Lókas 13 的熱門經文

分享

«Gbāká nól tí nāá, ɓī nî tí ɛgbɛ̄s lɛ̄ ámáámând nɛ dɔ nāá, thūnd ɓót ɓá á sáŋ nāá, ɓɛ̄ nî, ta ɓánda.»

Twóó njāā ték ɛ́, í i ɓɛ nɛ nɔ̄l múmá, ɓyǒla sisímb yā ɓɛ í í jámɛl ɛ́, táŋ mimbú kām nɛ tɛ̄n nɛ mīlɛ̂l. Ɛ dákā kikɛ mbímbɛ̄l. Ɗakɛ Yésus ā ɓɛɛ mumá ɔ́nɔ́ɔ̌ŋ ékɛ́, ɛ ɓúzī jóó ɛ̂. Nyɛ nɛ nɛ̄ nāá: «Mumá, gū nāá, ú ú cyuk.»

Yésus ɛ ɓúzī kɛl ɛ́ mɛɓɔ́ tí lô. Títɛɛ̄l ŋgwát ɛ́, mumá ték ɛ dá syóósyōk ê, ɛ nyɛ́l ɛ́gúmɛl Zɛ́mb.

Ɗyaāŋ ték ɛ́, ɓot o ɗí ɛ́chāak ɓot ɓɛ̄ ɛ́phús ɓák ɛ́, ɓá á ɗi ɓót ɓɛ̄ ɛ́sɔ̂k. Ɓɛ̄l ō ɗí ɛ́chāak ɓot ɓɛ̄ ɛ́sɔ́k ɓák ɛ́, ɓá á ɗi ɓót ɓɛ̄ ɛ́phuūs.»

«Tɛ́m ī tí ɛzye gúmɛ̄ ndə́ə́ njāā wā gbǎl ɓɛ̌ têble, ɛ ɗyúɛ̄l ɛ́gbɛ̄s ê. Náǎŋ ɛ́, ɓyɔ̂ɔ ɓyá á lís ɓɛ̌ koōl. Ɓī ɓúkā nyɛl ɛ́kwɔ́kɛl ɛ́gbɛ̄s nɛ ɛlɛ́ɛ́ nāá: “Ndə̂ə, ɗii ɓés ɛgbɛ̄s.” Ɛ ɓú lɛ́ɛ́ nɛ nēn nāá: “Mā ā gū ɓɛ ɓí ɗüis ê!”

Yāā, pha gūká nāá, ɓí wā ɓɛ ta cénj ícyuk ɓyēn nâk, ɓyá á jüe thɔ́k ɓěn ɓyɛ̂ɛsa ɗakɛ ɓót ɓīnɛ́ɛ̌ŋ.»

Á á ɓākā lɛ́ɛ́ nɛ nēn nāá: “Mā ā gū ɓɛ ɓí ɗüis ê, pēmāká mɛ tí mîs, ɓyɔ̂ɔ ɓot o mísɛ̄m!”

Yésus ɛ ɓú lɛ́ɛ́ ɗêk: «Də́ə́ mí Zɛɛ̄mb í nɔŋlǎ nɛ yɛ̄? Mi nɛ khul ɛjwok də́ə́ ték nɛ yɛ̄? Də́ə́ mí Zɛɛ̄mb í ɗakɛ mót ɓɛ́ ɓǔm phɛk ɗí tí ɓū twɔ́kɔɔ tí pyeēmb yɛ̄, ī pâs, ī sā ánénén lē, inɔ̌n ɓī zí sum mɔ́k tí miláá mīték ê.»