Matius 10 的熱門經文

分享

Naoa bunte Puang Yesus pano di pahsikolana, ”La kusuokoa' do umpepainsangnging Kaheba Mapia. La sihapangkoa' domba ang tama di alla'-alla'na olo'-olo' peande. Dianto anna pahallukoa' manähkäng sinnoa ile anna mahamme' inahakoa' sinnoa dangang-dangang.

Aka' menna pemala umpamahendeng katuhoanna, la bilang mateetee', ampo' menna ang tontong mampetahpa' moi dipatei aka' Kodi', dianto ang la dipasalama' sungnga'na.

Anna daa ummahea'a' pano di tau ang mala supu umpatei bätäng kalae, ampo' daine' mala umpatei sungnga'. Ampo' ang pahallu la ungkahea'a' dianto Puang Alataala ang dai supung mala umpatei bätäng kalae ampo' mala toe' umpatei sungnga' yaling di api nahaka.

Menna-menna dai sadia madahha bahtu' mate aka' natindo'ä' dai sihatang mendahi petauangku.

Menna ang mangngakuiä' di hao di olona tau senga', la kuakui toe' di hao di olona Ambeku yaho di suruka. Ampo' tau ang mambahoiä' di hao di olona tau senga', la kubahoi toe' di hao di olona Ambeku yaho di suruka.”

Pabono'koa' to makorong anna patuhoi sumule to mate. Pabono'koa' tau ang bosi lollo'na, hambaii ingkänna setang ang umpentamai tau. Anna aka' inde kakuasaang untahimbo tomande'a' dai mangki' umbaya' bahtu' unsaho, dianto anna pahallu tunne' umpebea tomande'ing pano di ingkänna tau dao mangki' la nasahoi.

Dianto anna dakoa' pahallu mahea', aka' keangka' puharakoa'to dio andana mai'di dena'.

Napatahhi' bumi tula'na Puang Yesus pano di pahsikolana naoatee, ”Daa unsangaia' inde kasuleangku tama inde di lino la umbahaä' kasikapiaiang di alla'na hupatau, aka' inde kasuleangku dä' sule umbaha kasikapiaiang ampo' suleä' umbaha kasikallaang.