Mataio 7 的熱門經文

分享

Loki leitia, soka ero miarai roi; elia, soka e eavai roi; utape totoaia, soka are e vei fapai roi.

Ipi loki leita lea karu foromai ovaitore; aea elita lea karu ta eavaitore; aea utape la totoaita lea karu vei ta fapaitore.

Lea vei arave mea o la mapi aea leitita lea karu foromai, ara ere farafarapo vei mōfeare ari roi; are areve uvi la fave kere arori voa turōpe haiore karu feare.

Soka karu sa ero leiti vei haikaeaita lea etau foromai, lōfeare erero ta leitia; ipi Mose ve Safu O aeata peroveta o ita ve eite kofa reha.

A—, makuri soa voa teraita otiape are koko aeata otiharo ta tero; lōvoa oropi teraita karu ere fafareso reha.

Otiape koko voa oropaia, ipi saroroapaita soa voa teraita lea otiharo are pisasa aea lōvoa oropi teraita karu rauapo.

Soka e karu maealolo, a—, e meru etau lareva eve atutemori la miaraita ore, lōfeare mai ve arori voa eve kauri voa peita Oa sa etau lareva‐lareva arero loki leita lea karu la aiorai roi.

E karu ve kaiae la seseōvi tava miarai auke leitita, a—, Ualare ta eve kaiae la seseōvi tava levi miarai roi. Ipi e seseōvi kaiae o karu vei omoita, a—, lōfeare seseōvi kaiae o feare Ualare sa ero ta omoi roi. E sa karu haria la seseōvaita mai feare, Ualare sa ero lōfeare seseōvai roi.

A—, arave mea o la mapi leiti auke leitita lea karu foromai, ara ere farafarapo vei mō ari roi: are areve uvi la miri‐folo arori voa turōpe haiivavu karu feare.

A ave marehari ve ofae voa eaeipeta lea tola eloe la eavaita, a—, ave elore ofae kofa voa eaeipeta lea tola hōru la ore leiti auke leipeta ipi levea? Aeata a ave marehari la o mō leafeare moitore, Ara ave ofae voa lea tola eloe la hopa fareovai ao, a—, eite tola hōru ave elore ofae kofa voa la eaea.

E apeva peroveta karu vei kiva lei vovo roroava; ere pisiri voa mamoe ve maea feare lei, ero tai forerai roi, a—, iri voa ere ero la’ haroavaita furuka ave ve maea feare. E erero ereve fare voa ore leiti roi. Karu vine fare la makaisa voa sarapi fareovai roi ei, ō haue fare la kiriraua voa itōvai roi ei?

Soka tola tepa lareva foromai fare lareva tai vovea. A—, tola tepa maealolo fare maealolo tai vovea.

Tola tepa lareva fare maealolo tai sore, aeata tola tepa maealolo fare lareva tai sore.

Fare lareva tai auke leita tola foromai la fei fei a voa sukapai roi.