Juan 10 的熱門經文

分享

Ga' cacháxaic da' janac, qaa'le na'chidáta da' 'uo ga' decachíỹa qataxa 'uo ga' ỹalaat qataxa 'uo ga' noláxachiñi. Jaỹim, qaamaxa ñanac, da' qaidi 'uo da' lec'alaxa jan' n'aanaxate, qataxa da' 'chi tatelégue dójo' lec'alaxa.

Jaỹim 'me na'chaỹim 'ónaxaic n'aanaxate nouatoqo't. Ga' 'ónaxaic n'aanaxate nouatoqo't, jega'me ỹaalégue da' l'óiỹaxac jan'me n'aanaxate.

Qá'a jan'me n'aanaxate 'me ỹiloise, jan'me ỹaateton da' ỹaviliỹáxac, qataxa jaỹim saateton jan'me, qataxa jan'me jaỹim quétapegue'.

Jaỹim sanem jan'me da' lec'alaxa 'me qaỹa 'te loiquiaqa'. Huá'a, qana'chi sa ỹileu, qataxa qaỹa ga' ỹañoxot da' n'oláiỹi jen' ỹouaq.

Jaỹim 'me na'chaỹim som. Ga' jaỹim tato'uet, qana'chi jega'me nec'aléegue. Qana'chi jega'me 'ená'am jaga' n'aanaxate da' p'áuo qataxa p'áiỹi jaga' lai't, qana'chi ỹauana ga' jaloq 'auaqapi.

Jaỹim 'me na'chaỹim 'ónaxaic n'aanaxate nouatoqo't. Dójo' 'éeta ñi' ỹit'a da' jaỹim ỹaateton, qataxa da' jaỹim saateton jiñi'me, na'chidáta da' 'éeta da' jaỹim saateton jan'me ỹilo n'aanaxate, qataxa jan'me nataq'en ỹátaqta jaỹim ỹaateton. Qataxa jaỹim sanéegue da' ỹ'óiỹaxac ỹasouaxat jan'me.

Jan'me jaỹim ỹanem ñi' ỹit'a 'me napacalégue ỹima, qataxa jan'me sa 'te 'uo ga' n'oláiỹi da' louaq jiñi'me. Jaỹim qataxa ñi' ỹit'a qo'mi 'oonolec da' qadasoxoc.

Jaỹim 'me na'chaỹim 'ónaxaic n'aanaxate nouatoqo't. Dójo' 'éeta ñi' ỹit'a da' jaỹim ỹaateton, qataxa da' jaỹim saateton jiñi'me, na'chidáta da' 'éeta da' jaỹim saateton jan'me ỹilo n'aanaxate, qataxa jan'me nataq'en ỹátaqta jaỹim ỹaateton. Qataxa jaỹim sanéegue da' ỹ'óiỹaxac ỹasouaxat jan'me.

Qaỹa ga' ỹañoxot da' deuootáxanec dójo' ỹ'óiỹaxac, qaláxasa mai'chi jaỹim chiỹaqaỹi da' san jeda'me. Jaỹim 'uo da' senec da' san jeda'me, qataxa da' ñ'iỹílaxatela't. Naqaida da'me jaỹim ỹamaxalégue ñi'me ỹit'a.

Qana'chi so' Jesús ỹitaxa v'iỹílaxalégue da' d'aqtaxan, 'enaaco': —Ỹátaqta 'eesa dójo' 'ami s'axatema, 'enaac: Jaỹim 'me na'chaỹim som 'me jaỹim ladíiuo jana' n'aanaxate.

Qaláxasa jega'me 'chi d'onataxáatapiỹi jaga' laso'vi, jega'me da' 'uootaxa ỹila'aguet jega'me di'quiỹaac, qana'chi jega'me 'etelégue jaga'me n'aanaxatepi da' dasóiỹi, qá'a jega'me sa ỹátaqta nouatoqo't jan'me n'aanaxate, qataxa sa ỹátaqta lalémaxasete jan'me. Qana'chi jega'me di'quiỹaac ỹaconóoue jan'me n'aanaxatepi qataxa ỹilagaxatapíỹi.

Ỹátaqta 'eesa dójo' 'ami s'axatema, ga' sa taa'uet ga' nasom jaga' n'aanaxate lai't da' 'uootaxa ỹinoxoneuo, na'chidáta da' tauó'o na' lai, qa'chi na'chiga jega'me cacháxaic qataxa huódaxanaxaic.