Матеј 6 的熱門經文

分享

Но барајте го најнапред царството Божјо и Неговата правда, и сѐ ова ќе ви се придодаде.

И затоа, не грижите се за утре, заш­то утрешниот ден ќе се грижи за своето; доволно му е на денот него­вото зло.“

Затоа ви велам: не гри­жете се за вашиот живот – што ќе јадете или што ќе пиете; ниту за вашето тело, во што ќе се облечете. Зар не чини животот повеќе од храната, и телото – од облеката?

Но ти, кога се молиш, влези во својата скришна соба и, откако ќе ја за­тво­риш вратата, помоли Му се на твојот Отец што е во тајност; и твојот Отец што гледа во тајност, ќе те награди јавно.

Туку вие молете се вака: Оче наш, Кој си на небесата, да се свети името Твое; да дојде царството Твое; да биде волјата Твоја, како на небото, така и на земјата

лебот наш насушен дај ни го денес

и прости ни ги долговите наши, ка­ко што и ние им ги проштеваме на на­ши­те должници

и не воведувај нѐ во искушение, но избави нѐ од лукавиот; зашто Твое е царството, и силата, и славата во вечни векови. Амин!

Бидејќи, ако им ги простите на луѓето нивните грешки, и вам ќе ви ги прости вашиот Отец небесен.

Погледнете ги небесните птици: ниту сеат, ниту жнеат, ниту во амбар собираат, и вашиот Отец небесен ги храни. Зар не сте вие многу поскапи од нив?

Не собирајте си богатства на земјата, каде ги јадат молецот и 'рѓата, и ка­де крадците ги поткопуваат и крадат; но собирајте си богатства на небото, каде ниту молец, ниту 'рѓа ги јаде, и каде крадци не ги поткопуваат, ни­ту крадат. Зашто, каде што е вашето богатство, таму ќе ви биде и срцето.

Никој не може да им служи на двајца господари: зашто или едниот ќе го замрази, а другиот ќе го возљуби; или кон едниот ќе се приврзе, а другиот ќе го презре. Не можете да им служите и на Бога и на Мамон.

Па, ако полската трева, што денеска ја има, а утре во печка се фрла, Бог така ја облекува, нема ли многу повеќе да ве облече вас, маловерни!?

А ти кога правиш милостина, да не знае твојата лева рака што прави десната, за твојата милостина да биде во тајност; и тогаш, твојот Отец, што гледа во тајност, Самиот ќе те награди јавно.

Внимавајте вашата милостина да не ја правите пред луѓето, само за да бидете забележани; инаку, нема да имате награда од вашиот Отец, Кој е на небесата.

Кога постите, не бидете натажени како лицемерите; зашто тие си ги изобличуваат лицата за да се покажат пред луѓето дека постат. Вистина ви велам дека тие веќе ја добиле својата награда. А ти, кога постиш, помажи си ја главата и измиј си го лицето, па да се покажеш дека постиш не пред луѓето, туку пред твојот Отец, што е во тајност; и твојот Отец, што гледа во тајност, ќе те награди јавно.