Kitab Injil

<div class="version vid1388 iso6393yka" data-vid="1388" data-iso6393="yka">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Lapalin manjari a&#42892;a</div><div class="p"> 1Ga&#42892; pe dunya inin pinapanjari asal andang ne Lapalin. Lapalin magdambuwa&#42892; duk Tuhanin duk Lapalin Tuhanin ne. 2Kemuwe awwalley Lapalin duk Tuhanin dambuwa&#42892; du. 3K&#275;mon-k&#275;monin pinapanjari we&#42892; Lapalin amban panganda&#42892;akan Tuhanin. Ga&#42892; niya&#42892; pinapanjari bisan ine tu&#42892;u dem alam inin bang duma&#42892;in amban Lapalin. 4Lapalin asal po&#42892;on umulin duk umul inin mangurung danta&#42892; si pikilan manusiya&#42892;in. 5Danta&#42892; inin ninag dem kalindeman duk danta&#42892;in ga&#42892;i te&#42892;ed tapalem we&#42892; lindemin.</div><div class="p"> 6Manjari, niya&#42892; a&#42892;a kawakilan we&#42892; Tuhanin, &#275;nnen Yahiya. 7Dina&#42892;ak iye we&#42892; Tuhanin pitu magaka sabab danta&#42892; inin, supaya k&#275;mon a&#42892;ahin makakale inakanen duk kahagad. 8Duma&#42892;in Yahiya danta&#42892; inin. Saguwa&#42892; akane mapituhin magaka-aka sabab danta&#42892;in. 9Danta&#42892; mabennal inin, h&#257;tinen Lapalin, tiya&#42892; ne pitu si dunya ngurung danta&#42892; si pikilan manusiya&#42892;in k&#275;mon.</div><div class="p"> 10Saguwa&#42892; bisan ne Lapalin tu&#42892;u si dunya duk pinapanjari hep we&#42892; ne dunyahin, ga&#42892; du Lapalin takilale we&#42892; me&#42892; a&#42892;a si dunyahin. 11Pitu iye si lahatne, saguwa&#42892; ga&#42892; iye tinayima&#42892; we&#42892; bangsanen. 12Saguwa&#42892; sine-sine nayima&#42892; Lapalin duk makahagad si iyehin, urunganne siye kapatut manjari me&#42892; anak Tuhanin. 13Tahinang siye anak Tuhanin duma&#42892;in kuwe&#42892; paganak manusiya&#42892; atawa amban kabaya&#42892;an manusiya&#42892; atawa amban napsu manusiya&#42892;. Saguwa&#42892; tahinang siye anak Tuhanin amban kabaya&#42892;an Tuhanin.</div><div class="p"> 14Manjari, Lapalin palahil tu&#42892;u si dunya taga baran manusiya&#42892; duk patenna&#42892; diyaleman manusiya&#42892;. K&#275;mon lasa duk bennal la&#42892;i si iye. Takite kami balakatnen duk sahayanen, duk balakatne duk sahayane inin talep si iye pegge&#42892; iye Anak Tuhan dambuwa&#42892;-buwa&#42892;in.</div><div class="p"> 15Si Yahiya magaka-aka sabab Lapalin. Miss&#257; iye papales, pa&#42892;inne, &#8220;Iye ne hep inin bakas inakaku si ka&#42892;amin, pa&#42892;inku, &#8216;Niya&#42892; pitu dambuli amban aku. Pas&#333;ng iye langkew amban aku pegge&#42892; ga&#42892; pe ku inanakan, asal andang ne iye.&#8217; &#8221; Iye inin inaka Yahiyahin.