Litanga 3 的熱門經文

分享

Na mukali lwa ya lola musala zana gu veye mulahi kulia, nagwo kandi gu yanzidza tsimoni, na kandi nomulahi kugerihidza, ya vugula ku makuyu gagwo, na a lia; kandi ya ha musatsa wewe halala naye, na a lia.

Kunangwa inzoka ya li nobugeeri bwobugadi kuvita tsinyama tsyosi tsya Yahova Nyasaye ya li kulomba. Nayo ya volera mukali, Yee, Nyasaye a voye, Mu ta lia ku misala gyosi gyomulimi?

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Kandi ya volera mukali, Nda kiridza ligali ubusaliri bubwo na livereka lilyo; u livula avana nobusaliri; kandi likayirwa lilyo li la yeka ku musatsa wowo, naye a lameha ku ive.

mu lugeri lwommoni mumwo u la lia vyokulia, kuduka ive u lirana mu marova; kigira wa twulidzwa mugo: kigira u veye ulugukyi, na u lirana mu lugukyi.

Kandi ya volera Adamu Kigira ive u huliye livola lyomukaii wowo, na u liye ku musala, gwa nda ku laga, ni mbola, U ta lia kugwo: marova ga laameywi kigira ive; u la lia vyokulia vivyo mu liyinzira lidinyu madiku gosi gelimenya lilyo lyosi

Naye ya mu teva, Ni bwaha wa ku volera u veye kyahonyo? U mali kulia ku musala gwa nda ku laga u ta lia ku?

Kunangwa ya kunga Adamu na a mu hila kyova; naye ya vika Vakerubi ku luvega lwevugwe womulimi gwa Edeni, na kivavi ki ng'ereng'ananga kya voyongana kulinda inzira yomusala gwelivamwoyo.

Na Adamu ya langa lieta lyomukali wewe, Hawa; kigira a veye mama wa vosi va veye mwoyo.