Jɔn 6 的熱門經文

分享

Yeso ya ywìtì inɔb gha, “Mo ya ngə̀ŋ ze ne nàʼà ìtḛ̀. Wə̀d we ne yeʼe inum chəyi njèg biri nɔʼ zaŋ məd. Wə̀d ne zì ìwi ibḛfiŋ igun anug azo̰ ne mə ghà, chəyi adɔʼ mənib biri nɔʼ ko tengàŋ.

À ya Azwighi Ŋwiye ze nàʼà ìtḛ̀. Chəyi tì wə̀d naʼ ìtḛ̀. Ìngam gho̰ anìŋ ne mə ghàmi inən ya ìngam ne nàʼà ìtḛ̀. À ya ìngam ne nɔʼi abə Azwighi Ŋwiye.

Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

Anug ze ne ìmə Mbaʼ we kə̀bə̀ ya gha, bəd məjìm ne zì ìwɔb ibḛfiŋ igun Ŋwan məd, mbɔb biri jəg ìtḛ̀ ighə̀m imɔʼ. Mə biri zwemni awɔb ane iwu ane aneg ìnwḭ.

Yeso ya ywìtì gha, “Anug ne Ŋwiye gha mbə̀ fàʼà ya gha: mbə̀ zìye ibḛfiŋ igun wə̀d we ne məd cha.”

Bəd məjìm mbe ne ìmə Mbaʼ fə nàʼi inum, mbi biri yeʼe inum. Wə̀d ne biri yeʼe inum, chəyi mə̀ biri kamni aməd.

Sayimùn Pità ya biri ibo gha, “Anɔŋisəg, tì kə ywiri ghò abə we? À ya məyi àghò beri ìngam we ne nàʼà ìtḛ̀ ighə̀m imɔʼ.

Mo ya ngə̀ŋ ze ne swiʼi ikaŋ àbɔ̀ŋɔ ne nàʼà ìtḛ̀. Mbə̰ mə̀ jəg ngə̀ŋ izo̰, mbə biri chughi izɔm ane ighə̀m imɔʼ. Ngə̀ŋ ze ne mə̀ biri nàʼ abə wə̀d ijìm igun isəg gha wì jəg bèrì ìtḛ̀, à ya ìmə nyàmnyɔd.”

Chəyi wə̀d mɔ̀ʼɔ ne tì wì yèʼe inum ne chəyi ìmə Mbaʼ we ne chà amə ghi gha wì yeʼe. Mə biri zwemni wə̀d we, ane aneg ìnwḭ.

Ngəŋ ze ne Ŋwiye we nàʼà à ya məd we ne swiʼi ikaŋ àbɔ̀ŋɔ. À ya məd we ne swiʼi ikaŋ àbɔ̀ŋɔ we nàʼà ìtḛ̀ abə bəd igun isəg.”

Mo ya ngə̀ŋ ze ne nàʼà ìtḛ̀.

Yeso ya si niŋ ngə̀ŋ ze nàʼ məyakà abə Ŋwiye, bə̀ʼri nàʼ gha mbe ghàpì abə wə̀d ijìm ne ya yaʼi angu. Wì ya bə̀ ghì ane tì su te tibe bə̀ ghàpì abə wə̀d ijìm. Wə̀d ijìm ya jəg icheg ne wì ya kə̀bi. Anyumə̀ ne wə̀d ijìm ya fə jəghi kɔd, Yeso ya ghà abə ìmbi mə̀mə̀nənùg gha, “Mbə̀ feti àbùʼì imbə̀ʼ àze mɔ̀ʼɔ bə yi.”

Anyumə̀ ne mbi ya fə tḭ abaŋ ze ghò inga atəŋ se ghò kwàʼ icheg mə̀kilometà məta̰ kə̀ tìfughə, mbi ŋa zə̰, mbi bàra Yeso ne we yḛ̀ igun igyi yèʼe abɔ̀ʼ inɔb. Mbɔb ya bɔ. Si ya gha, wì ya ywìtì inɔb gha, “À ya mo. Imbə̀ʼ mbə̰ bɔ awən.”