</div><div class="p"> 16Pegge&#42892; la&#42892;i si Lapalin k&#275;mon lasahin, kite bi k&#275;mon makahampit isab lasanen duk tabangnen. Lasanen duk tabangnen pinagtamba-tamba si kite bi. 17Sara&#42892; Tuhanin pinasampay si manusiya&#42892; we&#42892; si Musa, saguwa&#42892; lasa Tuhanin duk bennalin pinangurung si manusiya&#42892; we&#42892; Isa Almasi, iye in&#275;nan Lapal Tuhanin. 18Ga&#42892; niya&#42892; bakas ngite Tuhanin. Saguwa&#42892; pinakata&#42892;u Tuhanin si manusiya&#42892; we&#42892; Anakne dambuwa&#42892;-buwa&#42892;in, pegge&#42892; asal Tuhan du iye duk magdambuwa&#42892; iye duk Samanen.</div><div class="s">Inaka si Yahiya magpandi-pandi me&#42892; a&#42892;ahin</div><div class="p">Manjari niya&#42892; me&#42892; a&#42892;a p&#299; pu si Yahiya s&#257;bune magpandi me&#42892; a&#42892;a si lipag bohe&#42892; Jordan, si kaluma&#42892;an Betani. 19Dambuwa&#42892; ellew niya&#42892; me&#42892; imam duk me&#42892; tabang me&#42892; imamin dina&#42892;ak we&#42892; me&#42892; nakura&#42892; me&#42892; Yahudi si puweblo Awrusalamin hap p&#299; pu Yahiya nilew iye bang sine iye. 20Ga&#42892; magellig-ellig Yahiya saguwa&#42892; magbennal te&#42892;ed iye, pa&#42892;inne, &#8220;Duma&#42892;in ku Almasihin.&#8221; 21&#8220;Na, sine kew?&#8221; pa&#42892;inde. &#8220;Si Eliyas ke kew?&#8221; Pa&#42892;in Yahiya, &#8220;Duma&#42892;in.&#8221; Pa&#42892;in me&#42892; imamin, &#8220;Ka&#42892;u ke nabi inagad-agad bangsate bi Isra&#42892;ilin?&#8221; Nambung Yahiya, &#8220;Duma&#42892;in.&#8221; 22Manjari pa&#42892;inde si iye, &#8220;Akahanun kami bang sine kew te&#42892;ed. Subey kami akahannu supaya niya&#42892; pangaka kami si me&#42892; manganda&#42892;ak kami mapituhin. Ine pa&#42892;innu sabab dinun?&#8221; 23Sambung Yahiyahin sali&#42892; du te&#42892;ed kuwe&#42892; bakas tasulat Nabi Isaya dem kitabin. Pa&#42892;in Yahiya, &#8220;Aku a&#42892;a maglingan papales dem lahat makagindew-gindewin. Pa&#42892;inku: Pabentelun bi l&#257;n s&#333;ng palabeyan Tuhanin.&#8221;</div><div class="p"> 24Me&#42892; imam inin bakas dina&#42892;ak p&#299; we&#42892; me&#42892; Yahudi be-&#257;gama te&#42892;ed in&#275;nan me&#42892; Pariseo. 25Manjari tinilew we&#42892; de Yahiya balik, pa&#42892;inde, &#8220;Na, we&#42892;ey kew magpandi me&#42892; a&#42892;a bang duma&#42892;in kew Almasihin atawa si Nabi Eliyas atawa nabi inagad-agad bangsate bi Isra&#42892;ilin?&#8221; 26Sambungan Yahiya siye, pa&#42892;inne, &#8220;Aku inin, magpandi ku me&#42892; a&#42892;a duk bohe&#42892;. Saguwa&#42892; niya&#42892; dambuwa&#42892; nengge lu&#42892;u si tengnga&#42892;bi saguwa&#42892; ga&#42892;i kata&#42892;uhanbi bang sine. 27Dambuli iye amban aku pitu, saguwa&#42892; ga&#42892;i ku pata&#42892; bisan ngalekkahan ingket tehompa&#42892;nen pegge&#42892; langkew te&#42892;ed iye amban aku.