G%E9nesis 1 的熱門經文

分享

Xaq xub'ij chik i Dios: “Chqa'ana i winaq pacha qak'exwach xaq pacha kojmajawik; are ire ktaqan ni pkiwi i kar aj pa mar, pkiwi i tz'ikin aj chwa taq kaj, pkiwi i chikop je manxo chi je aj ru' taq ja, pkiwi i chikop aj pa taq es xaq pkiwi i chikop chi kejukmay chwach ulew.” Xcha. Are uri i Dios xuyijb'a i winaq, lik pacha uk'exwach Ire xu'an che; jun achi xaq jun ixoq xu'ano.

I Dios xuya utzil chomal pkiwi ru' i tziji: Chixk'uwalinoq xaq chixk'iyaroq; chinojsaj uwach i jyub' ta'aj xaq chixrajawin puwi, chixrajawin pkiwi i kar aj pa mar, pkiwi i tz'ikin aj chwa taq kaj, xaq pkiwi konojel i chikop chi kejukmay chwach ulew.

Chuxeb'al ij saq, i Dios xu'an i kaj xaq i ulew.

Ronojel i ulew yijb'am ti usuk'; i equm utz'apim te'eq ronojel i jamjik, xwi utewal i Dios k'ulala k-e wi puwi i ya.

I Dios xub'ij: “¡Chu'ana saq!” Are uri x-on saq.

I Dios lik utz xril ronojel ni'pa i xu'ano. Are ile xtz'aqat u'anik che uwaq ij.

I Dios xrilo chi i saq le lik utz, are uri xujach uxol ru' i equm.

Xaq xub'ij chik chke: “Chiwe yix kinya wi ronojel i tikon chi kuya ija, chi kealax li chwach ulew xaq ronojel i che' chi kwachinik, ronojel ile is re kitijo.

I Dios xuya pub'i i saq le pa'ij xaq i equm xuya pub'i “cha'ab'”. Are ile xtz'aqat u'anik che i nab'e ij.

I Dios xub'ij: “Chyiji jun paqanel lik ko punik'ajal i ya re jachb'al uxol.”

Xaq i tikon rax kinya ni chke konojel i chikop re kkitijo, chi je o chwach i jyub' ta'aj, chke konojel ni'pa i tz'ikin chi aj chwa taq kaj xaq chke konojel ni'pa i chikop chi kejukmay chwach ulew.” Lik keje ile x-ono.

I Dios xub'ij: “Kajwax i jalajuj taq tzunb'al chwa taq kaj, jachb'al uxol i pa'ij ru' i cha'ab'; ilb'al re u'ijlal i alaj, u'ijlal i sa'ij, ipa ketz'aqat wi i ij xaq i junab'; lik chewalch'in li chwa taq kaj, anb'al saq che ronojel uwach i jyub' ta'aj.” Lik keje ile x-ono.

Xaq xub'ij chik i Dios: “Chealax li jalajuj taq che' xaq i jalajuj taq es chwach ulew, es chi kuya rijayil chrij u'eslal. Xaq i che' chi kuya uwach chi o ub'a' re rijayil, chrij taq uche'lal.” Lik keje ile x-ono.

Lik keje ile x-ono; are uri i Dios xu'an jun paqanel lik ko re jachb'al uxol i ya; rumali o xkanaj chuxe' xaq o xkanaj puwi.

Are uri xujeq li alaxik i es xaq i che' chwach ulew: Jalajuj taq es chi kuya rijayil chrij taq u'eslal, xaq i jalajuj taq che' chi kuya uwach chi o ub'a' re rijayil, chrij taq uche'lal. I Dios xrilo chi lik utz ile.

I Dios xu'an keb' nimaq taq tzunb'al: Jun tzunb'al nim re ktzun pa'ij, jun tzunb'al ch'utin re ktzun cha'ab', xaq xeu'an i ch'umil.

I Dios xub'ij: “Chumolo rib' i ya chi o chuxe' i kaj che jun k'ijib'al, man keje ile kkanaj kan i chaqij chisaq.” Lik keje ile x-ono. I Dios xuya pub'i i chaqij le Ulew, i uk'iyal ya chi xumol rib', xuya pub'i “mar”. I Dios xrilo chi lik utz ile.

Are uri xuya utzil chomal pkiwi ru' i tziji: “Chixk'uwalinoq xaq chixk'iyaroq, chinojsaj upam i ya pa taq mar; xaq i tz'ikin chpax ni kiwach chwach i jyub' ta'aj.”

I Dios xub'ij: “I ulew cheralaxsaj li jalajuj taq chikop: Chikop je manxo chi je aj ru' taq ja, chikop aj pa taq es, xaq i kejukmay chwach taq ulew; konojel is chrij taq kichikopil.” Lik keje ile x-ono.

I Dios xub'ij: “Chnoj upam i mar che i jalajuj taq chikop; xaq i tz'ikin cherupup ni chupam i jamjik xaq chwach ronojel uwach i jyub' ta'aj.”

I Dios xeu'an i chikop je manxo chi je aj ru' taq ja, chikop aj pa taq es xaq konojel ni'pa kejukmay chwach taq ulew chrij kichikopil. I Dios xrilo chi lik utz ile.