မဿဲ 5 的熱門經文

分享

မီးအိမ်ကို ထွန်းညှိ၍ မည်သူကမျှ တောင်းအောက်တွင် ထားမည်မဟုတ်။ ထိုအစား အိမ်ထဲ၌ရှိသောလူတိုင်းအတွက် အလင်းရောင်ရရန် မီးတိုင်တွင် ချိတ်ဆွဲထားကြမည်သာဖြစ်၏။ ထိုနည်းတူပင် သင်တို့၏အလင်းရောင်သည် လူအများ၏ရှေ့၌ ထွန်းလင်းနေကြရမည်ဖြစ်၏။ သို့မှသာ သင်တို့ပြုလုပ်ကြသည့် ကောင်းသောအရာများကို မြင်ကြပြီး ရွှေမြို့တော်တွင်ရှိသော သင်တို့အဖဘုရားရှင်၏ဘုန်းတော်ကို ချီးမွမ်းကြလိမ့်မည်ဖြစ်၏” ဟုမိန့်တော်မူ၏။

သင်တို့သည် ဤလောက၏အလင်းနှင့်တူ၏။ တောင်ပေါ်တွင်တည်ရှိသော မြို့ကို ကွယ်ဝှက်၍မရနိုင်။

ကိုယ်၊ စိတ်၊ နှလုံး သုံးပါးစလုံး ကြည်လင်သန့်ရှင်းသောသူတို့သည် မင်္ဂလာရှိကြ၏။ အကြောင်းမူကား ထိုသူတို့သည် ဘုရားရှင်ကို မြင်တွေ့ကြရမည်ဖြစ်၏။

ဖြောင့်မတ်မှန်ကန်သည့်အရာတို့အား လုပ်ဆောင်ရန်အတွက် စိတ်ဆန္ဒပြင်းပြကြသူများသည် မင်္ဂလာရှိကြ၏။ အကြောင်းမူကား ဘုရားရှင်သည် ထိုသူတို့ကို ပြည့်စုံစေတော်မူမည်ဖြစ်၏။

သို့သော် သင်တို့အား ငါဆိုသည်ကား ရန်သူကို မေတ္တာထား၍ သင့်အား ညှဉ်းပန်းနှိပ်စက်သူတို့အား ဆုတောင်းမေတ္တာပို့ကြလော့။

ကိုယ်တော်က “ဘုရားရှင်မှအပ အားကိုးစရာမရှိဟု မှတ်ယူကြသူတို့သည် မင်္ဂလာရှိကြ၏။ အကြောင်းမူကား ရွှေမြို့တော်၏သာသနာတော်သည် ထိုသူတို့အတွက်ဖြစ်၏။

သူတစ်ပါးအား ငြိမ်းချမ်းစွာနေထိုင်နိုင်ရန်အတွက် လုပ်ဆောင်ပေးကြသူတို့သည် မင်္ဂလာရှိကြ၏။ ထိုသူတို့သည် ဘုရားရှင်၏သားသမီးများဟုခေါ်ဝေါ်ခြင်းခံရမည်ဖြစ်၏။

အပြစ်ဒုစရိုက်များနှင့် ပြည့်နှက်နေသော ကမ္ဘာလောကကြီးကြောင့် ပူဆွေးသောကရောက်နေကြသူတို့သည် မင်္ဂလာရှိကြ၏။ အကြောင်းမူကား ဘုရားရှင်သည် ထိုသူတို့ကို နှစ်သိမ့်ပေးတော်မူမည်ဖြစ်၏။

ဘုရားရှင်၏အလိုတော်အတိုင်း လုပ်ဆောင်သည့်အတွက် လူတို့၏ နှိပ်စက်ညှဉ်းပန်းခြင်းကို ခံရသောသူတို့သည် မင်္ဂလာရှိကြ၏။ ရွှေမြို့တော်၏သာသနာတော်သည်လည်း ထိုသူတို့အတွက်ဖြစ်၏။

သူတစ်ပါးကို သနားကရုဏာထားသောသူတို့သည် မင်္ဂလာရှိကြ၏။ အကြောင်းမူကား ဘုရားရှင်သည် ထိုသူတို့အပေါ်တွင်လည်း သနားကရုဏာထားတော်မူမည်ဖြစ်၏။