&#8221;</div><div class="s">Bili-bili Tuhanin</div><div class="p"> 29Pagsasumuhin, kite Yahiya si Isa p&#299; patudju si iye. Pagkitene si Isa, pa&#42892;in Yahiya si me&#42892; a&#42892;a mala&#42892;ihin, &#8220;Iye ne hep inin dalil ganti&#42892; bili-bili pangurung Tuhanin pagkuluban para si manusiya&#42892;. Iye inin mamuwasan duse manusiya&#42892;in k&#275;mon. 30Iye ne hep inin bakas inakaku si ka&#42892;amin, pa&#42892;inku, &#8216;Niya&#42892; pitu dambuli amban aku. Langkew iye amban aku, pegge&#42892; ga&#42892; pe ku inanakan asal andang ne iye.&#8217; 31Tagna&#42892; ga&#42892; kata&#42892;uhanku bang sine a&#42892;a mapitu dambuli amban akuhin,&#8221; pa&#42892;in Yahiya. &#8220;Saguwa&#42892; pitu ku magpandi me&#42892; a&#42892;a duk bohe&#42892; supaya iye tapakilale si bangsa Isra&#42892;ilin. 32-33Ga&#42892; pe iye kata&#42892;uhanku, saguwa&#42892; pa&#42892;in Tuhan manganda&#42892;ak aku magpandi me&#42892; a&#42892;a duk bohe&#42892;in, &#8216;Bang takitenu Niyawa Sutsihin paduwa&#42892;i p&#299; si dambuwa&#42892; a&#42892;a duk pateteg la&#42892;i si iye, iye iyan seddili pamandine manusiya&#42892;in; pap&#299;ne si siye Niyawa Sutsihin.&#8217; &#8221; Manjari naksi&#42892; Yahiya sabab si Isa, pa&#42892;inne, &#8220;Bakas takiteku te&#42892;ed Niyawa Sutsihin duwa&#42892;i amban diyata&#42892; langit kuwe&#42892; bantuk assang padapu&#42892; duk pateteg pu si Isa. 34Asal takiteku te&#42892;ed,&#8221; pa&#42892;in Yahiya, &#8220;hangkan kasaksi&#42892;anku we&#42892; bennal-bennal te&#42892;ed si Isa inin Anak Tuhanin.&#8221;</div><div class="s">Tagna&#42892; tindeg si Isahin</div><div class="p"> 35Pagsasumuhin, la&#42892;i ne isab si Yahiya si lipag bohe&#42892; Jordan duk duwangan me&#42892; tindegnen. 36Takite Yahiya si Isa palabey. Magtawus pa&#42892;inne, &#8220;Iye hep miya&#42892;an dalil bili-bili Tuhanin.&#8221; 37Takale me&#42892; tindegne duwanganin pina&#42892;in Yahiya miya&#42892;an, manjari paturul siye pu si Isa. 38Paghaleng si Isa, takitene duwanganin paturul si iye. Tinilew siye we&#42892; ne, pa&#42892;inne, &#8220;Ine akabin?&#8221; Nambung siye, pa&#42892;inde, &#8220;Rabbi, (h&#257;tinen Guru) antag patenna&#42892;annun?&#8221; 39Pa&#42892;in si Isa, &#8220;Nuhut ka&#42892;am aku duk takitebi.&#8221; Manjari nuhut ne siye si Isa. Hatu ne miya&#42892;an me&#42892; lisag ampat kohap. Takite we&#42892; de patenna&#42892;an si Isahin duk la&#42892;i pe siye ngeregse&#42892; lindem. 40Dambuwa&#42892; mapaturul pu si Isahin, &#275;nnen si Andariyas. Si Andariyas inin pungtina&#42892;i si Simon Petros. 41Manjari magtawus piniha we&#42892; Andariyas pungtina&#42892;inen. Pagtakasuwa&#42892;ne ne, pa&#42892;inne si iye, &#8220;Takasuwa&#42892; kami ne Almasihin.