YAYA 6 的熱門經文

分享

Kun Yesus pisiu mida: “Akeʹ ne iaʹ ruti pengudip. Aheʹ kelunan diaʹ nai palaʹ akeʹ, abeʹ lan nte ke laʹu. Ngan aheʹ kelunan diaʹ ngelan neng akeʹ, abeʹ lan nte ke muʹang.

Berua Allah iaʹ naʹ udip me kelunan. Penyukat usa kelunan abeʹ un inu iaʹ bang nge. Un sepuʹo ketoʹ tiraʹ diaʹ akeʹ lepa pisiu mikem, ina iaʹ atek Berua ngan udip.

Ayen bang pegayeng mita penguman iaʹ luhaʹ jaʹat, un sepuʹo pegayeng ne mita penguman iaʹ majan neng udip saheʹ kelineʹ iaʹ ngeriman. Peguman ini atek Anak Sio ke naʹ mikem, uban Allah, Amai Bioʹ iaʹ lepa nedanaʹ ia iaʹ tekep ke man puyan ini.”

Pekini ne puyan Amai heʹ ubaʹ apan mung aheʹ kelunan diaʹ taʹan ngan ngelan Anak ini, ida iaʹ senteng alaʹ udip saheʹ kelineʹ iaʹ ngeriman, ngan akeʹ ke pebeteʹ ida neng udip tegoʹ tau iaʹ ke kuʹo ho ʹo.”

Un dau Yesus mipa: “Ini ne gayeng iaʹ Allah ubaʹ ikem ti: ngelan ne neng ia iaʹ Allah cuk nai ne.”

Singket usa kelunan, aheʹ diaʹ Amai heʹ naʹ makeʹ, atek de nai palaʹ akeʹ. Abeʹ keʹ ke nyekang aheʹ iaʹ ke nai palaʹ akeʹ

Kun dau Simun Peterus mipa ia: “Ahaʹ Tuhan, palaʹ aheʹ meʹ ketai laʹa? Ikoʹ iaʹ mampin isiu iaʹ naʹ udip saheʹ kelineʹ iaʹ ngeriman.

Akeʹ ne ruti pengudip iaʹ lepa nai cen surga. Buk aheʹ aheʹ iaʹ uman ruti ini, ia iaʹ ke mudip pabeʹ bayaʹ. Ruti iaʹ akeʹ ke naʹ, ina ne usa heʹ iaʹ akeʹ mencai ke uyan udip kusun tanaʹ ini.”

Abeʹ un aheʹ senteng nai palaʹ akeʹ buk abeʹ un kimet te pihit kuʹun Amai Bioʹ iaʹ cuk akeʹ nai ne, ngan akeʹ ke pebeteʹ ia neng udip tegoʹ tau iaʹ ke kuʹo ho ʹo.

Uban ruti iaʹ Allah ke naʹ, ia ne iaʹ nai kentaʹ cen surga, ngan naʹ udip milu kelunan kusun tanaʹ.”

Akeʹ ne iaʹ ruti pengudip.

Kun Yesus alaʹ ruti idai, penco ho nyuaʹ saheʹ kimet neng Allah, ngan patu ue me kelunan kadoʹ diaʹ madung kina ne. Pekina lete ia ti atuk didai, ngan alaʹ mele kumpin pengubaʹ de ne. Tegoʹ de beso mung ne, kun Yesus pisiu diaʹ bayaʹ katuk ke ne: “Nemo mung ne diaʹ laʹa re ne, ayen ngeburaʹ a.”

Dalau diaʹ bayaʹ katuk Yesus lepa lemesai kihoʹ kihoʹ telu batu, buk are pat batu pengecoʹ o, kun nte taʹan Yesus masat kempau sungai, nai nyeng kata alut, ngan daram tekaʹ de. Un dau Yesus mida: “Ayen daram. Akeʹ ini.”