ငါ၏အတွက်ကြောင့် လူတို့သည် သင်တို့အား စော်ကားပြောဆိုခြင်း၊ ဆိုးဝါးစွာဆက်ဆံကြခြင်းများနှင့် သင်တို့၏အကြောင်းကို မကောင်းသော လိမ်လည်မှုအမျိုးမျိုးဖြင့် ဆန့်ကျင်ပြောဆိုကြခြင်းကို ခံရလျှင် သင်တို့သည် မင်္ဂလာရှိကြ၏။ ဤကဲ့သို့ဖြစ်ပျက်လာပါက သင်တို့သည် ရွှေမြို့တော်၌ ကြီးစွာသော ဆုလာဘ်ကို ရရှိကြမည်ဖြစ်သည့်အတွက် ဝမ်းမြောက်ရွှင်လန်းကြလော့။ အကြောင်းမူကား ရှေးယခင်ကတည်းကပင် လူတို့သည် အရိယာသူတော်စင်များအား ထိုနည်းတူပင် ညှင်းပန်းနှိပ်စက်ခဲ့ကြသောကြောင့်ဖြစ်၏” ဟုမိန့်တော်မူ၏။

မိမိကိုယ်မိမိ နှိမ့်ချသောသူတို့သည် မင်္ဂလာရှိကြ၏။ အကြောင်းမူကား ဘုရားရှင်သည် ထိုသူတို့အား ကမ္ဘာမြေတစ်ခုလုံးကို အမွေအဖြစ်ပေးမည်ဖြစ်၏။

တဖန် ကိုယ်တော်က “သင်တို့သည် ကမ္ဘာပေါ်ရှိ လူအားလုံးတို့ အရသာအတွက် အသုံးပြုနေကြသည့် ဆားနှင့်တူ၏။ သို့သော် ဆားသည် အငန်ဓါတ်ပျောက်ဆုံးသွားပါက အငန်ဓါတ်ပြန်လည်ရရှိစေရန် မည်ကဲ့သို့ ပြုလုပ်ရမည်နည်း။ ထိုဆားသည် မည်သည့်အရာအတွက်မျှ အသုံးမဝင်တော့သဖြင့် အပြင်သို့ပစ်၍ လူတို့၏နင်းချေခြင်းကို ခံရရုံသာရှိပေတော့မည်။

သို့ဖြစ်၍ သင်တို့၏အဖဘုရားရှင်သည် ပြီးပြည့်စုံသူဖြစ်သည့်နည်းတူ သင်တို့သည်လည်း ပြီးပြည့်စုံသူများဖြစ်ကြရမည်” ဟုမိန့်တော်မူ၏။

သို့ဖြစ်၍ သင်တို့ပြောဆိုသည့်အခါတိုင်းတွင် ဟုတ်သည်ကို ‘ဟုတ်ပါ၏’ မဟုတ်သည်ကို ‘မဟုတ်ပါ’ ဟုသာ ပြောဆိုကြလော့။ ထိုထက်ပိုသော စကားသည် မာရ်နတ်ထံမှ လာသောစကားများသာဖြစ်၏။

‘မျက်လုံးတစ်လုံးအတွက် မျက်လုံးတစ်လုံးပေးရမည်။ သွားတစ်ချောင်းအတွက် သွားတစ်ချောင်းကိုပေးရမည်’ ဟုသင်တို့ကို ဆုံးမသွန်သင်ထားခဲ့သည်မဟုတ်လော။ သို့သော် သင်တို့အား ငါဆိုသည်ကား သင်တို့အပေါ် ပြစ်မှားသောသူတို့အား ပြန်လည်၍ မပြစ်မှားကြနှင့်။ ထိုအစား သင်၏ညာဘက်ပါးကို ရိုက်လျှင် ဘယ်ဘက်ပါးကိုပါ လှည့်ပေးလော့။

သင်၏ညာမျက်လုံးသည် သင့်ကို အပြစ်ကျူးလွန်စေလျှင် ထိုမျက်လုံးကို ဖောက်ထုတ်၍ အဝေးသို့ပစ်လော့။ သင်၏ခန္ဓာကိုယ်တစ်ခုလုံး ငရဲသို့ ကျရောက်ခြင်းထက် သင့်ခန္ဓာကိုယ်၏မကောင်းသည့် အစိတ်အပိုင်းတစ်ခုကို ဆုံးရှုံးရခြင်းသည် သာ၍ကောင်း၏။ သင်၏ညာလက်သည် သင့်ကို အပြစ်ကိုကျူးလွန်စေလျှင် ထိုလက်ကို ဖြတ်ထုတ်၍ အဝေးသို့ ပစ်လော့။ သင်၏ခန္ဓာကိုယ်တစ်ခုလုံး ငရဲသို့ ကျရောက်ခြင်းထက် သင့်ခန္ဓာကိုယ်၏မကောင်းသည့် အစိတ်အပိုင်းတစ်ခုကို ဆုံးရှုံးရခြင်းသည် သာ၍ကောင်း၏။