Luka 4:9-12

Naruei Setano naio jidom rila-von Yesu bereio, naio buru kiano jidomiano ba Yerusalemo, midu naio jo levlevi ea vio tai, mave ea Atua kunuano, ana berkanio, berinavo “Ver jau kobe Atua Kenerinio, koviako yetano. Ver jau kalaio, mia rivu ga na, bior Iliano Lu berii Atua, berinavo ‘Naio mia riila kiano nailiano nalo, ka mia amei atu avitiikarso, atukuku kaso. Mia aisopkarso mave ga ka jum̃alo ka mia kavan re jaamo ea puruveru.’ ” Mia Yesu berdop̃e naio bereio, berinavo “Maka leleio, bior Iliano Lu ber bunu ber ‘!Jau kolavon re Tubo kiamo Atua ka naio rila kanamo vite tai!’ ”