te ñama kuiti ni nuu Zaqueo, te ni kusii ndevaꞌa ini de, te ni jaka de ya, kuaꞌankuei de jin ya. Su nuu ni ka jini ñayiu, te ndiꞌi ni ka kaꞌan ndee ña ja veꞌe in tee saꞌa yika kuechi ni jino ya ja ndoo ya. Yun te ni ndakoo Zaqueo, te jiñaꞌa de nuu Jesús:
―Jitoꞌo san, kaꞌnde sagua san ndiꞌi ja nevaꞌa san, te kuñaꞌa san nuu ñayiu ka kundaꞌu. Te nuu ja na in ñayiu ni suꞌu san ja ni jikan javaꞌa ka san xuꞌun, te na ndajioneꞌe san kuun ka jichi saa nagua ni suꞌu san ―jiñaꞌa de.
Te jiñaꞌa Jesús:
―Vitna guaa ni kee san ja skaku niꞌnu san ñayiu veꞌe yaꞌa, chi in ndikin tata Abraham kuu de. Chi vaji sein, ja kuu san Seꞌe Teyii, ja ndanduku san vi ja skaku niꞌnu san ñayiu ni ka ndoñuꞌu ―jiñaꞌa ya.

Te ndiꞌi ñayiu ka nini ja siun kaꞌan Jesús. Yun te ni kaꞌan jioniꞌni ya, chi ja ni kuyatni ja ndenta ya Jerusalén. Te ñayiu yun, chi ka ndakani ini ja ni kuyatni ja kotatnuni ya ñuyiu yaꞌa. Te jiñaꞌa ya:
―Ni oo in tee kuu nijaꞌnu ja ni kee jika de kuaꞌan de inka ñuu ja niꞌi tniuu de ja kotatnuni de, saa te ndajiokuiin de. Su ama ka ja kee de kiꞌin de inka ñuu, te ni kana de uxi tee ka jinokuechi nuu de, te ni jiñaꞌa de xuꞌun kuaꞌa ndevaꞌa ndaꞌa in in tee yun. Te jiñaꞌa de: “Yaꞌa oo xuꞌun yaꞌa, te vi satniuu jin ni ndee na ndajiokuiin san”, jiñaꞌa de. Su ñayiu ñuu de, chi ni ka kaꞌan uꞌu ña jin de. Te yata kuaꞌan de, ni ka tetniui ñayiu ja vi kaꞌan: “Tu ka kuini san ja tee yaꞌa konetniuu ja kotatnuni ñuu san”, ka jiñaꞌi.
Te visi saa ni ka jiñaꞌa ñayiu yun, su ni niꞌi tniuu de ja kotatnuni de, te ni ndajiokuiin de ñuu de. Te nuu ni ndajino de, te ni ndakana de ndiꞌi tee xiin nuu ni jiñaꞌa de xuꞌun de, nagua ja kutnuni ini de nasaa ni ndakundee ni ka saꞌa in in tee yun. Yun te ni jino tee xtnañuꞌu, te jiñaꞌa de: “Jitoꞌo san, yaꞌa mandisiaꞌa san xuꞌun ni taa ni jin uxi ka jichi ja ni ndakundee nagua ni taa ni”, jiñaꞌa de. Te jiñaꞌa tee tatnuni yun: “Vatuka ni saꞌa ni. Tee jinokuechi guaꞌa kuu ni. Te vi ja guaꞌa ni satniuu ni jin joo tniuu ja ni taa san nuu ni, vitna te chitniuu ña san ja kotatnuni ni nuu uxi ñuu”, jiñaꞌa de. Yun te ni jino inka de, te jiñaꞌa de: “Jitoꞌo san, yaꞌa mandisiaꞌa san xuꞌun ni taa ni jin uꞌun ka jichi ja ni ndakundee nagua ni taa ni”, jiñaꞌa de. Te suni jiñaꞌa tee tatnuni yun: “Vitna te suni chitniuu ña san ja kotatnuni ni nuu uꞌun ñuu”, jiñaꞌa de. Su ni jino inka de, te jiñaꞌa de: “Jitoꞌo san, yaꞌa mandisiaꞌa san xuꞌun ni taa ni ja ni juꞌni vaꞌa san nuu in pañitu. Chi ni yuꞌu ña san jin ni, chi jini san ja tee xeen kuu ni, chi kuini ni ja kuaꞌa ka ndaniꞌi ni saa ja ni taa ni, te ndaxtutu ni, nuu tu ni satniuu ni”, jiñaꞌa de. Yun te jiñaꞌa tee tatnuni yun: “Masu tee jinokuechi guaꞌa kuu ni. Nuu saa te jin tnoꞌo kaꞌan ni jian, saꞌa ndaa san jaꞌa ni. Nuu jini ni ja tee xeen kuu san, te kuaꞌa ka ndaniꞌi san saa ja taa san, te ndaxtutu san nuu tu ni satniuu san, te ¿nau ja tu ni chiꞌi ni xuꞌun san banku nagua ja nuu ndajaa san, te ndataa ni joo seꞌe xuꞌun san?”, jiñaꞌa de. Yun te jiñaꞌa de nuu tee ka oo jin de yun: “Vi ndakindee ni xuꞌun nuu tee jian, te vi ndakuñaꞌa ni nuu tee nevaꞌa uxi jian”, jiñaꞌa de. Te ka jiñaꞌa tee yun: “Jitoꞌo san, su tee yaꞌa, chi ja nevaꞌa de uxi ka jichi”, ka jiñaꞌa de. Yun te jiñaꞌa tee tatnuni yun: “Saa chi kaꞌan san ja ndiꞌi ñayiu nevaꞌa, te vi niꞌi kai. Su ñayiu tu nagua nevaꞌa, chi vi ndee joo luluu ja nevaꞌi yun, te ndondee. Vitna te kuaꞌankuei ni mavijinkuaka ni ñayiu ni ka kaꞌan uꞌu ña jin san, ja tu ni ka kuini ja kotatnuni san, te vi jin nuu san, te vi kaꞌni ni jin”, kachi de ―jiñaꞌa Jesús.

