Matius 21 的熱門經文

分享

Pang aka pòteng ti ung nu palau se mangola: pusumbayang, ìnang u tarimaa se, deinti u mupatongang se.”

Na sùmui Yesu mao i dei: se teꞌ, “Matantu te ung Ku pusua: matung e teꞌ Ìna u mupatongang se pang hang bata-bata‑ko se, handei:‑da teng u hela se mampukauꞌ aka ti ung Ku pukauꞌ‑mo mao i lòpo: ara to, hampoꞌ mao ho i mungku tee, ìna u konai: se teꞌ, ‘Titeiꞌ pang titibe‑ko mao i laling tasiki!’ nasang to nipukauꞌa matung.

Pang tau boso: ung si midolung pang tau ung si mingulaꞌ nai keboꞌ mikako-kakoang‑i se nasang teꞌ, “Hosana!* Pudi‑mi ti Hatiꞌna Daud! Nipudi te ung bùruꞌ i laling konana Puang!* Nipudi ti Puang i kaoneang ung kamìnang iaho!”

Na konai: Yesu mao i tau to‑i se teꞌ, “I laling Suraꞌna Puang nironno: mène: tee, ‘TammingKu nikonaia tamming kaoneang musumbayang.’ Hampoꞌ u babe se pukobuangna tau ung làsi:!”*

“Konai:‑ing mao i tau i lipu: Sion teꞌ, ‘Hele! Bùruꞌ‑mo ti Datumu. Malumu ti pinanahanNa pang mampimmantoi: besa keledai, keledai ung mangura maang.’ ”*

Musuana‑mi ti Yesu mao i dei: se teꞌ, “Hara‑mo: se naꞌ mambasa i Suraꞌna Puang? teꞌ, ‘Hatu ung na tibe puntamming miluhali‑mo hatu ung kamìnang parallu. Nasang te, Puang‑da ti ung mampukauꞌ, pang belo: tungka nihele.’*

Deanna‑mo to, Ku pusua: matung teꞌ, Umpamu se i kadatuangna Puang nialaa nai dio se pang nihengiing mao i tau sintàna: ung mantoroꞌi pampuinahanna Puang. [