Salmos 31 的熱門經文

分享

Jin ku'un vava'a ini ni, te jin ndatnii ni tnu'u ndee tnu'u ndatnu ini anua ni a, ndaka ni ja ka kukanu ini ni Iya Tátnuni ma.

Nuu nda'a maa ni iyo sa, te máko kua'a ni tnu'u ja jin tnii ña'a ñayii ñatuu ka kunimani nuu sa ma te ka sondikin ña'a i ma.

Ja vava'a kúu ndaka ja sa'a ja kúu ni ja jin kuu ndaka ñayii ka sa'a sukan tátnuni ni ma, vaa maa ni chi sa'a ni ja jin kuni ndaka‑ka ñayii ma sukan vivii chíndee ni ñayii ka kukanu ini ña'a i maa ni ma, vi Su'si.

Kovaa saña chi maa ni kúkanu ini sa, vi Iya Tátnuni, te ká'an sa nuu ni ja maa ni kúu Su'si sa.

Vaa maa ni kúu kuenda kúu in toto núkuiñi vava'a ma, te maa ni kúu sukan kúu in ve'e sukun sukun nuu kuu kaku sa ma, vaa maa ni skaka ña'a ichi va'a ma, te ja sukan sa'a ni ma, te jin ndachiñu'u ña'a ñayii ma.

Te nuu nda'a maa ni ndásonee sa ini anua sa ya, vaa maa ni ni chunaa ja ni kaku sa nuu ja u'vi ma. Iya Tátnuni, maa ni kúu Su'si ndija.

Ndaka ni ja ñatuu‑ka na ja u'vi ka sa'a‑ka ni a, jin kutoo ni Iya Tátnuni ma chi jito va'a ya ñayii ja ni‑yu'u ni‑ini i ndáchiñu'u i ya ma. Kovaa ñayii ka jani ini ja maa i ka kuu‑ka ma chi sa'a ya ja jin ndando'o jin ndaneni i ndaka ja ka sa'a ka kuu i ma.

Iya Tátnuni, nuu maa in‑ni ni kúkanu ini sa, te ni masu sanuu sa nawa jin ka'an maa ñayii ma, vaa maa tnu'u ndaa tnu'u ndija ni a sa'a ja kaku sa.