KEJADIAN 9 的熱門經文

分享

Da'di leo ta'du-tana neu hehelu-balataak, fo manaketu basa taak, fo Au taon no emi, ma no basa mahahae maso'dak, fo kaso'dak-kala, de Au tao elus-sa nai ko'as-sa, fo da'di leo ta'du-tana neu Au hehelu-balataang no daebafak-ka.

Neu faik bee, fo elus-sa da'di nai ko'as-sa soona, neukose Au itan ma afandele Au hehelu-balataang fo manaketu-basa taak ndia, no basa mahahae maso'dak, fo laso'da nai daebafak-ka.

Hataholi daebafak-ka, nananakadada'dik sama leo Au; hu ndia de, ba'eneu see, fo ana taonisa hataholi soona, neukose hataholi taonisa hataholi ndia boe.

Manetualain ba'e-pala Noh no anan-nala, boema nae, “Bongi upu-anak makadotok, fo ela emi tititi-nonosim, leo lahenu daebafak-ka lala'en-na.

Basa sila lala'en-na, bole da'di o nana'am-ma, fo nde bubu'u-palusa momo'dok-kala boe; Au fe o basa sila-la, fo ala da'di neu o nana'am-ma.

Basa manupui-la, ma i'ak-kala, boema bana fe'e-fe'ek lala'en-na, neukose ala bii-lamata'u neu o. Basa-basas lai o koasam-ma dalek.

Hei, emi muse bongi upu-anak makadotok, fo ela emi tititi-nonosim-mala, ala leo lahenu daebafak-ka lala'en-na.”