LUKE 17 的熱門經文

分享

Sa qai kaya vua ko Jisu, “Tucake, ka lako; sa vakabulai iko na nomu vakabauta.”

Ia kevaka e cala vakavitu vei iko o koya ena dua na siga, ka saumaki vakavitu vei iko, ka kaya, ‘Au sa veivutuni,’ ia kakua ni cudruva.”

Ni sa raica e dua vei iratou ni sa vakabulai, sa lesu tale vua, ka vakacaucautaka na Kalou ena domo levu. A sa bale sobu ki na qele ena mata i Jisu, ka vakavinavinaka vua. A sa kai Samaria na tamata oqo.

Dou qarauni kemudou vinaka! “Kevaka e cala vei iko e dua na wekamu, vunauci koya; ia kevaka sa veivutuni, kakua ni cudruva.

Sa qai kaya ko Jisu, “E sega li ni lewe tini e ratou a vakasavasavataki? Sa evei ga o iratou na lewe ciwa?

Sa qai kaya na Turaga, “Kevaka e tu vei kemudou na vakabauta lailai sara me vaka na sore ni musita, e rawa mo dou kaya ki na vunilolo oqo, ‘Cavu i vuvu mai, ka la'ki tei ena loma ni wasawasa,’ ena talairawarawa vei kemudou na vunilolo.

O koya yadua sa via saga me maroroya na nona bula ena vakayalia; ia o koya sa vakayalia na nona bula ena maroroya.

Sa qai kaya vei iratou na nona tisaipeli ko Jisu, “Ena yaco dina ga na veivakacalai, ia sa na kalouca o koya e vakavuna! Ena vinaka cake vua kevaka sa vakarubeci e domona e dua na vatu i qaqi levu, ka biu ki wasawasa, ka ca ni vakacala e dua vei ira na lalai oqo.

Me vaka sa yaco ena gauna i Noa, ena vaka talega kina ena gauna ni Luve ni Tamata. Era a kana tiko, ka gunu, ka vakawati, ka veimusumusuki me ra vakawati, ka yacova na siga sa vodoka kina na waqa o Noa. Sa qai lako yani na waluvu ka vakarusai ira kecega.