Yohanes 10 的熱門經文

分享

Papancuri datang cuma untuk pancuri, untuk bunu orang deng biking rusak orang pe hidup. Tapi Kita datang, supaya orang dapa hidup talebe-lebe dari Tuhan, kong deng hidup bagitu, dorang mo rasa sanang yang tara mo abis-abis itu.

Kita ini bole kase sama deng gembala yang bae yang jaga bae-bae dia pe domba. Gembala yang bae siap mati asal dia pe domba-domba bole slamat.

Barang, Kita pe umat dengar Kita pe suara kong Kita kanal pa dorang, turus dong iko pa Kita, sama deng domba iko dia pe gembala.

Kong Kita mo biking dorang hidup deng Tuhan Allah slama-lamanya deng dong pasti tara akan mati sampe slama-lamanya. Deng tarada satu orang yang bisa rampas pa dorang dari Kita pe tangan.

Kita ini pintu. Sapa yang iko pa Kita, dia itu akan slamat. Dia bole kase sama deng domba yang kaluar maso kandang la dapa makanang.

Kita ini suda sama deng gembala yang bae yang jaga bae-bae Kita pe domba, deng Kita kanal Kita pe domba-domba, kong Kita pe domba-domba kanal lagi pa Kita.

Kita pe Bapa yang kase dorang la jadi Kita punya, Dia pe kuasa lebe basar dari sapa saja. Tarada satu orang yang bisa rampas pa dorang dari Kita pe Bapa pe tangan. Kita deng Kita pe Bapa itu satu.”

Itu sama deng Bapa kanal pa Kita deng Kita lagi kanal pa Bapa. Kong Kita siap mati asal Kita pe domba-domba itu bole hidup.

Tarada orang yang bole ambe Kita pe hidup dari Kita, tapi Kita mo kase Kita pe hidup, iko Kita pe mau sandiri. Kita ada kuasa mo kase Kita pe diri untuk mati, deng Kita lagi ada kuasa mo ambe itu ulang. Barang samua parenta itu Kita so tarima dari Kita pe Bapa.”

Jadi, Yesus bilang satu kali lagi, “Inga bae-bae yang Kita bilang ini. Kita ini suda yang bole kase sama deng pintu di kandang domba.

Tapi orang yang bukang domba pe gembala, dia dapa bayar untuk jaga domba-domba itu. Domba-domba itu bukang dia punya, jadi waktu dia lia anjing utang datang, dia lari kase tinggal domba-domba itu sampe anjing utang datang serang domba-domba itu, kong domba-domba laeng jadi tako kong lari takaruang.

Yesus bicara pake umpama satu, “Inga bae-bae yang Kita bilang ini. Sapa yang maso di kandang domba kong tara iko pintu, tapi nae iko pagar, dia itu papancuri deng tukang rampok.