Lukas 23 的熱門經文

分享

[Yesus berdoa, “Bapa, kase ampun pa dorang karna dong tara tau apa yang dong biking.”] Kong tentara-tentara cabu undi untuk tentukan sapa-sapa yang mo dapa Yesus pe baju.

Kong Yesus bilang pa dia, “Kita bilang pa ngana, hari ini suda ngana akan ada sama-sama deng Kita di Firdaus.”

Kong dia bilang pa Yesus, “Yesus, inga pa kita waktu nanti datang sebagai Raja.”

Turus Yesus bataria kuat-kuat, Dia bilang, “Bapa, Kita serakan Kita pe nyawa pa Bapa.” Abis bilang bagitu, Yesus putus napas.

Pas dorang pe sampe di tampa satu yang pe nama “Tampa Tengkorak”, dorang kase salib pa Yesus di situ. Dorang me kase salib lagi pa dua orang jahat, yang satu pa Yesus pe sabla kanan deng yang satu lagi pa Yesus pe sabla kiri.

Waktu kira-kira jam dua blas siang, samua daera itu jadi galap sampe jam tiga sore, barang matahari so tara basinar lagi. Kong waktu itu, kaeng pampele basar yang ada gantong untuk pele Ruang Paling Suci di Ruma Ibada Pusat tarobe jadi dua.

Waktu komandan kompi Roma lia apa yang so jadi, dia puji pa Tuhan Allah kong dia bilang, “Memang, Dia ini Orang yang tara sala!”