JONI 14 的熱門經文

分享

“Au sa laiva tu vei kemudou na vakacegu; a noqu vakacegu ga au sa solia vei kemudou: au sega ni solia vei kemudou me vaka e dau solia o vuravura. Dou kakua ni lomaleqa, ka kakua ni taqaya.

Sa qai kaya vua ko Jisu, “Oi au ga na sala, kei na dina, kei na bula; e sega ni torovi Tamaqu rawa e dua na tamata, ia ena vukuqu ga.

“Dou kakua ni lomaleqa. Dou vakabauta tikoga na Kalou, dou vakabauti au talega.

Ena qai vakatavulici kemudou ena ka kecega na Dauveivuke, na Yalo Tabu, o koya ena tala mai ko Tamaqu ena yacaqu, ka na vakananuma lesu talega vei kemudou o koya na veika kecega au sa dau tukuna vei kemudou.

“O koya sa ciqoma na noqu i vakaro kecega, ka vakayacori ira, sai koya oqori sa lomani au. O koya sa lomani au ena lomani koya ko Tamaqu, ka'u na lomani koya talega oi au, ka vakatakilai au vua.”

Au na qai masuti Tamaqu, ena qai solia vei kemudou o koya e dua tale na Dauveivuke, o koya me tiko vata kei kemudou ka tawamudu. Sa i koya na Yalo Tabu sa vakatakila na dina ni Kalou. E sega ni ciqomi koya rawa o vuravura, baleta ni sa sega ni rawa ni raici koya se kilai koya. Ia o kemudou ga sa kilai koya, baleta ni sa tiko vata kei kemudou o koya ka sa tiko e lomamudou.

Ia au na cakava na ka kecega dou na kerea ena yacaqu, me vakalagilagi kina na Tamaqu ena vuku ni Luvena. A ka kecega dou na kerea ena yacaqu, au na cakava.

“Kevaka dou sa lomani au, dou na vakayacora na noqu i vakaro kecega.

E levu na tikina e lala tu ena vale nei Tamaqu. Ke sega, ke'u a sa tukuna oti vei kemudou. Au sa lako me'u la'ki vakarautaka e dua na tikina me nomudou.

Ia ni'u sa la'ki vakarautaka oti na tikina me nomudou, au na lako tale mai ka mai kauti kemudou vei au, ka mo dou tiko talega ena vanua au sa tiko kina.

Sa qai kaya vua o Tomasi, “Turaga, keitou sega ni kila na vanua o ni na tiko kina; keitou na qai kila vakacava na sala?”