SAN LUCAS 18 的熱門經文

分享

Taita Diosman mana q'uillacushpa mañacunalla cashcamantami, Jesusca yuyaita japichun chimbapurashpa, cashna parlarca

Pai acllashcacuna tutapish, punzhapish mañacucpica, Taita Dioscarin ¿manachu uyanga? ¿Mana uyashpa shuyachun nicungallachu? Cancunaman huillanimi: Taita Diosca mana unaiyashpami, paicunamanca allita ruhuanga. Ashtahuanpish Runa Tucungapac shamushca*f** ñuca cutimucpica, ¿chashna criccunaca cai pachapica tiyangachu?” nirca.

Chashna nicpi Jesusca: —Gentecunapac yuyaipica, maita mana quishpiripacchu, ashtahuanpish Taita Diosmanca imapish ruhuaipacllami— nirca.

Juezca pai mañashcata mana utca ruhuarcachu. Chashna nishpa puricucllapimi, chai juezca cashna yuyarca: ‘Diostapish mana manchanichu, pitapish mana llaquinichu. Shina cashpapish cai huarmi ama ashtahuan ñucata p'iñachishpa purichunca, cunantacmi paita p'iñactaca rimashpa allichigrisha. Mana cashpaca, ñucataca p'iñachicungallami’ ” nirca.

Maijanpish shuc huahua chasquic shina, Taita Dios Mandac cachun mana chasquicca, Taita Dios mandacucmanca mana yaicungachu. Chaica chashnatacmi canga— nirca.

Ashtahuanpish Jesusca huahuacunata c'ayashpami, paipac yachacuccunataca cashna nirca: —Huahuacuna ñucapacman shamuchunca saquichiclla, ama jarcaichicchu. Cai huahuacuna shina caccunami, Taita Dios mandacucmanca yaicungacuna.

Shina nicpi Jesusca: —Canca ñuca alliyachinataca ña crishcanguimi. Cunanca ricuilla— nirca.

Chashna tapucpimi Jesusca: —¿Ima nishpatac ñucataca ‘alli’ nishpa c'ayangui? Allica shucllami tiyan, chaica Taita Diosmi.