OBUCHACHILO 17
17
Eshishebo, eshilolelo shieindakano
1Olwa Aburamu yali nemiyika amakhumi shienda nende shienda, OMWAMI Nyasaye yamuloleshela ne namuboolela ari, “Isie nisie Nyasaye Owobunyali Bwosi. Buli lwosi okholenje amalayi imbeli wanje ne khandi obe omulunjishi. 2Ne ndalakhola indakano hakari wanje ninawe khandi ndalenjiyia abolwibulolwo.” 3Mana Aburamu niyenamia obwenibwe hasi, ne Nyasaye namuboolela ari, 4“Ekhola indakano yanje hakari wanje ninawe ne wakhabe samwana abamahanga abanji. 5#Abaro. 4:17Eliiralio shililaba Aburamu#17:5 Aburamu: omwibusi ouchinguulilwe. ta, nebutswa lilaba Aburahamu#17:5 Aburahamu: samwana amahanga amanji.shichila ekhukholile iwe okhuba samwana amahanga amanji. 6Ndalakhuhelesia olwibulo lwabandu abanji, ne abandi khubo baliba abaruchi. 7#Luka 1:55Ndalatinyisia indakano eya ndakhola hakari wanje ninawe, nende abolwibulolwo, nende abakhetse olunyumalwo mubisoni biabwe biosi, okhuba indakano yemiyika chiosi, mbu isie embe Nyasayewo khandi Nyasaye wabolwibulolwo olunyumalwo. 8#Ebikh. 7:5Khandi ndilikhuhelesia iwe nende abolwibulolwo abetsa olunyumalwo eshialo shino, eshia iwe olimwo omucheni. Eshialo shia Kanani shiosi shiliba eshiabolwibulolwo emiyika chiosi, ne khandi ndiliba Nyasaye wabwe.”
9Mana Nyasaye naboolela Aburahamu khandi ari, “Ne khulwa iwe nende abolwibulolwo abetsa olunyumalwo munzibulo tsiabwe tsiosi, okhuula mulinde indakano yanje. 10#Ebikh. 7:8; Abaro. 4:11Ino niyo indakano yanje eya iwe nende abolwibulolwo, abetsa olunyumalwo mukhoyile mbu, mwesi muchilinde. Buli mundu weshisaatsa mwinywe okhuula ashebwe. 11Mulashebwa khulwa okhukhalaka lifunga. Ne eshio nishio eshilaba eshilolelo shieindakano yanje ninenywe. 12Buli omwana omusiani mwinywe owetsinyanga munane okhuula ashebwe. Buli omundu weshisaatsa mwinywe, abe omusumba owebulilwa mungo wenywe noho owakulwa amapesa okhurula khubarende, 13buli mundu mwinywe okhuula ashebwe. Ne shino shilaba eshilolelo khumibili chienywe mbu, indakano yanje ninenywe yibe yemiyika chiosi. 14Omundu weshisaatsa yesi yesi oulashebwa ta, alarusibwa muboluyia lwanje, okhuba alaba nafunaache indakano yanje.”
15Khandi Nyasaye naboolela Aburahamu ari, “Nawe shiolalangakhwo omukhasiwo eliira mbu, Sarai tawe, nebutswa okhurula bulano alalangwa mbu, Sara. 16Ndalamuhelesia ikhabi ne khandi ndalakhuhelesia omwana omusiani okhubirira muye. Ndalahelesia Sara ikhabi ne alaba nyinamwana amahanga. Abaruchi babandu okhuula balirula muye.”
17Mana Aburahamu niyenamia obwenibwe hasi ne natsekha niyereeba mumwoyokwe ari, “Mana omusaatsa ouli nemiyika eshikhumi shilala yakhebula omwana? Mana Sara nali nemiyika amakhumi shienda yakhebula omwana?” 18Mana Aburahamu nareeba Nyasaye ari, “Mbushiina nolalekha Ishimaeli yabukula obulaame bwanje?”
19Naye Nyasaye nakalusia Aburahamu ari, “Ta, Sara omukhasiwo alakhwibulila omwana omusiani, ne olimukulikha eliira mbu, Isaka.#17:19 Isaka: eshisina shieliira lino muluheburania ni ‘Otseshile.’ Ndiliralisia indakano yanje nende omwana oyo nende abolwibulolwe inziayo, khandi ndakhachikhole okhuba indakano yemiyika chiosi. 20Ne embuliile akosabile okhulondokhana nende Ishimaeli. Lola, ndalamuhelesia ikhabi khandi ndalakhola aboluyialwe okhuba abanji muno. Yakhabe samwana abaruchi ekhumi nababili khandi ndakhamukhole okhuba lihanga likhongo. 21Nebutswa ndalatinyisia indakano yanje nende Isaka, owa Sara alakhwibulila iwe, khubise shinga bino omwika kwitsa.”
22Olwa Nyasaye yamala okhuboola nende Aburahamu, yarulaho nalekhana nende Aburahamu. 23Naye Aburahamu nabukula Ishimaeli omusianiwe, nende abasumbabe boosi, abali nibebulilwa munzuwe nende aba yali niyakula namapesake. Inyanga eyo Aburahamu yasheba buli oweshisaatsa yesi yesi owali munzuye shinga olwa Nyasaye yali namubooleele. 24Olwa Aburahamu yashebwa, yali nemiyika amakhumi shienda nende shienda. 25Naye Ishimaeli omusianiwe yashebwa nali nemiyika ekhumi nachitaru. 26Aburahamu nende Ishimaeli omusianiwe bashebwa khunyanga ndala eyo, 27khandi abeshisaatsa beinzu ya Aburahamu, abebulilwa munzuye nende abakulwa okhurula khubacheni, boosi bashebwa halala ninaye.
