Salmos 27 的熱門經文

分享

Kukanu ini ni Iya Tátnuni ma, te ndani'i ni tnu'u ndee tnu'u ndatnu, te máko xtaya ini anua ni a. Saa vi, kondetu ni Iya Tátnuni ma.

In‑ni ja ni jikan‑ta'vi sa nuu Iya Tátnuni ma, te chukan kúni sa ja na kuu sa'a sa: Ja na koo sa ve'e Iya Tátnuni ma ndaka kivi koteku sa a, te konde'ya konde'ya‑ni sa ya, te kuni sa sukan vii sukan luu kaa ya ma, te kakan‑tnu'u kakan‑tnu'u sa ya naxe ko sa'a ko kuu sa ma.

Iya Tátnuni ma kúu ñu'u xtnuu nuu sa a ja ndása'a sa kuenda, te maa ya sa'a ja kaku sa nuu ja u'vi ma, te ñatuu na in sa'a ja koyu'u sa. Vaa Iya Tátnuni ma kúu iya táa tnu'u ndee tnu'u ndatnu ja koteku sa. Chukan kúu ja masu na in sa'a ja koyu'u sa.

Nute ma kukanu ini sa Su'si ma chi xtaya sa, kovaa kúkanu ini sa ya ja nani ka iyo o ñuu ñayivi a chi kuni sa sukan kútoo ña'a ya ma te kúnda'vi ini ña'a ya ma.

Vaa maa ya chu'u ña'a ini ve'e nuu iyo ya ma kivi kenda ja u'vi ma, vaa nuu iyo ya ma koo va'a sa te kaku sa nuu tnundo'o ma, vaa in nuu toto sukun sunkani ña'a ya.