<div class="version vid1045 iso6393heg" data-vid="1045" data-iso6393="heg">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Dehet deng Kain nol Habel</div><div class="p"> 1Oe mesan na, Adam niin nakbuan nol un sapa, Hawa. Kon bihatang nga behe. Hidi kon un hua ana biklobe mesa. Un tek noan, &#8220;Auk hua nal tana-ana biklobeng mes son, undeng AMA LAMTUA man tulung au.&#8221; Hidim un ngali tana-ana na ngala, Kaen (nahin na noan &#8216;kat puting&#8217;). 2Hidi nam Hawa hua tana-ana biklobeng mes pait. Kon un ngali ngala, Habel.</div><div class="p">Dedeng oen duas tenes maas sa, Habel lolo-poa hmukit mo Kain daek klapa. 3Oe mesan na, Kain kil nol un klapa la in hapu ngas tenga, le bel AMA LAMTUA. 4Habel kon kil un lae-blai heteng ngas ana hmunan nas. Un keo lae-blai nas, hidim un kil sisin man banan dui ngas le bel Ama Lamtua. Ngat net ela kon, AMA LAMTUA dalen kolo nol Habel in bele ngas. 5Mo Un kom Kain in bele ngas lo. Ta Kain koon-mali isi, didiin un sila ka mitang-tilu.</div><div class="p"> 6Kon AMA LAMTUA aa nol Kain noan, &#8220;Hoe Kain! Tasao le ku komali isi ela lia? Taon elol le ku silam ma mitang-tilu ela lia? 7Eta ku daek banan nam, taon elola ko Auk sium ku nol babanan. Mo doha-doha! Eta ku daek dadaat tam, mam in daat na hai bali ku, banansila el luis in daek blaoh le holon tetema ka. Tiata eta ku kom le daek dadaat tam, banan dui ka ku hutun soleng meman tia!&#8221;</div><div class="p"> 8Oe mesan na, Kain nusi Habel noan, &#8220;Adi! Maa le kit duat laok klapa lua.&#8221;#4:8: Muik in dula blaan ila lo, man pake Habel in aa ka, mo dais nas dulas ne dais Ibrani esa ka lo. Nikit oen lakos lius se uas kon, nahkitu lam Kain diuk tele un palin Habel.</div><div class="p"> 9Hidi kon AMA LAMTUA ketan Kain noan, &#8220;Hoe Kain! Ku palim ma ne ola ka?&#8221;</div><div class="p">Kain siut noan, &#8220;Eh, un ne ola kam, auk tanan lo! Bali le auk niam kil un iin na le!&#8221;</div><div class="p"> 10Kon Ama Lamtua tekan noan, &#8220;Tasao le ku daek dadaat isi ela lia? Ku bali noan ku buni nal ku palim ma dala ka se dale dale, le Auk netan loo ke? Auk net hidi totoang son. 11Halas ni bahang saek tom ku son. Ta dedeng ku keo tele ku palim ma ka, dale ka nus nuli un dala ka. Tiata halas ni dale ka, bel ku in nuli pait lo son. 12Eta ku daek klapa lam, dale ka puting bel ku isin saa pait lo ka. Ninin deng halas nia, ku tupu-talas lako-pait, banansila el atuil kasiang man nuting in nuli se apan-kloma kia ka.&#8221;</div><div class="p"> 13Mo Kain labang nol AMA LAMTUA noan, &#8220;Idah! Ama Lamtua! Taon elol le Ama Lamtua bahang auk ngele isi eli lia? Auk lep nalan pait lo son. 14Undeng Ama Lamtua nulut auk deng maan ni son, tiata mam auk katang deng Ama Lamtua. Auk tupu-talas le lako-pait ela tukun. Hidim asii tukun man tutnaal nol au lam, taon elola ko oen keo tele au.&#8221;</div><div class="p"> 15Mo AMA LAMTUA siut bali noan, &#8220;Ela lo! Asii man keo tele ku lam, mam Auk in belen hukung nga ngele dui lalis itu.&#8221; Hidim AMA LAMTUA tao taad se Kain, halin nam atuli li tana, le keo tele un deken. 