John 16 的熱門經文

分享

Ungipaatamsi tamaaken nekeggmellelgusqellusi whangamkun. Nunami whani seghleliighllequsi iwernga ilutulusi qayughllak kayaallqegkaqaqa nuna.”

Iwernga Taghneghak apeghtughilghiik Kiyaghneghem ipapillghaneng, tagikumi maghyaghqughlleqiisi ipapilleperegwaaghmun. Akuzitkennaanghitii ellmi katam akuzitni, iwernga akuzillequq nagaquqaghhiinaghmineng. Enkaam ungipaalleqiisi sangwaa sayaghqaatanga taakwaningani.

Whavemun kenlanga aapsigatusi sameng alngunak Atemkun. Aaptek allgeghullequsi enkaam quyalleghsi iighwighllequq.

Iwernga ungipaannaqamsi ipapigmeng: pinighataghaghyaghqaagusi aghulaqegkuma, qayughllak kayagfikelleqamsi Kayutkaghqagneng. Aghulaqenghilkuma Kayutkaghqak taginaanghituk elpesinun. Kayutek tagikumek liigilliighqelleqii nunam yugi seghleghqelleghmeng, elqughutngalleghmeng, nanqigtilleghmeng.

Qivghunguusi maaten iwernga esghaghlleqamsi allameng enkaam quyallequsi. Kitum alngunak iqinnaanghitaa quyalleghsi. “Tawani aghneghmi aapnaanghitaghpesinga sameng alngunak. Ipa ungipaatamsi, Atama tuunelleqiisi sameng alngunak aaptekufsi Atemkun.

Ipa ungipaatamsi, qiyayaghqaagusillu qivghuyaghqaagusillu iwernga nunam yugi quyayaghqaagut. Elpesi qivghuyaghqaagusi iwernga qivghullesi quyallghughsaghqaagut.