Лука 19 的熱門經文

分享

Рилун ругелазда хадув, гьел ралагьизейин ва гьел хвасар гьаризегийин, вачӀун вугев ГӀадамил Лъимер.

Гьез турки ахӀулеб букӀана: – БетӀергьанас витӀун вачӀарав ПарччахӀасда баркат лъеги! Зобалазда рекъел букӀаги! ТӀадегӀанав Аллагьасе рецц!

ГӀисаца гьебмехалъ абуна: – Жакъа гьаб рокъобе хвасарлъи бачӀана, гьавги Ибрагьимил вас вугелъул.

Гьеб гъотӀокье щведал, ГӀиса эхеде валагьана ва Закайида абуна: – Закай, хехго рокъове а: жакъа дун духъ гьоболлъухъ рещтӀине ккола. Хехго гъотӀодаса гъоркьеги лъугьун, вохуца холаго къабул гьавуна гьес ГӀиса.

Вахъун Закайица ТӀадегӀанав ГӀисада абуна: – Я, БетӀерчӀахъад! Гьале дирго бечелъиялъул бащдаб дица мискин-пакъирасе садакъаде кьела ва, дица гуккарав чи ватани, гьебги ункъиде бахинабун бецӀила.

Халкъалъул руккалилъ рукӀарал цо-цо фарисеяз абуна ГӀисада: – Я, НасихӀатчи! РуцӀцӀун чӀезаре гьал дурго муридал! ГӀисаца гьезие жаваб кьуна: – Дица нужеда абулеб буго: гьел руцӀцӀун чӀани, ганчӀал ахӀдела.