SAN MARCOS 9 的熱門經文

分享

Shina nicpimi Jesusca: —¿Canca ima nishpatac ‘ima shinapish allichi pudishpaca’ ninguiyari? Maijanpish tucui shunguhuan crishpaca, imatapish ruhuai pudinguichicmi— nirca.

Shina nicpimi, chai huambrapac taitaca caparishpa: —Ari, crinimi. ¡Tucui shunguhuan ashtahuan cringapac ayudai!— nirca.

Chai q'uipami Jesusca shuc huasiman yaicurca. Chaipimi paipac yachacuccunaca: —¿Ima nishpatac ñucanchicca chai supaitaca mana llucchishpa cachai pudircanchic?— nishpa, paillaman tapurcacuna. Chashna tapucpi Jesusca: —Chai shina supaicunataca ayunashpa, Diosman mañashpallami llucchishpa cachai pudinchic— nirca.

Cachica allimi. Chashna cashpapish gamuyashpaca, ¿ima shinatac cutinca alli canga? Cancunaca caishuc chaishuchuan sumacta causashpa, cachi shina caichic— nirca.

—Maijanpish ñuca shutipi shuc huahuata cai huahuata shina chasquicca, ñucatami chasquin. Shina chasquishpaca, mana ñucallatachu chasquin, ashtahuanpish ñucata cachac Taitatapish chasquinmi— nirca.

Cancunaca Quishpichic Cristota c'aticcuna cashcamanta maijanpish cancunaman shuc vaso yacullatapish cucmanca, Taita Diosca japina cashcataca cungami. Chaica chashnatacmi— nirca.

Maijanpish cai uchillacuna shina ñucata criccunata ama c'atichun nishpa pandachictaca, jatun cutana rumita paipac cungapi huatashpa, jatun cuchapi shitanami ashtahuan alli canman.

Chashnallatac cambac ñahui ima juchapi urmachisha nicpica, surcushpa shitangui. Ishcai ñahuindic ucu pachapi shitashca canapac randica, Taita Dios mandacucmanca shuclla ñahuihuan yaicunami canmanca ashtahuan alli canga.