&#8221; (Almasihin iye tapene&#42892; Tuhan magsultan matu&#42892;u si dunyahin.) 42Ubus bino&#42892;o we&#42892; ne si Simon p&#299; pu si Isa. Pinayaman si Simon pahantap we&#42892; si Isa duk pa&#42892;inne, &#8220;Ka&#42892;u si Simon; &#275;n samanun Yahiya. Saguwa&#42892; &#275;nante kew si Kepas.&#8221; (&#274;n Kepas inin sali&#42892; du kuwe&#42892; &#275;n Petros, h&#257;tinen, batu.)</div><div class="s">Ilinganan we&#42892; si Isa si Pilip duk Natanael</div><div class="p"> 43Pagsasumuhin, tapikil si Isa hap p&#299; si lahat Jalil. Takasuwa&#42892;ne si Pilip duk pa&#42892;inne si iye, &#8220;Nuhut kew aku.&#8221; 44Si Pilip inin amban Betsaida, lahat si Andariyas duk si Petrosin. 45Piniha we&#42892; si Pilip si Natanael. Pagtakasuwa&#42892;ne, inakahan we&#42892; ne, pa&#42892;inne, &#8220;Takasuwa&#42892; kami ne a&#42892;a bakas inaka si Musa dem kitab Tawratin duk inaka isab we&#42892; me&#42892; kanabi-nabihanin dem sulatden. Iye si Isa anak si Yusupin amban kaluma&#42892;an Nasaret.&#8221; 46Pa&#42892;in Natanael, &#8220;Oy, ga&#42892; niya&#42892; a&#42892;a h&#257;p paguwa&#42892; amban Nasaret.&#8221; Pa&#42892;in si Pilip, &#8220;Nuhut be kew aku duk kitenu.&#8221; 47Pagkite si Isa si Natanael tudju p&#299; si iye, pa&#42892;in si Isa, &#8220;Tiya&#42892; niya&#42892; dambuwa&#42892; a&#42892;a Isra&#42892;il te&#42892;ed. Ga&#42892;i iye ngakkal.&#8221; 48Pa&#42892;in Natanael pu si Isa, &#8220;Sa&#42892;ingge pangata&#42892;unu akuhin?&#8221; Sambungan si Isa iye, pa&#42892;inne, &#8220;Ga&#42892; pe kew linganan si Pilip, takitete ne kew diyawa&#42892; po&#42892;on kayu igirahin.&#8221; 49Pa&#42892;in Natanael si iye, &#8220;Tuwan, ka&#42892;u Anak Tuhanin. Ka&#42892;u sultan bangsa Isra&#42892;ilin.&#8221; 50Pa&#42892;in si Isa si iye, &#8220;Kahagad ke kew si aku pegge&#42892; pa&#42892;inku we&#42892; takitete kew diyawa&#42892; po&#42892;on igirahin? Si pas&#333;ngan makakite du kew iyan me&#42892; hinanganku labi pe maka&#42892;ulali&#42892; amban inin.&#8221; 51Duk pa&#42892;in si Isa si siye, &#8220;Sabennal akahante ka&#42892;am, si pas&#333;ngan takitebi du iyan surga&#42892;in luka duk takitebi isab me&#42892; mala&#42892;ikat Tuhanin magduwa&#42892;i-mana&#42892;ik amban aku, Anak Manusiya&#42892;in.&#8221;</div>
 </div>
 </div>
</div>

Gaꞌ pe dunya inin pinapanjari asal andang ne Lapalin. Lapalin magdambuwaꞌ duk Tuhanin duk Lapalin Tuhanin ne. Kemuwe awwalley Lapalin duk Tuhanin dambuwaꞌ du. Kēmon-kēmonin pinapanjari weꞌ Lapalin amban pangandaꞌakan Tuhanin. Gaꞌ niyaꞌ pinapanjari bisan ine tuꞌu dem alam inin bang dumaꞌin amban Lapalin. Lapalin asal poꞌon umulin duk umul inin mangurung dantaꞌ si pikilan manusiyaꞌin. Dantaꞌ inin ninag dem kalindeman duk dantaꞌin gaꞌi teꞌed tapalem weꞌ lindemin.
