Marcos 12 的熱門經文

分享

Jesús mkab: —Leꞌ yalnyebeꞌ ner lo retay nak: “Pto nza goꞌ, men Israel; leꞌ Dios naꞌ, Xaꞌ nyebeꞌ lonꞌ, thipta Xaꞌ. Nde keꞌ lazoꞌa Dios Xa' Nyebe' loa dib nzo lazoꞌa, dib yalnaban chanꞌ la, dib xgab la nde dib yalne chanꞌ la.” Jwanꞌ reꞌ nak yalnyebeꞌ ndak toz lo retay. Leꞌ yalnyebeꞌ brop lal naka: “Pkeꞌ lazoꞌa ta men la xaja nkeꞌ lazoꞌa le'ga lu.” Naꞌngentra tedib yalnyebeꞌ ro toz xa nak jwanꞌ reꞌ.

Zyasa mbrez Jesús re xinꞌ teꞌd Xaꞌ, nchab Xaꞌ: —Nipa na lo goꞌ, ngol prob ta nguj salꞌ naꞌ reꞌ, bro toz tmi mblo xaꞌ ke lo reta men. Tak reta men, tmi jwanꞌ mbroxo'b lo xaꞌ, tmi ya mdaꞌ xaꞌ. Nde ngol reꞌ, reta tmi jwanꞌ nden xaꞌ, tyuꞌ jwanꞌ wa xaꞌ, retay mdaꞌ xaꞌ.

Jesús ndob gax ro yodoꞌ tenꞌ ndob jwanꞌ ngo xaꞌ tmi yon, ndowiꞌ Jesus xa ngo re men tmi tya, nar xaꞌ rik bro tmi ngo xaꞌ tya. Nde mzin ti ngol prob nguj salꞌ naꞌ, ndeno xaꞌ chop tmi jwanꞌ lud ntak nde mblo xaꞌy tya.

Leꞌ jwanꞌ keꞌ lazoꞌ men Dios, dib nzo lazoꞌ men, dib xgab men, dib yalnaban chanꞌ men nde dib yalne chanꞌ men nde keꞌ lazoꞌ men ta men axaja nke' lazoꞌ men le'ga men, re jwanꞌ reꞌ ndak toz, lo reta jwanꞌ ta ndli xaꞌ, nguj xaꞌ maꞌ sa taꞌ xaꞌ gon lo Dios.

Leꞌ Jesús nchab: —Btaꞌ goꞌ lo Cesar jwanꞌ nak chanꞌ Cesar nde btaꞌ goꞌ lo Dios jwanꞌ nak chanꞌ Dios. Nde nzoyen toz xaꞌ xa mkab Jesús.