تكوين 22 的熱門經文

分享

وَ سَمَّى الْبَكَانْ دَا يَهْوَهْ يِرْأَهْ (مَعَنَاتَهْ اللّٰهْ يَرْزُقْ). أَشَانْ دَا بَسْ، لَحَدِّي الْيَوْم يُقُولُوا: «فِي حَجَرْ اللّٰهْ، الرَّبّ يَرْزُقْ.»

وَ الرَّبّ قَالْ لَيَّهْ: «قُمّ، شِيلْ وِلَيْدَكْ إِسْحَاقْ الْوَحِيدْ التِّرِيدَهْ بِلْحَيْن. وَدِّيهْ فِي بَلَدْ مُرِيَّا فِي رَاسْ الْحَجَرْ النِّوَصِّفَهْ لَيْك. وَ قَدِّمَهْ لَيِّ ضَحِيَّةْ مُحَرَّقَةْ.»

وَ الْمَلَكْ قَالْ لَيَّهْ: «مَا تُخُطّ إِيدَكْ فَوْق الْوِلَيْد! وَ مَا تِسَوِّي لَيَّهْ شَيّءْ! أَشَانْ هَسَّعْ دَا أَنَا نَعَرِفْ كَدَرْ إِنْتَ خَايِفْ مِنِّي أَنَا الرَّبّ. وَ مَا أَبَيْت لَيِّ وِلَيْدَكْ الْوَحِيدْ.»

وَ إِبْرَاهِيمْ قَالْ: «الرَّبّ بَسْ يَرْزُقْنَا بِغَنَمَايِةْ الضَّحِيَّةْ، يَا وِلَيْدِي.» وَ هُمَّنْ الْإِتْنَيْن مَشَوْا سَوَا.

أَكِيدْ أَنَا نِبَارِكَكْ وَ نِكَتِّرْ ذُرِّيّتَكْ مِثِلْ نُجُومْ السَّمَاءْ وَ مِثِلْ رَمْلَةْ هَنَا خَشُمْ الْبَحَرْ. وَ ذُرِّيّتَكْ تِشِيلْ أَرْض عُدْوَانْهَا. وَ بَيْهُمْ هُمَّنْ نِبَارِكْ كُلَّ أُمَمْ الْأَرْض أَشَانْ إِنْتَ تَابَعْت كَلَامِي.›»

وَ بَعَدْ دَا، اللّٰهْ نَادَاهْ لِإِبْرَاهِيمْ لِيِجَرِّبَهْ وَ قَالْ لَيَّهْ: «يَا إِبْرَاهِيمْ!» وَ إِبْرَاهِيمْ قَالْ: «نَعَمْ.»

طَوَّالِي مَلَكْ اللّٰهْ نَادَاهْ لِإِبْرَاهِيمْ مِنْ السَّمَاءْ وَ قَالْ: «يَا إِبْرَاهِيمْ! يَا إِبْرَاهِيمْ!» وَ إِبْرَاهِيمْ قَالْ: «نَعَمْ.»

وَ مَلَكْ اللّٰهْ نَادَاهْ بَتَّانْ لِإِبْرَاهِيمْ مِنْ السَّمَاءْ وَ قَالْ لَيَّهْ: «دَاهُو كَلَامْ اللّٰهْ: ‹أَشَانْ إِنْتَ سَوَّيْت مِثِلْ دَا مَا أَبَيْت لَيِّ لِوِلَيْدَكْ الْوَحِيدْ، أَنَا اللّٰهْ نَحْلِفْ لَيْك بِأُسْمِي.

وَ وَكِتْ وَصَّلَوْا فِي الْبَكَانْ الْوَصَّفَهْ لَيَّهْ الرَّبّ، إِبْرَاهِيمْ بَنَى مَدْبَحْ وَ صَبَّ فَوْقَهْ حَطَبْ وَ رَبَّطْ وِلَيْدَهْ إِسْحَاقْ وَ خَطَّاهْ فِي رَاسْ الْحَطَبْ دَا.