Génesis 9 的熱門經文

分享

Tiꞌ ey jun yechel jin wa kꞌane chi wakꞌcan je yetoj tiꞌ, cꞌal yetoj masanil noꞌ noꞌ. Chi wa can oc jun kꞌukꞌulcan xol asun jaꞌton jun yechel jin wa kꞌane bꞌey sat txꞌotxꞌ txꞌotxꞌ tiꞌ.

Jaꞌ yetoj jun kꞌukꞌulcan oj a xol asun tuꞌ, queyton tuꞌ oj yun wiloni cꞌal jin naꞌontej jun jin wa kꞌane chi wakꞌcan je yetoj yin masanil tiempo cꞌal yetoj noꞌ noꞌ ey yul yibꞌankꞌinal tiꞌ.

Jaꞌ mactxequel chi smakꞌ cam yet animail, ánima oj makꞌon pax cam jun mactxequel tuꞌ, yutol jaex ánima jex tiꞌ jaxca weocoj, queytuꞌ jix yun jex jin waꞌneni.

Jix yakꞌ syaaxilal Jehová yibꞌan naj Noé, yetoj ebꞌ scꞌaal. Jix yalon jaxca tiꞌ: Chꞌibꞌ ojabꞌ sbꞌisil je yuninal, akꞌwej noel sat txꞌotxꞌ txꞌotxꞌ tiꞌ.

Jaꞌ tinaniꞌ, chi skeꞌ je chiꞌon masanil noꞌ noꞌ tiꞌ. Jain chi wakꞌ ey jex jaxca jix yun wakꞌon an ita je chiꞌ.

Masanil noꞌ noꞌ ey sat txꞌotxꞌ tiꞌ, oj xiw noꞌ ey jex, cꞌal noꞌ tzꞌiquin, cꞌal noꞌ ey yul-laj jaꞌ mar. Ey ojabꞌ je yopiso yibꞌan noꞌ.

Chi woche an tol ey ojabꞌ je yuninal, no ojabꞌ el yul yibꞌankꞌinal tiꞌ je yu, ẍi Jehová.