Nuu ni ndiꞌi ni kaꞌan Jesús tnoꞌo yaꞌa, te mandaa ya kuaꞌan ya maa ñuu Jerusalén. Te nuu ni kuyatni ya ja kiuu ya ñuu Betfagé jin ñuu Betania yatni nuu yuku nani Olivos, te ni tetniuu ya uu tee ka skuaꞌa jin ya, te jiñaꞌa ya:
―Kuaꞌankuei ni ñuu kaa ichi nuu ni suaꞌa. Te nuu kiukuei ni ñuu yun, te yun vi jinkuꞌun ni in mentu luluu, nuꞌni ti, ja chiaꞌan ka saꞌun na in tee koso ti. Te vi ndajin ni ti, te kikuei ni jin ti. Te nuu na in ñayiu jikan tnoꞌo: “¿Nau ja ka ndajin ni ti?”, te vi kuñaꞌa ni ja maa Jitoꞌo jiniuꞌu ti ―jiñaꞌa ya.
Te kuaꞌankuei tee ni tetniuu ya, te vi nagua ni kaꞌan ya, saa ni kuu. Chi nuu ni ka jinkondee de ka ndajin de mentu yun, te ni kentakuei jitoꞌo ti ka jikan tnoꞌo:
―¿Nau ja ka ndajin ni mentu luluu jian? ―ka jiñaꞌa.
Te ka jiñaꞌa de:
―Saa, chi maa Jitoꞌo jiniuꞌu ti, guaa ka ndajin san ti ―ka jiñaꞌa de.
Yun te kuaꞌankuei de jin ti. Te nuu ni ndajinokuei de nuu oo Jesús, te ni ka sonee de saꞌun de yata ti, te ni ka skaa de ya yata ti, te kuaꞌankuei de jin ya. Te vi na kuaꞌan ya, te vi saa ka tanduei ñayiu saꞌuin ini ichi yun. Te nuu ni ka kuyatni ya ja makekuei ya yuku Olivos, te ni ka jinkondee ndiꞌi ñayiu kuaꞌa ja ka ndikin ña jin ya ka kanai ja ka kusii ini vi ka ndakuantaꞌui nuu ia Dios ja kuaꞌa javii javaꞌa ni ka jini ja ni saꞌa Jesús. Te ka jiñaꞌi:
―Na taꞌu na ndetu rey, ia vaji jin sivi maa Jitoꞌo Dios, te na koo jamani jion ichi andivi. Kaꞌnu kuu maa Dios, ia oo ndee sukun ―ka kachi.
Yun te ka jiñaꞌa sava tee ka kuu fariseo ka ndikin neꞌu ñayiu kuaꞌa yun:
―Mastru, kuxeen ni nuu ñayiu ka ndikin ña jin ni na vi kasi yuꞌi ―ka jiñaꞌa de.
Su jiñaꞌa Jesús:
―Kaꞌan san ja visi na vi kasi yuꞌu ñayiu yaꞌa, su vi ndee yuu, chi vi kana jai ―jiñaꞌa ya.
Yun te nuu ni nduyatni ya Jerusalén, te ni jaku ya ja jaꞌa ñayiu ñuu yun. Te jiñaꞌa ya:
―Nuu siun te na vi jinkuiꞌnu ini maa ni ja kiuu vitna saꞌa san ja vi ndumani tnaꞌa ni jin ia Dios, su oo yuꞌu, te tu ka jinkuiꞌnu ini ni. Te koo in kiuu, te vi kuni ni tnundoꞌo, chi vi ndakoo ñayiu ka kaꞌan uꞌu ña jin ni, te vi kionduu ñai ja ma vi kaku ni. Te vi xnaa ndiꞌi ñuu ni, chi ni in yuu ma vi xndoo ka siki inka. Te vi kaꞌni ñai jin ndiꞌi ni, chi tu ni ka jinkuiꞌnu ini ni kiuu ni kikoto ña ia Dios ja skaku niꞌnu ña ya ―jiñaꞌa Jesús.

Yun te ni kiuu Jesús yeꞌe veñuꞌu, te ni jinkondee ya keneꞌe ndiꞌi ya ñayiu ka xiko vi ñayiu ka kiꞌin yeꞌe veñuꞌu yun. Te jiñaꞌa ya:
―Yoso nuu tutu ii: “Veꞌe rin chi veꞌe nuu ka ndakuatu ñayiu kuu”, kachi tutu ii. Su maa ni, chi ka saꞌa ni na kuinio yau kava kuiꞌna ―jiñaꞌa ya.
Te ndiꞌi kiuu ni okaxtnoꞌo Jesús nuu ñayiu ka oo veñuꞌu yun. Su tee ka kuu nijaꞌnu nuu sutu, vi tee ka kuu nijaꞌnu nuu tee ka kaxtnoꞌo Ley Moisés, vi tee ka kuu nijaꞌnu nuu ñayiu ñuu yun, ka nduku de naxa vi saꞌa de ja vi kaꞌni de Jesús. Su tu ni ka niꞌi de nagua kuu ja vi saꞌa de, chi ndiꞌi ñayiu ka tanui ka nini tnoꞌo kaxtnoꞌo ya.

Lalela San Lucas 19