Manjari, niyaꞌ aꞌa kawakilan weꞌ Tuhanin, ēnnen Yahiya. Dinaꞌak iye weꞌ Tuhanin pitu magaka sabab dantaꞌ inin, supaya kēmon aꞌahin makakale inakanen duk kahagad. Dumaꞌin Yahiya dantaꞌ inin. Saguwaꞌ akane mapituhin magaka-aka sabab dantaꞌin. Dantaꞌ mabennal inin, hātinen Lapalin, tiyaꞌ ne pitu si dunya ngurung dantaꞌ si pikilan manusiyaꞌin kēmon.
Saguwaꞌ bisan ne Lapalin tuꞌu si dunya duk pinapanjari hep weꞌ ne dunyahin, gaꞌ du Lapalin takilale weꞌ meꞌ aꞌa si dunyahin. Pitu iye si lahatne, saguwaꞌ gaꞌ iye tinayimaꞌ weꞌ bangsanen. Saguwaꞌ sine-sine nayimaꞌ Lapalin duk makahagad si iyehin, urunganne siye kapatut manjari meꞌ anak Tuhanin. Tahinang siye anak Tuhanin dumaꞌin kuweꞌ paganak manusiyaꞌ atawa amban kabayaꞌan manusiyaꞌ atawa amban napsu manusiyaꞌ. Saguwaꞌ tahinang siye anak Tuhanin amban kabayaꞌan Tuhanin.
Manjari, Lapalin palahil tuꞌu si dunya taga baran manusiyaꞌ duk patennaꞌ diyaleman manusiyaꞌ. Kēmon lasa duk bennal laꞌi si iye. Takite kami balakatnen duk sahayanen, duk balakatne duk sahayane inin talep si iye peggeꞌ iye Anak Tuhan dambuwaꞌ-buwaꞌin.
Si Yahiya magaka-aka sabab Lapalin. Missā iye papales, paꞌinne, “Iye ne hep inin bakas inakaku si kaꞌamin, paꞌinku, ‘Niyaꞌ pitu dambuli amban aku. Pasōng iye langkew amban aku peggeꞌ gaꞌ pe ku inanakan, asal andang ne iye.’ ” Iye inin inaka Yahiyahin.
Peggeꞌ laꞌi si Lapalin kēmon lasahin, kite bi kēmon makahampit isab lasanen duk tabangnen. Lasanen duk tabangnen pinagtamba-tamba si kite bi. Saraꞌ Tuhanin pinasampay si manusiyaꞌ weꞌ si Musa, saguwaꞌ lasa Tuhanin duk bennalin pinangurung si manusiyaꞌ weꞌ Isa Almasi, iye inēnan Lapal Tuhanin. Gaꞌ niyaꞌ bakas ngite Tuhanin. Saguwaꞌ pinakataꞌu Tuhanin si manusiyaꞌ weꞌ Anakne dambuwaꞌ-buwaꞌin, peggeꞌ asal Tuhan du iye duk magdambuwaꞌ iye duk Samanen.

