Lukas 14 的熱門經文

分享

«Daha ndana a wal mecəpiyey sə, a lada e de weliyey ka fəna papaŋ va mamaŋ, ka fəna ŋgwaza va wudiya hay, ka fəna malamaŋ va dəmaŋ hay. Asaya, kwa mesfen tata. Daha aabay sə, a zlafa manjah ka nda masasəraka jene taaɗaw aabay.»

Nda masa a zlafa maɓəs marga masa a ta ŋgatafa mafay te mecəpiyey aabay sə, ŋgesey, a zlafa manjah ka nda masasəraka jene taaɗaw aabay.

Yaw, eve metehwe ana, kwa nda wula wula mapana yaŋ tata ka nda mazlakava sə, ac ta paɗ ka nda mekusetke ana. Nda mapana yaŋ tata ka nda mekusetke ana sə, ac ta paɗ ka nda mazlakava.»

Yesu ke gweɗec saya, gege: «Ara aŋga ana, kwa waawa deveŋ akwar masa ka gərda zleley tata va ndah tata fakwanay ke te cəpiyey aabay sə, a zlafa manjah ka nda masasərak jene taaɗaw aabay.»

Yaw, daha ndana deveŋ akwar a wal malam way mazlakava ana, a wulaka mambəla ana ɗagay, way ana a kəs səlay ecuwey? Ava dəɓa ana, a wuzaɗa daha səlay tata ana a ta husan te meŋgə mezlər tata ana fakwanay. Daha səlay ana a husa bay, amaa ka zlar matatah dar ta way ana, ŋgesey, a ta zlafa mandəvda malam way ana aabay. Dapa ŋgesey ana ndana hay fakwanay mawala way ana sə, ac ta sasarafa. Ac te gweɗ, gege: «Nda nesey, ka zlar malam way, amaa ka zlafa mandəvda aabay!»

Amaa daha ka zal ndana hay kad pa macunam sə, zal maslamarga hay, ndah masa sek va ha hay maməca, ndah mahahalɓa va mahazlaw hay. Ke te wesl mabay, afa ec eve jene masa ta mapəlakaɗ sə, aabay. Amaa Zlavay a ta pəlakaɗ pas masa ndah maŋga jene eve cəvey ana ec te pərekek dapa maməcay.»

Yesu ke gweɗec saya, gege: «Fəceɗ sə, jə mambəla ana. Amaa daha fəceɗ ana e cən sabay sə, ma da ŋgana masa e de cən saya sə, gwagumaw? Fəceɗ ana a jəna nda ɓasabay. Kwa ke kwi kad ley ara gəraŋ sə, mambəla ana ɓasabay. Ac ta həliya, ac ta tamda fa vara taambəla. Daha nda masa aŋga ava zləmay ɓa sə, da cəna ma ana mambəla ana.»