Naṉ. 3 的熱門經文

分享

Tutai nuwa̱sha nú numí nere̱n ii wajas ya̱i̱ ya̱i̱ ajakmiayi. Tumá wajas “Nekas íi ajamainti. Ju̱na yuantka mash neka ajasaintjiai” tusa akak yuá áishri̱ncha niji̱a̱i̱ wajamia nuna ajamsamiayi. Túram áishri̱sha yuámiayi.

Kame Uunt Yus ashí yajasman najankamia nuyá̱ nápikia ti anermauyayi. Nisha nuwa̱n jearí aníak “¿Nekasaṉ Yus ashí numí neré̱ yúashtiniaitrume turammarum?” tímiayi.

Ámin nuwa̱ja̱i̱ nemasmamtikiattajme. Tura ame tiraṉmí tiraṉki̱sha nuwa̱nuja̱i̱sha núnisaṉ nemasnaikia ártatui. Ti ukunam nuwa̱nu átatna nu muukmin najatmarmatai ame ni saṉkani̱n esaim najaimiamtikiattame.” Tú timiayi Uunt Yus.

Nuyá̱ nuwa̱n chichareak “Ajaprukmesha najaimiakum ti wáitin átatme tura uchi takakmesha ti najaimiakam takúu átatme. Ame áishrum nupetkattsam wakerittiame túrasha niṉkia ame úuntrum átatui” tímiayi.

Ámeka ti takakmakum se̱a̱ram yurumin átatme. Túma túmakuam ame wainkiam nuṉkaja̱i̱ najanamu asam ataksha nuṉka ajastatme. Warí nuṉka najanamuitme túramu asam ataksha nuṉka najanartatme” Uunt Yus tímiayi.

Nuyá̱ áishmaṉkan Yus chichareak “Nuwe̱mi chichame̱ umirkam suritkiamjamna nú numí neré̱ yua asakmin umikchamurmi̱ji̱a̱i̱ nuṉkasha yajauchiji̱a̱i̱ yumiṉnawai. Tura iwiaaku pujuttamna nui̱ṉkia takakmakum wáitsam yurumin átatme.

Tutai Yus aníak “¿Ya misuwitme turama? Wi chicharkun ‘Numí neré̱ yuáwaip’ tímiajmena nu ¿yúachumek?” tímiayi.

Tura Ataṉkan ji̱i̱ki̱ akupak Eten aja tatainmaani̱ Uunt Yus ni suntari̱n awajtúsarmiayi. Tura puyá̱ atsakamu keá ayantak péper ajak ajá jintin akirtuat tusa ikiusmiayi. Kame iwiaaku pujutai̱ numiniam jeara̱i̱ṉ tusa túramiayi.

Ataṉka nuwe̱n Ewa anaikiamiayi. Éwasha ashí aentsu nukurí̱ átin asamtai tú anaikiamiayi.