Manjari niyaꞌ meꞌ aꞌa pī pu si Yahiya sābune magpandi meꞌ aꞌa si lipag boheꞌ Jordan, si kalumaꞌan Betani. Dambuwaꞌ ellew niyaꞌ meꞌ imam duk meꞌ tabang meꞌ imamin dinaꞌak weꞌ meꞌ nakuraꞌ meꞌ Yahudi si puweblo Awrusalamin hap pī pu Yahiya nilew iye bang sine iye. Gaꞌ magellig-ellig Yahiya saguwaꞌ magbennal teꞌed iye, paꞌinne, “Dumaꞌin ku Almasihin.” “Na, sine kew?” paꞌinde. “Si Eliyas ke kew?” Paꞌin Yahiya, “Dumaꞌin.” Paꞌin meꞌ imamin, “Kaꞌu ke nabi inagad-agad bangsate bi Israꞌilin?” Nambung Yahiya, “Dumaꞌin.” Manjari paꞌinde si iye, “Akahanun kami bang sine kew teꞌed. Subey kami akahannu supaya niyaꞌ pangaka kami si meꞌ mangandaꞌak kami mapituhin. Ine paꞌinnu sabab dinun?” Sambung Yahiyahin saliꞌ du teꞌed kuweꞌ bakas tasulat Nabi Isaya dem kitabin. Paꞌin Yahiya, “Aku aꞌa maglingan papales dem lahat makagindew-gindewin. Paꞌinku: Pabentelun bi lān sōng palabeyan Tuhanin.”
Meꞌ imam inin bakas dinaꞌak pī weꞌ meꞌ Yahudi be-āgama teꞌed inēnan meꞌ Pariseo. Manjari tinilew weꞌ de Yahiya balik, paꞌinde, “Na, weꞌey kew magpandi meꞌ aꞌa bang dumaꞌin kew Almasihin atawa si Nabi Eliyas atawa nabi inagad-agad bangsate bi Israꞌilin?” Sambungan Yahiya siye, paꞌinne, “Aku inin, magpandi ku meꞌ aꞌa duk boheꞌ. Saguwaꞌ niyaꞌ dambuwaꞌ nengge luꞌu si tengngaꞌbi saguwaꞌ gaꞌi kataꞌuhanbi bang sine. Dambuli iye amban aku pitu, saguwaꞌ gaꞌi ku pataꞌ bisan ngalekkahan ingket tehompaꞌnen peggeꞌ langkew teꞌed iye amban aku.”

Pagsasumuhin, kite Yahiya si Isa pī patudju si iye. Pagkitene si Isa, paꞌin Yahiya si meꞌ aꞌa malaꞌihin, “Iye ne hep inin dalil gantiꞌ bili-bili pangurung Tuhanin pagkuluban para si manusiyaꞌ. Iye inin mamuwasan duse manusiyaꞌin kēmon. Iye ne hep inin bakas inakaku si kaꞌamin, paꞌinku, ‘Niyaꞌ pitu dambuli amban aku. Langkew iye amban aku, peggeꞌ gaꞌ pe ku inanakan asal andang ne iye.’ Tagnaꞌ gaꞌ kataꞌuhanku bang sine aꞌa mapitu dambuli amban akuhin,” paꞌin Yahiya. “Saguwaꞌ pitu ku magpandi meꞌ aꞌa duk boheꞌ supaya iye tapakilale si bangsa Israꞌilin. Gaꞌ pe iye kataꞌuhanku, saguwaꞌ paꞌin Tuhan mangandaꞌak aku magpandi meꞌ aꞌa duk boheꞌin, ‘Bang takitenu Niyawa Sutsihin paduwaꞌi pī si dambuwaꞌ aꞌa duk pateteg laꞌi si iye, iye iyan seddili pamandine manusiyaꞌin; papīne si siye Niyawa Sutsihin.’ ” Manjari naksiꞌ Yahiya sabab si Isa, paꞌinne, “Bakas takiteku teꞌed Niyawa Sutsihin duwaꞌi amban diyataꞌ langit kuweꞌ bantuk assang padapuꞌ duk pateteg pu si Isa. Asal takiteku teꞌed,” paꞌin Yahiya, “hangkan kasaksiꞌanku weꞌ bennal-bennal teꞌed si Isa inin Anak Tuhanin.”