16Hidi na kon, Kain lako nang maan na, le lako katang deng AMA LAMTUA. Un lako lius se mana mesa, se klaap Eden na halin leol-saken na. Maan na ngala Nod, man nahin na noan, &#8216;Tupu-talas&#8217;. Kon un daad se maan na.</div><div class="s">Kain in hua-koet tas</div><div class="p"> 17Hidi nam Kain sapa, kon un sapa ka behe. Ti un hua ana biklobe mesa, oen ngali ngala Henok. Kon Kain bangun ingu mesa. Hidim un ngali iung na ngala Henok, muid un ana ka ngala ka. 18Hidim Henok ana ka ngala Irad. Irad ana ka, Mehuyael. Mehuyael ana ka, Metusael. Nol Metusael ana ka, Lamek.</div><div class="p"> 19Lamek saap nol bihata at dua. Mes ngala Ada, nol mesan na pait ngala Sila. 20Ada ana ka ngala Yabal. Un in hua-koet tas daid atuil in lolo-poa hmukit. Oen nuil seda-seda se mana mamo, nol oen daad se hleep dales tukun. 21Un palin na, ngala Yubal. Yubal in hua-koet tas daid atuil in kuti taan sasanu, gitar, juk nol huu taan klingu nol ole'.</div><div class="p"> 22Lamek sapa Sila, hua Tubal Kain. Un in hua-koet tas daid tukang bisi, tiata oen daek sa-saa bili-ngala deng bisi nol tungdadi nol bis-kunis. Tubal Kain palin bihata la, ngala Naama.</div><div class="p"> 23Oe mesan na, Lamek naka-naka apa ka se un sapan nas duas silan noan, &#8220;Mi duam hii ke! Apin tana-biklobeng mes keng nol au, mo auk tuk tele una. 24Atuil in keo tele Kain nas, haup in hukung lalis itu. Mo eta muik in le hatu-pukun nol au kam, oen haup hukung oe buk itu beas itu.&#8221;</div><div class="s">Adam muik ana mes pait, ngala Set</div><div class="p"> 25Adam sapa Hawa hua ana biklobe mes pait. Kon oen ngali tana-ana na, ngala Set (man nahin na noan, &#8216;tunang bele&#8217;). Undeng Hawa tek noan, &#8220;Ama Lamtua tunang bel auk tana-ana ni son, le seda Habel man Kain in keo tele son na.&#8221; 26Nesa-nesang kon Set haup ana biklobe mesa, ngala Enos.</div><div class="p">Lius dedeng na, halas-sam atuli las mulai todan-lahing se AMA LAMTUA Allah.</div>
 </div>
 </div>
</div>

Oe mesan na, Adam niin nakbuan nol un sapa, Hawa. Kon bihatang nga behe. Hidi kon un hua ana biklobe mesa. Un tek noan, “Auk hua nal tana-ana biklobeng mes son, undeng AMA LAMTUA man tulung au.” Hidim un ngali tana-ana na ngala, Kaen (nahin na noan ‘kat puting’). Hidi nam Hawa hua tana-ana biklobeng mes pait. Kon un ngali ngala, Habel.
Dedeng oen duas tenes maas sa, Habel lolo-poa hmukit mo Kain daek klapa. Oe mesan na, Kain kil nol un klapa la in hapu ngas tenga, le bel AMA LAMTUA. Habel kon kil un lae-blai heteng ngas ana hmunan nas. Un keo lae-blai nas, hidim un kil sisin man banan dui ngas le bel Ama Lamtua. Ngat net ela kon, AMA LAMTUA dalen kolo nol Habel in bele ngas. Mo Un kom Kain in bele ngas lo. Ta Kain koon-mali isi, didiin un sila ka mitang-tilu.
Kon AMA LAMTUA aa nol Kain noan, “Hoe Kain! Tasao le ku komali isi ela lia? Taon elol le ku silam ma mitang-tilu ela lia? Eta ku daek banan nam, taon elola ko Auk sium ku nol babanan. Mo doha-doha! Eta ku daek dadaat tam, mam in daat na hai bali ku, banansila el luis in daek blaoh le holon tetema ka. Tiata eta ku kom le daek dadaat tam, banan dui ka ku hutun soleng meman tia!”
