Лука 13 的熱門經文

分享

– ЧӀедераб нуцӀихъан жанире лъугьине хӀаракат бахъе нужеца. Дица нужеда абулеб буго: гӀемераз жигар бахъила гьеб нуцӀихъан лъугьине, амма гьезда кӀвеларо.

КӀичӀван гьодилъа къуларай цо чӀужугӀаданги йикӀана, тӀаде йорхун яхъун чӀезего кӀоларей. Гьелъул чорхолъ бугеб хъубаб женалъ анцӀила микьго соналъ чӀезаюн йикӀана гьей гьеб гӀазабалъукь. Гьей йихьидал, аскӀое ахӀун, ГӀисаца гьелда абуна: – Йо, чӀужугӀадан! Мун дурго гӀузруялдаса хвасарлъана, – ян.

Цинги гьелда тӀад квер бахъана гьес. ГьебсагӀатго гьелъул гьод битӀун бачӀана, Аллагьасе рецц гьабизе лъугьана гьей.

Цере рукӀаразул цо-цоял нахъе ккела, ва нахъа рукӀаразул цо-цоял цере ккела.

Вахъун рукъалъул бетӀергьанас нуцӀа рахарабго, къватӀирги чӀун, гьеб бухизе ва ахӀдезе лъугьина нуж: «Я, бетӀерчӀахъад! Нижее нуцӀа ричӀе!» – ян. Гьес нужеда абила: «Дида лъаларо нуж киса-щалали».

РукӀинчӀилан абулеб буго дица нужеда: тавбу гьабичӀони, нужги гьедин хвалде ина.

Гьес жаваб кьела нужее: «Дида лъаларо нуж киса-щалали. РикӀкӀалъе нуж дидаса, ле квешлъи гьабурал киналго гӀадамал!»

ГӀисаца гьезда абуна: – Аллагьасул ПарччахӀлъи сунда релълъунеб ва дица гьеб сунда данде кквезе бегьулеб? Гьеб релълъуна горчицаялъул хьодул гьитӀинаб мугьалда. Инсанас гьеб хьодул мугь ахикь чӀана, гьелдасан кӀудияб хъарахъ бижана, гьелъул гӀаркьалабазул рагӀдукь хӀанчӀаз бусабиги гьаруна.