Lukas 4 的熱門經文

分享

“Tuhan Allah pe Roh ada pa Kita. Barang Dia so pili pa Kita untuk kase tau Kabar Bae pa orang-orang susa. Dia so utus pa Kita untuk kase tau pa orang-orang bagini: orang yang dapa tahang di penjara mo bebas. Orang buta bole dapa lia lagi. Kong Dia suru pa Kita kase bebas pa samua orang yang orang laeng ada tindas, deng mo kase tau, Tuhan Allah pe waktu mo tolong pa orang-orang so sampe.”

Tapi Yesus bilang pa dia, “Di Kitab Suci ada tatulis bagini, ‘Ngoni musti semba pa Tuhan Allah. Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Yesus tara mau kong bilang pa dia, “Di Kitab Suci ada tatulis bagini, ‘Manusia hidup bukang cuma dari roti saja.’ ”

Waktu Yesus di kali Yordan itu, Roh Kudus so kuasai pa Dia. Turus Roh Kudus bawa pa Dia di padang gurun, tampa yang jao dari kampong.

Tapi Yesus tara mau kong Dia bilang bagini, “Ada tatulis di Kitab Suci, ‘Jang ngoni coba-coba pa Tuhan Allah, ngoni pe Tuhan.’ ”

Waktu Iblis so abis goda pa Yesus deng macam-macam cara, dia kase tinggal pa Yesus, deng dia tunggu kesempatan laeng yang pas untuk coba goda lagi pa Dia.

Abis itu, Iblis bawa pa Yesus di tampa satu yang tinggi. Di situ deng capat skali dia kase lia pa Yesus samua kerajaan di dunia. Turus Iblis bilang pa Yesus, “Samua kerajaan itu pe kekuasaan deng kekayaan kita mo kase pa Ngana! Karna samua itu so jadi kita punya, kong kita bisa kase pa sapa saja yang kita mau. Jadi, kalu Ngana berlutut semba pa kita, kita mo kase samua itu jadi Ngana punya.” Tapi Yesus bilang pa dia, “Di Kitab Suci ada tatulis bagini, ‘Ngoni musti semba pa Tuhan Allah. Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Abis itu, Iblis bawa pa Yesus di kota Yerusalem, kong taru pa Yesus di tampa yang paling tinggi di atas Ruma Ibada Pusat. Turus, dia bilang pa Yesus bagini, “Ngana ini Anak Allah, to? Kalu bagitu, Ngana bajatu dari sini ka bawa suda! Ngana akan tara apa-apa, karna di Kitab Suci ada tatulis tentang Ngana bagini, ‘Tuhan Allah mo suru Dia pe malaekat-malaekat la jaga pa Ngana. Dorang mo dafo pa Ngana waktu Ngana jatu, supaya Ngana pe kaki tara kanal di batu.’ ” Tapi Yesus tara mau kong Dia bilang bagini, “Ada tatulis di Kitab Suci, ‘Jang ngoni coba-coba pa Tuhan Allah, ngoni pe Tuhan.’ ”