Mariko 6 的熱門經文

分享

Bandu banene bámuikirangaa ne'banji báfulukanga, kuikira echihangi Yesu ne'ndumwa* sai báinaa ne'chihangi che'kulya. Bushi no'ku, Yesu era kwire ábura endumwa* sai mbu: «Muíraa túye mu chetu chisiki tubeine, mutámuke hicha.»

Yesu kukwera kubabura mbu: «Emurebi* àtaina etunda mwa bisiki byoshi, si mwa musi wabo, na mu banyakabo, no'mwa mwai mu àtanêresibwa'li.»

Mango Yesu ábaa era átenga mwa bwato, era kulola kwo'lu luamba lwe'bandu. Era kubafira bonjo, bushi bábaa bàli nga mbuli sa saínyire mungere. Era kutangirisa ábakangirisa myasi inene.

Yesu chiro ákáira chisomerano chisibya mwo'yu musi, si balwala baeke bu ánalamyaa mwa kubabika kwe'mino. Era kusanwa busese, bushi abu bandu bánanaa mbu bàtangemerera. Era nyuma se'bi, Yesu era kunde ásungula kwa misi áenda ákangirisa ebandu.

Chasinda, era mikati etano ne'se'fi ebiri, Yesu era kubitola. Era kutumbikisa kwa nguba, na átonga Ongo. Era kuishanga mwa mikati ne'kuyeresa ebanafunzi* bai baábirange'i ebandu boshi. Efi nasi, era kusiábiranga abu bandu boshi. Ebandu boshi bera kulya na bêuta. Mango ebanafunzi* bátola-tolaa ebimbi-imbi bye'mikati ne'bye'fi bya byáshibaa, byoshi byera kwîhusa bitonga ekumi na bibiri.