Jwon 15 的熱門經文

分享

“Ayin ayit i manggɓu', a hun humi rai. Na maɗufal tena wii yunti yin hwak ta wii yusti, a yis ma wa al ti fe hyang. Ɓurti na wa' yin kwa, hu wa masti ɗama kwa fweng.

Tehun na wii yunti, yin hwak i te ta wii yuti. Fota ngga' ima ra i yit ma wa al ahwes kwa, a kpak u te ta lo' i yiti, angga'i nai, hun hwak hu wa masti ɗama maɗesi nin kaciwa' yin kwa, a kpak hu tena wii yunti.

Na hu tena wii yunti findel amen hwak yis ta wii yuti, shak aɗeng ima hu ɓweti na hu lul, hu wa mati.

A hun hu benun kwa, ayin i benu. I kinu ɓa hu wa hu mas ɗamam maɗesi ima ma wa mute ii myan hu myan. Ayis nai, Deen ma wa fasu shak aɗeng ima hu lul ti asum amen.

Anggi ɓweti tima ti ɓin moti ya? Ɓa si ni maɗufal u fa mupwet asus ɓurti myayus.

Ayis lyaf ra ima mana wi yunti ya ima al kwa. Shak ra ima al fe a yis nai pyar ya, ɓa u hum al hyang.

Hal hun findel amen! Ɓwet hun ɗiyai fota ngga' ima i ɓwetu ta.

Angga' ima Deen wyas ngye ta nai, ɓa hu mas musut i ɗamam maɗesani hyang, hu kof hihai amu hun a fe i ro amen.

Ayin ayit i manggɓu' mwawei, Deen a maro ta yangi.

Shak maɗufal ima wa' tena wii yunti, yis ma fota ra i yit ima si hwiti ya shokus. Musut ti ra mai si zan si hwiti ya ta wii man si nyesh ya.

I laku mai, ɓurti jakak amen u te ta wii yuti, jakak amu hwak u hya.

Na hu hal findel amen, hu wa mute na wii i matɓwet amen, fota ngga' ima i hal findel i Deen ta, i te ta wii i matɓwet ames.

Hal hun findel amen! Ɓwet hun ɗiyai.”

Naɗin hun ii naya, naɗin naya ti wa ɓwet ɗama amet. Shak ta andi, hun ii naya kwa, ɓurti ayin i benu ya na naya. Ayis nai naya ti nggwetu.