Pagsasumuhin, laꞌi ne isab si Yahiya si lipag boheꞌ Jordan duk duwangan meꞌ tindegnen. Takite Yahiya si Isa palabey. Magtawus paꞌinne, “Iye hep miyaꞌan dalil bili-bili Tuhanin.” Takale meꞌ tindegne duwanganin pinaꞌin Yahiya miyaꞌan, manjari paturul siye pu si Isa. Paghaleng si Isa, takitene duwanganin paturul si iye. Tinilew siye weꞌ ne, paꞌinne, “Ine akabin?” Nambung siye, paꞌinde, “Rabbi, (hātinen Guru) antag patennaꞌannun?” Paꞌin si Isa, “Nuhut kaꞌam aku duk takitebi.” Manjari nuhut ne siye si Isa. Hatu ne miyaꞌan meꞌ lisag ampat kohap. Takite weꞌ de patennaꞌan si Isahin duk laꞌi pe siye ngeregseꞌ lindem. Dambuwaꞌ mapaturul pu si Isahin, ēnnen si Andariyas. Si Andariyas inin pungtinaꞌi si Simon Petros. Manjari magtawus piniha weꞌ Andariyas pungtinaꞌinen. Pagtakasuwaꞌne ne, paꞌinne si iye, “Takasuwaꞌ kami ne Almasihin.” (Almasihin iye tapeneꞌ Tuhan magsultan matuꞌu si dunyahin.) Ubus binoꞌo weꞌ ne si Simon pī pu si Isa. Pinayaman si Simon pahantap weꞌ si Isa duk paꞌinne, “Kaꞌu si Simon; ēn samanun Yahiya. Saguwaꞌ ēnante kew si Kepas.” (Ēn Kepas inin saliꞌ du kuweꞌ ēn Petros, hātinen, batu.)

Pagsasumuhin, tapikil si Isa hap pī si lahat Jalil. Takasuwaꞌne si Pilip duk paꞌinne si iye, “Nuhut kew aku.” Si Pilip inin amban Betsaida, lahat si Andariyas duk si Petrosin. Piniha weꞌ si Pilip si Natanael. Pagtakasuwaꞌne, inakahan weꞌ ne, paꞌinne, “Takasuwaꞌ kami ne aꞌa bakas inaka si Musa dem kitab Tawratin duk inaka isab weꞌ meꞌ kanabi-nabihanin dem sulatden. Iye si Isa anak si Yusupin amban kalumaꞌan Nasaret.” Paꞌin Natanael, “Oy, gaꞌ niyaꞌ aꞌa hāp paguwaꞌ amban Nasaret.” Paꞌin si Pilip, “Nuhut be kew aku duk kitenu.” Pagkite si Isa si Natanael tudju pī si iye, paꞌin si Isa, “Tiyaꞌ niyaꞌ dambuwaꞌ aꞌa Israꞌil teꞌed. Gaꞌi iye ngakkal.” Paꞌin Natanael pu si Isa, “Saꞌingge pangataꞌunu akuhin?” Sambungan si Isa iye, paꞌinne, “Gaꞌ pe kew linganan si Pilip, takitete ne kew diyawaꞌ poꞌon kayu igirahin.” Paꞌin Natanael si iye, “Tuwan, kaꞌu Anak Tuhanin. Kaꞌu sultan bangsa Israꞌilin.” Paꞌin si Isa si iye, “Kahagad ke kew si aku peggeꞌ paꞌinku weꞌ takitete kew diyawaꞌ poꞌon igirahin? Si pasōngan makakite du kew iyan meꞌ hinanganku labi pe makaꞌulaliꞌ amban inin.” Duk paꞌin si Isa si siye, “Sabennal akahante kaꞌam, si pasōngan takitebi du iyan surgaꞌin luka duk takitebi isab meꞌ malaꞌikat Tuhanin magduwaꞌi-manaꞌik amban aku, Anak Manusiyaꞌin.”

Lalela Yahiya 1