SAN LUCAS 6 的熱門經文

分享

Imatapish shuccunamanca cunami canguichic. Chashna ruhuacpica, Taita Diospish cancunamanca cungami. Paica alli ricushpami, jatun coshtalpi alli cuyuchishpa, jundachishpa t'alliricucta shina cunga. Caishuccunaman ima shinami cunguichic, chashnallatacmi cancunamanpish cunga” nirca.

Shinallatac alli runaca paipac shungupi alli yuyaicunata charishcamantami, allicunallata riman. Chashnallatac mana alli runaca paipac shungupi millai yuyai junda cashpami, mana allicunata riman. Tucui imata shimi rimashcaca, shungupi ima tiyashcatami ricuchin.

Ashtahuanpish cancunaca p'iñaccunata c'uyashpami, allita ruhuana canguichic. Imata mañachishpaca, chaimanta imata japinataca mana yuyanachu canguichic. Chashna ruhuashpami, cancunaca allicunata japinguichic. Jahua pachapi causac Taita Diospac huahuacunapish canguichicmi. Taita Diosca mana paita pagui niccunatapish, millaicunatapish llaquinmi.

Chashnallatac cancunapac Taita Dios ima shinami llaquin, chai shinallatac cancunapish shuccunata llaquiccuna caichic.

Ama shuccunata mana alli nishpa juchanchichicchu. Shina mana juchanchicpimi, Taita Diospish cancunataca mana juchanchinga. Pitapish llaquiman cachangapacca ama juchanchichicchu. Shina mana juchanchicpimi, Taita Diospish cancunataca juchanchishpa, jatun llaquiman mana cachanga. Imatapish mana allita ruhuashcataca perdonanami canguichic. Chashna ruhuacpimi, Taita Diospish cancunapac juchacunataca perdonanga.

Shina cacpipish cunan caipi ñucata uyaccunataca cashnami nini: Cancunata p'iñaccunata c'uyanami canguichic. Shinallatac mana ricunachiccunamanpish allita ruhuanami canguichic. Cancunata llaqui tucuchun niccunamanpish, Taita Dios allicunata cuchun ninami canguichic. Shinallatac c'amiccunamantapish Taita Diosman mañanami canguichic.

Ima shinami shuccuna cancunaman allita ruhuachun ninguichic, shinallatac cancunapish shuccunamanca allita ruhuaichic.

Maijanpish canta shuc lado jazhapi huactacpica, caishuc ladopipish huactachun saquinguilla. Shinallatac maijanpish cambac jahualla churanata quichucpica, ucu churanatapish apachun saquinguilla. Maijan imata mañacpipish, cunguilla. Shinallatac maijan canmanta imata quichucpipish, upalla saquinguilla.

Alli yuraca mana allitaca mana p'ucunchu. Shinallatac mana alli yurapish allitaca mana p'ucunchu.

Yuraca ima yura cashpapish p'ucushpami ricuchin. Higoca casha yurapica mana p'ucunchu. Shinallatac uvaspish chini yurapica mana p'ucunchu.