Oe mesan na, Kain nusi Habel noan, “Adi! Maa le kit duat laok klapa lua.” Nikit oen lakos lius se uas kon, nahkitu lam Kain diuk tele un palin Habel.
Hidi kon AMA LAMTUA ketan Kain noan, “Hoe Kain! Ku palim ma ne ola ka?”
Kain siut noan, “Eh, un ne ola kam, auk tanan lo! Bali le auk niam kil un iin na le!”
Kon Ama Lamtua tekan noan, “Tasao le ku daek dadaat isi ela lia? Ku bali noan ku buni nal ku palim ma dala ka se dale dale, le Auk netan loo ke? Auk net hidi totoang son. Halas ni bahang saek tom ku son. Ta dedeng ku keo tele ku palim ma ka, dale ka nus nuli un dala ka. Tiata halas ni dale ka, bel ku in nuli pait lo son. Eta ku daek klapa lam, dale ka puting bel ku isin saa pait lo ka. Ninin deng halas nia, ku tupu-talas lako-pait, banansila el atuil kasiang man nuting in nuli se apan-kloma kia ka.”
Mo Kain labang nol AMA LAMTUA noan, “Idah! Ama Lamtua! Taon elol le Ama Lamtua bahang auk ngele isi eli lia? Auk lep nalan pait lo son. Undeng Ama Lamtua nulut auk deng maan ni son, tiata mam auk katang deng Ama Lamtua. Auk tupu-talas le lako-pait ela tukun. Hidim asii tukun man tutnaal nol au lam, taon elola ko oen keo tele au.”
Mo AMA LAMTUA siut bali noan, “Ela lo! Asii man keo tele ku lam, mam Auk in belen hukung nga ngele dui lalis itu.” Hidim AMA LAMTUA tao taad se Kain, halin nam atuli li tana, le keo tele un deken. Hidi na kon, Kain lako nang maan na, le lako katang deng AMA LAMTUA. Un lako lius se mana mesa, se klaap Eden na halin leol-saken na. Maan na ngala Nod, man nahin na noan, ‘Tupu-talas’. Kon un daad se maan na.

Hidi nam Kain sapa, kon un sapa ka behe. Ti un hua ana biklobe mesa, oen ngali ngala Henok. Kon Kain bangun ingu mesa. Hidim un ngali iung na ngala Henok, muid un ana ka ngala ka. Hidim Henok ana ka ngala Irad. Irad ana ka, Mehuyael. Mehuyael ana ka, Metusael. Nol Metusael ana ka, Lamek.
Lamek saap nol bihata at dua. Mes ngala Ada, nol mesan na pait ngala Sila. Ada ana ka ngala Yabal. Un in hua-koet tas daid atuil in lolo-poa hmukit. Oen nuil seda-seda se mana mamo, nol oen daad se hleep dales tukun. Un palin na, ngala Yubal. Yubal in hua-koet tas daid atuil in kuti taan sasanu, gitar, juk nol huu taan klingu nol ole'.
Lamek sapa Sila, hua Tubal Kain. Un in hua-koet tas daid tukang bisi, tiata oen daek sa-saa bili-ngala deng bisi nol tungdadi nol bis-kunis. Tubal Kain palin bihata la, ngala Naama.
Oe mesan na, Lamek naka-naka apa ka se un sapan nas duas silan noan, “Mi duam hii ke! Apin tana-biklobeng mes keng nol au, mo auk tuk tele una. Atuil in keo tele Kain nas, haup in hukung lalis itu. Mo eta muik in le hatu-pukun nol au kam, oen haup hukung oe buk itu beas itu.”

Adam sapa Hawa hua ana biklobe mes pait. Kon oen ngali tana-ana na, ngala Set (man nahin na noan, ‘tunang bele’). Undeng Hawa tek noan, “Ama Lamtua tunang bel auk tana-ana ni son, le seda Habel man Kain in keo tele son na.” Nesa-nesang kon Set haup ana biklobe mesa, ngala Enos.
Lius dedeng na, halas-sam atuli las mulai todan-lahing se AMA LAMTUA Allah.

Lalela Dehet deng Apan-kloma ki in Dadi ka 4