Kejadian 28 的熱門經文

分享

Wene yu hede eberak modok wolomup o. An en tenhiarok welat, lethiasu leik o. Hat ’geba lagun holuk, an en pobuk togolik o ’gwiang yu pamat hobou weik ani o. An wene werakhebegi a’ge ai ebe ’berlegat emagoluk, an en hat ’goboksogo ukhobo erlakma en tenhiarok modok weleik o,” oluk mo’gulesimu abi hesi.

Abi asogo hasumu, at eragam Nenaik ’gain Onuk Logo a’ge inagarik disogo mo’gulesi, “Abraham emin, Ishak emin, enaik Nonuk Logo erliknobogwi a’ge Allah ano re, anat o. An en ’gwiang hat hebe ’bourak welegenma yema hat hebe emin, hat en dogo’gwe a’ge emin, wokhentaik o.

Asogo mo’gulosoma abi hesirik, at Yakub elaluk agarik e, disogo egei, “Naik ’gain Onuk Logo a’ge ebe yema welago a’geat de, an neperlak welegi a’ge yogodak en naluk aga o,” oluk egei.

Asogo tualegeirik, Allah onuk ho’buk disogo ’balegei, “An lasu legi a’ge yu, naik ’gain Honuk Logo a’ge en senniarok welat letniasulat, so’boru emin, nosum emin, woknosoam, pobuk togolik naik owi pam opsogo weiktik, hat Allah an naik orogun o. Ye, di a’ge yu a’ge naik Honuk Logo a’ge en woknorogun a’ge ai ne’gik wenakho 10 pam lau wagoam, mesik hat hu’gwarek wokhese leik o. Ye, helep edikpegi yu, naik Honuk Logo a’ge paget erlikhobogu lemagoluk, enede we’gerlogo eberak welemagoluk hebegi o,” oluk ho’buk ’balegei.

Hat en dogo’gwe a’ge re, ’gwiang aling ’gwiangma modok a’bik welago ai ’gela’ge ema o. Asogo emarik, o o’gut etleba akhit en, yema akhit en, erabu akhit en, orogobu akhit en is modok wiyaletil laga lema o. Wiyaletil lagalat, hat hebe emin, hat en dogo’gwe a’ge emin, henemin pegilsogo aphwami ena’gul onuk lo’bok ’berlegat an en obap enebise leik o.

Asogo ebesirik, o eba naduk e, onuk Lus welaga a’ge pobuk onuk Betel tualegei.