Luke 17 的熱門經文

分享

Taagken Jesus‑em pikaa, “Nekevluten ighleghten, ugpeqilleghpek naallghutestaaten.”

Ataasimi aghneghmi maaghraghvinlegneng seghletun pikangaten, tagiighaataqanllu elpenun maaghraghvinlegneng whaten pimaghmi, ‘Qivghukepigtamken seghletun piighaatallemneng’, seghevutepestaaghyaghqaqan.”

Taagken ataasim esghaghluku naallghutelleni, Jesus‑mun uteghlluni, iglagtuluni usuqegkaa Kiyaghneq. Jesus‑em itegaan sivungakun sekelluni nunamun iqamsiqayugvikegkaa. Yuuk taana Samaria‑ghmiinguftuq.

Enkaam kelengalusi! Seghleghqesnaqutkegpenaki yuget. “Ugpeqaalguten seghleghqegkan, aghyuughnaken. Enkaam avuteghqelluni seghleghqennaniqan, seghevunnaken.

Taagken Jesus pikaq, “Qulanguyaghtut naallghutkanka. Naaki estamaneng inglulget yuget?

Atanghem pikii, “Ugpeqillelguyaqufsi mustard‑em piitutangatun angkalghiimeng, una mulberry uqfik whaten pikufsigu, ‘Akughtuumaghpek iikluten, piisaghtaa kelliikun’, qaatkennayaghiisi.”

Enkaam kitum alngunak peggneghilkumigu unguvalleni Ataneghmun, iflayaghqaqaa. Iwernga kitum alngunak pegtekumigu unguvalleni Ataneghmun, unguvallengepiigllequq.

Jesus‑em maligsaaghteni pikii, “Seghleghqestinaqutkellghet quunpeng piyaghqaagut. Iwernga seghleghwaaghunaqnguuq taana seghleghqestinaqutkilghii yugneng. Taam yugem seghleghqestekagu naliit mekestaaghhaat ugpeqingalghiit whangamneng, itagnaghnayaghtuq yuget qaamqaghfikluku uyghagllagmeng uyaqghwakun miluusaqumegteggu kelliimun.

Sivungani uteghnilleghqaan Ighneghan Yugem, yuget kiyaghtaallghit tawatesaghqaagut yuget kiyaghtellghistun taagani aghneghni Noah kiyaghtengnguluku. Yuget neghaqluteng, meghaqluteng, nengughutaqluteng, aangꞌghutiiqluteng pikaagut kenlanga Noah‑m ark‑mun itellghanun. Taagken uleveghllagem tuququqaqii qamagtengngwaaghluki.