Wenía 10
10
Noepa merávõ revomati ivo yoã
1Noémẽsho revoarasĩ yoãnáro neskáti, Sem, Cam, Jafé aatíi. Askái naatiimẽsho enẽ ato txivãvai txipo vake wetsarasĩ revovaĩóti.
2Naatíiro Jafepa vakerasĩ, Gomer, Magogue, Madai, Javã, Tubal, Meseque, Tiras aatíi.
3Askámaĩnõ naatíiro Gomernĩ vakerasĩ, Asquenaz, Rifate, Togarma aatíi.
4Naatíiro Javãne vakerasĩ, Elisá, Társis, Quitim, Dodanim aatíi. 5Askái naatii arí pashkákéi voíro waka kesó, mai voró ii itãnamã shokovo. Askái arí vakeyashõ atomamẽ shokoi, atõ vanãrvi ikí, atõ arí maĩ shokoi akávo, yora shoko wetsa.
6Askámaĩnõ naatíiro Camne vakerasĩ, Cuxe, Mizraim, Pute, Canaã aatíi.
7Askámaĩnõ naatíiro Cuxẽ vakerasĩ, Sebá, Havilá, Sabtá, Raamá, Sabtecá aatíi. Askámaĩnõ Raamapa vakerasĩro Sabá, Dedã aatíi.
8Askámaĩnõ Cuxepa vakero Ninrode. Aaro aapari yora kakáya mestẽka shovisho niti, naaivo maĩ. 9Yavepa oĩro yora chinã ravéma, askáinã yora ashkãsho yoãki, “Ninrode keská onika”, ipawavo. 10Askái txitavíro aaro Babel mainamã kakáya shovisho nii. Askávai Sinar mainamã shavá wetsarasĩ Ereque, Acade, Calné akárasĩ ivosho niói. 11Anosho ãwẽ anõ niá ivo mai enevaĩi kaí Assíria mainamã tekii, askái ano nii kashõ shavá wetsa Ninive, Reobote-Ir, Calá, Resém aatii shavá shovimakĩ. 12Resém ivoro Ninive, Calá aká naki rakáa, askámaĩnõ “Calá”, atõ akáro “cidade anipa.”
13-14Askámaĩnõ Ludita, Anamita, Leabita, Naftuita, Patrusita, Casluita, Caftorita yorarasĩro Egitõ#10.13-14 Hebraico vanã ikíro “Mizraim” merávo. Askámaĩnõ Casluitarasĩni revomaaro filisteu yorarasĩ.
15Askámaĩnõ Canaãro Sidom, Hete aatii meraya. Ãwẽ vake vevokéro Sidom. 16Naarasĩ askásevi, Canaãne revomarasĩ, jebuseu, amorreu, girgaseu, 17heveu, arqueu, sineu, 18arvadeu, zemareu, hamateu, yorarasĩ aatíi. Askái txipo cananeu yorarasĩni merávo peás itivo. 19Askái atõ anõ peás iki mairo Canaã. Askái ãwẽ kesoketanáro Sidomnamã iaketãi kawãi, Gerarnamã kesoa. Anosho Gazanamã ioketani kawãi, Sodoma, Gomorra, Admá, Zeboim akánamã kesoóa. Anosho kaí Lasanamã kesoa.
20Naaivo yorarasĩro Camne ato revomaa, arí vakeyashõ atomamẽ shokoi, atõ vanãrvi ikí, atõ arí maĩ shokoi akávo, yora shoko wetsa.
21Askámaĩnõ Semro Jafepa take vevoké ivo. Aaro Héber#10.21 Héber yorarasĩni ane wetsaro “hebreu yorarasĩ” yorarasĩ ato revomaiya. 22Askámaĩnõ naatíiro Semni merávo, Elão, Assur, Arfaxade, Lude, Arã aatíi.
23Askámaĩnõ naatíiro Arãne vakerasĩ, Uz, Hul, Geter, Más aatíi.
24Askámaĩnõ Arfaxadero, Salá meraya, Saláro Héber meraya aká. 25Askáki Hébernẽ vake ravévakĩ merati. Aatiã shavapa mai pashkánanãmaĩnõ, ãwẽ vake aneki “Pelegue”, akĩ.#10.25 Hebraicõ vana “Pelegue” ikíro “oshkévakĩ” Askávaíki wetsa anekiro “Joctã”, akĩ.
26Askámaĩnõ, Joctãro naarasĩni papa, Almodá, Selefe, Hazar-Mavé, Jerá, 27Hadorão, Uzal, Dicla, 28Obal, Abimael, Sabá, 29Ofir, Havilá, Jobabe aatíi. Naatíiro Joctã vakerasĩ katsése. 30Askái atõ anõ shokoa mairo, Messanamã itãi kaí, vari oákiri, mató keyáka Sefarnamã kesoa.
31Naaivo yorarasĩro Semni ato revomaa, arí vakeyashõ atomamẽ shokoi, atõ vanãrvi ikí, atõ arí maĩ shokoi akávo, yora shoko wetsa.
32Naarasĩro Noepa vakerasĩni ato revomaa yora. Wetsã wetsa revomaí, wetsã yora shoko wetsa shovimaí ato apávo. Atomẽsho, yorarasĩ maitioi peás ivaĩtivo, enẽ ato txivãti txipo.
Active: © Wycliffe Bible Translators, Inc. All rights reserved