OBUCHACHILO 12
12
Nyasaye alanga Aburamu
1 #
Obuch. 10:5; Ebikh. 7:2,3; Abaheb. 11:8 Mana OMWAMI Nyasaye naboolela Aburamu ari, “Rula mushialoshio, eshiabeekhobo, khandi eshia abomunzuyo, otsie mushialo shiandalakhumanyia. 2Ne nasi ndalakhukhola okhuba lihanga likhongo, nende okhukhuhelesia ikhabi, nekhukhola okhuba neifuma ikhongo kho mbu, obe oweikhabi.
3 #
Abagal. 3:8
Oukhuhelesia ikhabi, ndalamuhelesia ikhabi,
Ne oukhulaama eshilaamo shiobubi, ndalamulaama eshilaamo shiobubi.
Ne okhubirira mwiwe nende abolwibulolwo ndalahelesia abandu abetsimbia tsiosi khushialo ikhabi.”
4Olwa Aburamu yali nemiyika amakhumi musaafu nachirano, yarula Harani shinga olwa OMWAMI Nyasaye yali namubooleele. Naye Loti natsia ninaye. 5Aburamu yabukula Sarai omukhasiwe, omwana womusiani wabwe Loti nende emiandu chiabwe chiosi nende abasumba ba bali nibanyoola mushialo shia Harani, ne nibatsia mushialo shia Kanani.
Olwa bali niboolile mushialo shia Kanani, 6Aburamu yabura mushialo eshio niyoola khumusaala omukhongo, okwalangwa mbu, omuruba kwa More, okwali mwitookho lia Shekemu. Mutsinyanga etsio, Abakanani nibo abali nibamenya mushialo omwo. 7#Ebikh. 7:5; Abagal. 3:16Mana OMWAMI Nyasaye namuloleshela Aburamu, ne namuboolela ari, “Ndakhahelesie abolwibulolwo eshialo shino.” Kho Aburamu niyombashila OMWAMI Nyasaye, owali namulolesheele eshimalilo eshiemisango. 8Narulayo natsia khushikulu, ebukwe wa Beteli mana nasimikhayo ikambiye hakari wa Betseli niyili khulubeka lwomumbo walio, nende Ai niyili elubeka webukwe walio. Khandi niyombashilaho OMWAMI Nyasaye eshimalilo shiemisango ne namwinamila. 9Mana Aburamu natsiililila okhutsia nachoomile Negebu.
Aburamu nali Misiri
10Mutsinyanga etsio, inzala ikhongo yaliho mushialo shia Kanani. Kho Aburamu nakholomokha natsia Misiri mbu, akhole nashimenyayo, shichila inzala eyo yali indulu muno. 11Olwa yali nali ahambi okhwinjila Misiri yaboolela Sarai omukhayewe ari, “Emanyile mbu, oli owelikondo lilayi muno. 12Ne olwa Abamisiri balakhulolakhwo, balaboola bari, ‘Uno niye omukhasiwe,’ ne balanzira isie, nawe nibakhulekhaho mwoyo. 13#Obucha. 20:2; 26:7Kho obaboolele mbu, oli omukhaana wefwe, ne khulwa iwe, shibalanzira ta habula balaakholela akali amalayi.” 14Ne olwa Aburamu yenjila Misiri, Abamisiri balola mbu, Sarai yali owelikondo lilayi muno. 15Ne olwa abakhulundu bomuruchi wa Misiri balola Sarai, bamufumia khumuruchi. Kho nibayila Sarai munzu yomuruchi. 16Ne khulwa Sarai, omuruchi yakholela Aburamu akali amalayi, namuhelesia emiruko chiamakondi, tsing'ombe, tsisishili tsisaatsa netsikhasi nende abakholi beshisaatsa nende abeshikhasi nende tsingamia.
17Nebutswa khulwokhuba omuruchi yali nabukuule Sarai omukhasi wa Aburamu, OMWAMI Nyasaye yareerera omuruchi nende abomunzuye amatinyu. 18Kho omuruchi nalanga Aburamu, ne namureeba ari, “Nishiina eshia ukholeele shino? Mbushiina nolamboolela mbu, nomukhasiwo? 19Mbushiina noboola ori, ‘Nomukhaana wefwe.’ Nasi nemubukula okhuba omukhasi wanje? Bulaano omukhasiwo ngwoyo, mubukule otsie ewotsia.” 20Mana omuruchi nalaka abandube mbu, baboolele Aburamu, omukhasiwe nende emianduchie chiosi, barule mushialoshie batsie.
