SAN MARCOS 14 的熱門經文

分享

Ñuca Taitalla, canmanca imapish ruhuaipacllami. Cai jayac ubiana shina llaquita ñuca mana apana cacpica, jarcaiyari. Shina cacpipish ama ñuca munashcata ruhuaichu, ashtahuanpish can munashcata ruhuai— nishpami mañarca.

Cancunata imapish mana allita ruhuana yuyaicuna ama japichunca, riccharishpa Taita Diosman mañacuichic. Cancunapac shungu mañana yuyaita charicpipish, cancunapac cuerpoca shaicunllami— nirca.

Tucui cai pachapi maipipish quishpirinamanta alli huillaita huillacushpaca, cai huarmi ñucapi mishquilla ashnacucta churashcatapish huillangacunami. Chashna huillacpica, tucui uyaccunami pai chashna ruhuashcata yuyaringacuna. Chaica chashnatacmi canga— nirca.

Chaimantami Jesusca: —Ñuca shungupica huañuna nanaihuan shinami, munai llaquiricuni. Cancunaca ama suiñushpa, caillapi chaparacunguichic— nirca.

Chashna micucushpami, Jesusca tandata japishpa, Taita Diosta pagui nishpa mañarca. Chai tandata chaupishpa chaupishpa, paipac yachacuccunaman cushpaca: —Japichic, caica ñuca aichami— nirca.

Shinallatac vino vasotapish japishpa, Taita Diosta pagui nishpa mañashpa cucpica, tucuillami chai vasomantaca ubiarcacuna. Chai q'uipaca Jesusca: —Caica, achcacunata quishpichingapac jichana ñuca yahuarmi. Chaihuanmi Taita Diosca shuc mushuc ari ninacuita pactachigrin.

Chaiman chayashpami Jesusca: —Dios quillcachishcapica: ‘Michicta huañuchishami. Ña huañuchicpica, ovejacunaca caita chaitami shiguaringacuna’ ninmi. Chashna nishca shinallatacmi, cancunaca ñucata saquishpa, caita chaita ringuichic.

Jatarishpa jacuchic, ñucata japichicca ñami chayamucun— nirca.

Pedro shina nicpi Jesusca: —Cunan tutallatacmi gallo manarac ishcai cutin cantacpi, ñucataca quimsa cutin ‘mana ricsinichu’ ningui. Chaica chashnatacmi canga— nirca.